ESAIA 48:6 - Lacid Common Language Bible

⁶ «Ngoo shid tid to" gu: dangain" akhid" bue" lo abye:. Nga" lapi: dang: jo ziri nanu" kham yu ca" da:. Akhid" ngoo shid phyang" atoin" shid yu" shi" da" khyoo: joem ju" loo wa da" khyoo: aseig joem ri ngoo nanu" ri tid kyoo" wa.

ESAIA 48:6 ပူးပေါင်းရင်းမြစ်များ

COUNG" NGHEI 107:43

Phajhi" boo bang: gi he: moo" zo" da" akhyoo" ri myid soin: yu" nyid goo" baja". Nyangnu" gi Aseing da" geung: teung jhed khyeing: kang khyeing: ri myid yu" nyid goo" baja" o".

COUNG" NGHEI 119:13

Nang byid: to" da" tarha" dangain" ziri thui: thain" thain: yo' ngoo doem phoug tid kyo" nyid wa.

ESAIA 21:10

Nga" byumyu" Israela we"- nang gi sung: soo: ri yo' dakhyoo" nang: zi shoug" ago". Nghoid loug we' Israela da" Mangsoo- myhang: thang Aseing mo ngoo shau" gyo: yu da" lu dang: gi ri akhid" nanu" ri shoug" kyoo" byid: bye:.

ESAIA 42:20

Israela we"- nang gi gye" shau" myang abye:. Nghoid loug we' hau: zigi re" shid re" ce: dang: kang: bo la". Nang gi gyoo: wa nukhyab yo" da:. Nghoid loug we' nang ci shoug" gyoo bye: la"» ga: tid da:.

ESAIA 42:8

‹Ngoo dayug za: re" Aseing Mangsoo nghoid. Gootu: yu phara" ce: daja: we' nga" phung" yoeb ri ayo" gam yu nghoid da:. ngoo gi yu phara" soolhoo: joem ri nga" coung" nghei khyoo: ri ayo" gam byid: wa.

ESAIA 42:9

Ngoo lapi: pe: to" da" moo" joem akhid" joeb byeung" lo abye:. Akhid" ngoo gi nyangnu" lang" abui" loo shi" da" khyoo: aseig joem da" khyoo: ri nanu" ri tid kyoo" wa› ga: tid da:.

ESAIA 43:19

Ngoo koid wa nghoid da" moo" aseig ri zung" yu" we'. Hau: zigi bue" re" nyid abye:- nanu" hau: ziri akhid" yo" myang abye: go". Ngoo gi dain" pyoid yoo khyo" kho' lid: lo" da" khyoodeing ri koid wa. Hougmoo ngoo nanu" ri gyid zoo: gyung: joem yau byid: nhang: wa.

ESAIA 48:7

Akhid" za: ngoo hau: joem ri bui" nhang: nyid zi nghoid. Lid: lo da" ayo, moo hid: yhang: ti" zi abui" yu" shi" hau: zi bue" yu" nghoid rigi hau: khyoo: dangain" ri nanu" se' ga: tid goo" wa.

YEREMIA 2:31

Israela byumyu" yi we"- ngoo tid nyid ziri tam" gyoo: we'. Ngoo gi dain" pyoid yoo yhang: ti" moug coid yhang: ti" yo' gyoug ca" da" mougmyid yhang: ti" bue" lo" zi shau" yu" la". Hougsu" nghoid ri ciwim yoomo nanu" gi nga" jhang khanham we' atau" phang: loo" loo wa ga: nanu" nyang: vho: khyo" koid wa ein: tid boem go" la".

YEREMIA 33:3

«Ngoo ri khi: we' nang ri ngoo tu" byid: wa. Nang ci: ase' da" mau" pho" ziyo' mau" pho" moo" zoo" yo' sen: da" khyoo: ri ngoo tid khyoo" wa.

YEREMIA 50:2

Hau: zigi «Byumyu" yiri lu dang: tid kyoo" we'. Hau: ziri tid fu" we'. Avoid alhoo: ri byid: wigi lu dang: joem ri tid fu" we'. Hau: ziri azau" too" goo". Babelon gi gyoeb gyo" byug abye:. Nya: da" yu phara" Madug gi gyoeb mhoin' byug bye:. Babelon yu phara" soolhoo: joem gi sho' phu" nyid. Nya: aco' ajhoid da" soolhoo: joem gi baid khyoeb mhoin' pyam zi shau" abye:.

AMO 3:6

Voo byu yiri agyoug dain nhang: loo: za: voomoo" khoug: moo gyi khe: da" laboo" lhoung moid yu" boem la". Aseing wigi akoid kaid ri voo khoug: moo yau: khe" kyi" khyeug moo" lhoung thu lo yu" la".

MIKHA 6:9

Aseing ri gyoug phau" zigi phajhi" da" apoem: nyang: nghoid. Nyang: voomoo" ri tid zigi «Voomoo" khoug: moo zheung: foem nyid da" mung" byu yi tam" gyoo: ge'.

MATHE 10:27

Moug: coid' moo nanu" ri tid kyo" dang: dangain"- bidbang moo shau" tid kyoo" wa. Nanu" da" nukhyab' moo so' kyo" da" dang: gi yhoemkhung: tho' mo zeig: yoid ge'» ga: kho" kyo.

YOHAN 15:15

Akhid" mo wigi nanu" ri ngoo join atid loo wa. Khasu" wim gari-join gi Yhoem: seing: koid da" moozoo" ri asi. Nanu" ri bidnoem da ein: loo wa khasu" wim gari pho jang" mo ngoo shau" gyo: khyoo: dangain" nanu" ri yo tid kyoo" bye.

ACTS 1:8

Nghoid loug we' nanu" da" a tho' moo gyeungshang: Venyi ju" gyoo" loo lang" gi-nanu" gi yoem vhoo" pyeung byid: zi shau" wigi Yerusalem voomoo" mo zi Yuda meing: goin- Samari meing: yo' moug: myed thang sho' moo nga" sagsi: yi bue" loo" goo" wa-ga: tid.

1Korinthians 2:9

Nghoid loug jhoem: mungdang: moo- hang" we' amyang yu" ashoug" gyo: yu" da" khyoo: bue" loo wa zi nghoid ga: wigi- Hang" amyid, ju" da" khyoo: ri- Mangsoo gi nyang: ri jheddab bang: shid re"- nyheung too" bye ga: lhid" to".

Pang Shug 1:19

Houg: yoomo nang shau" myang bye: da" khyoo: ri we' akhid" jo, jo, gu: ri we' thang: phyang" bue" loo wa khyoo: ri we' lhid" too" we'.

Pang Shug 4:1

Hau: thang: ri gootu: da" yoeb, myang daloem: gi moug: khung: khoem" duang" bang" jo, ziri ngoo myang kaid. Hau: lho: laboo" daloem: moid myheung da" thui: te" ziyo' ngoori tid nyid da" dang: ri shau" gyo: zigi He: joyoo khyoo: do, loo we' thang: phyang" bue" loo wa da" moozoo" ri ngoo toin" shid ba, ga: tid nyid.