ESAIA 48:5 - Lacid Common Language Bible

⁵ Ngoo gi re" da" ju" loo wa ayo, yo' sen: da" khyoo: ri goonham' gooco' mo lapi: pe: to" wigi hau: joem abui" shi" ri bui" wa khyoo: joem ri tid fu" too" bye:. Hau: lapi: dang: gi nanu" da" yu phara" soolhoo: joem yo' gung du: soolhoo: joem ri bui" nhang: zi nghoid ga nanu" tid ziri toem' pyam wa shid re" nghoid.

ESAIA 48:5 ပူးပေါင်းရင်းမြစ်များ

ESAIA 43:19

Ngoo koid wa nghoid da" moo" aseig ri zung" yu" we'. Hau: zigi bue" re" nyid abye:- nanu" hau: ziri akhid" yo" myang abye: go". Ngoo gi dain" pyoid yoo khyo" kho' lid: lo" da" khyoodeing ri koid wa. Hougmoo ngoo nanu" ri gyid zoo: gyung: joem yau byid: nhang: wa.

ESAIA 44:7

Ngoo koid lo da" moo" ri gootu: hang" yo" koid la". Xang: shi" mo zi lo" thang da" ayo, ju" sho' moo bui" wa khyoo: dangain" ri hang" lapi: yo" pe: too" bye: la"

ESAIA 44:8

Nga" byumyu" yi we"- agyug goo". Goonham' gooco' mo zi akhanyid" da" ayo, ju" sho' moo hau: gu: dangain" bue" ri” wa khyoo: ri ngoo lapi: pe: to" ziri hang" se' da:. Houg: lho: nang gi nga" sagse: nghoid da:. Mangsoo gooyug nyid la". Ngoo khanham we ashau" gyo: yu" da" yoem: so' bo da" Mangsoo gootu: nyid la"

ESAIA 45:20

Aseing tid zigi «Khosen mungdain: gyoo" lo" byug uri nyid deing bang: dangain" nghoid da" byumyu" yi we"- zeing: lo boem ge'. Tarha" joeb yu" khyo" nanu" nya: gung ri yhe: ci: shug byid: we'. Byu yigi seig wigi koid da" nyangnu" yu phara" soolhoo: joem yo' jen shug yen" lho: nyangnu" ri ayo" khyoid yu da" yu phara" joem ri akyu" mho' ago". Hau: byu yigi ci: we' asi' goo" nghoid da:.

ESAIA 46:10

Bue" loo wa khyoo: ri xang: shi" mo ngoo Lapi: pe: to" wigi cibui wa ein: ziri goonham' mo tid shid" too" bye:. Ngoo soin to" da" moo" joem gi khanham we' asoem" pyam- ngoo koid wa myid soin' to" zi ja: khang" moo" ri ngoo koid su: nghoid ein: ngoo tid.

ESAIA 48:3

Aseing gi Israela ri «Cibui" wa ein: ziri goonham' goo" co' mo ngoo lapi: pe: too" bye:. hau: thang: ngoo hau: ziri nyeigdain tung" bui" nhang: bye:.

LUKA 1:70

Aseing: gi ngoonu" ri gyivoo yi da" lo, mo we' ngoonu" ri ngheing" mo, da" lo, mo we' khyoid yu wa da" shid' re"

ACTS 15:18

He: khyoo: ri goonham, goo co, mo wigi si' nhang: to" da" Aseing: gi hid: su" ga: tid nyid.