ESAIA 48:7 - Lacid Common Language Bible

⁷ Akhid" za: ngoo hau: joem ri bui" nhang: nyid zi nghoid. Lid: lo da" ayo, moo hid: yhang: ti" zi abui" yu" shi" hau: zi bue" yu" nghoid rigi hau: khyoo: dangain" ri nanu" se' ga: tid goo" wa.

ESAIA 48:7 ပူးပေါင်းရင်းမြစ်များ

YOBA 32:13

Nanu" gi phajhi" ri shoug" sho: yu bye: ein: khasu" se' yo" tid goo" wa la". Nanu" abui" loo: yoomo Yoba ri Mangso wigi tu" byid: ca" da:.

ESAIA 48:6

«Ngoo shid tid to" gu: dangain" akhid" bue" lo abye:. Nga" lapi: dang: jo ziri nanu" kham yu ca" da:. Akhid" ngoo shid phyang" atoin" shid yu" shi" da" khyoo: joem ju" loo wa da" khyoo: aseig joem ri ngoo nanu" ri tid kyoo" wa.

ESAIA 48:8

Nanu" gi thougtheung gyi koid to" zi khanham we' meing: fu" lo boem yoomo nanu" ri age loem da" khyoo: ri ngoo se'. He: gang mo nanu" khanham we' ashau" gyo: yu" nghoid ago". Dakhoin" we' nanu" nukhyab khyoo: ciwim yoomo aju" re" la.

ESAIA 49:7

Israela da" gyeung" shang: Mangsoo yo' khyoid yu su: gi xoo: sho' aphoug" akhyoid koid zi shoug" su: byumyu" yi wigi ngheing" su: vhoebkhang" bang: da" dei zoo: ri «Nang loid nhang: kaid ziri khokham yi shau" myang lang" nyangnu" ri phau" myang: byid: wa shid re" to' yab loo wa. Khokham nu" yi we' hau: ziri myang wa lho: nyangnu" gi nang ri phau" myang: wigi goeb pid loo goo" wa» ga: tid. Aseing gi nya: dei zoo: ri khyen: too" bye: yoomo he: zigi bue" loo wa nghoid. Israela da" gyeung" shang: Mangsoo gi nya: dangsoo" joem ri zoem: su: nghoid da:.