ESAIA 45:2 - Lacid Common Language Bible

² «Re" khyoo: ri ngoo nyang: nyheing byid: wa. Boem yo' bouggung joem ri tam: byid: wa. Gyid: mid" khoem" moo" joem ri ngoo baid khyau" pyam wigi hau: joem mo joto' khoem" kyang joem ri baid khyau" mhoin' pyam wa.

ESAIA 45:2 ပူးပေါင်းရင်းမြစ်များ

COUNG" NGHEI 107:16

Nyang: gi voogung gyid: mid" khoem" moo" duang: joem ri ne, khyoeb, pyam lho: wigi joto' khoem kyang young: joem ri adu atoem koid pyam byid: abye:.

ESAIA 13:2

Pyoid pyoid da" bouggung tho moo meing: zain pui dung khoin: ri tu: shab too" ge'. Nghoid boin: da" voomoo" khoem" moo" duang: joem ri khaid zain: wa nyangnu" ri aved byid: da" khyo" gyizoo: yiri zeig nyhoo: nhang: lho: nanu" lo, ri tu: too" ge'.

ESAIA 14:31

Philisti voomoo" joem we"- nanu" dangain" gi pang" thoug wa shid re" kyi: ngoug nyid ge'. Nanu" dangain" bang: gyoug nyid ge'. Mougzhung: shoid mo jhoemmoug" zoo" dazoo" ju" re" nyid da:. Houg gi gyoug da" gyizoo: dayug nghoid wa zi anghoid.

ESAIA 24:12

Voomoo" gi byo, jo, da:. Hau: da" khoem" moo" joem gi phyo' pyam byid: zi shau" da:.

ESAIA 40:4

Lang: khung" khang" moo" boem" ge'. boem khang" moo" ri tam ge'. Bouggung joem gi jang: dam bue" loo" wa. Abu" akhyoid bue" da" mougmyid gi dam lo" byug wa.

ESAIA 42:16

«Ngoo gi nga" byumyu" myo, jed bang: ri nyangnu" khanham we' aso" yu" boem da" khyoo: joem khyoo: shu" loo" wa. Ngoo gi nyangnu" da" moug: coid ri bidbang bui" nhang: wigi akhyi" akhyoid da" kyoem: khoug: ri nyangnu" shidkhoin" mo khyoo: jhoid bui" nhang: wa. He: zigi nga" dang: soo" joem nghoid wigi ngoo gi hau: ziri ato" myid loosho' cang koid wa.

ESAIA 45:13

Nga" myid too" jang: ri zei: pyeing wa yo' jo da" moo" ri bui" nhang: wa shid re" Kuru ri moo" zei wa lhu: zhang" su: gi ngoo nyang: nghoid. Ngoo gi nyang: so" lo" khyoo: khaid khang" moo" ri khyoo: dangain" koid pyam byid: wa. Nyang: gi nga" voomoo" Yerusalem ri doem tam: wigi thung: lhung to" da" nga" byu yiri lhoidpyoin' kaid byid: loo wa. He: ziri koid wa shid re" nyang: ri hang" we alhung:- khougvhoid we' hang" abyid:» myhang: thang Aseing tid to" da:.

ESAIA 48:15

Ngoo gi nyang: ri dang: tid wigi khe: yu su: nghoid. Ngoo gi nyang: ri shu" thu yu wigi nyang: ri oung: doid nhang: wa.

YEREMIA 28:13

Hanania jhang yhe: wigi «Nang gi seig kyoug: ri yo" khyau" pyam wa. Nghoid loug we' nyang: gi hau: ziri joto' kyoug: doem koid thid byid: wa ga: Aseing tid too" bye:.

YEREMIA 51:30

Babelon gyizoo yigi gyi khaid ziri theing: pyam lho: nyangnu" gyidab moo nyid boem ago". Nyangnu" da" voem" koid myid bei: byug wigi asho" ajhen: bue" byug da:. Voomoo" vang khyam: khoem" joem byo, gyo" lo" byug wigi yhoem: joem gi myi: nge" lo" da:.

YEREMIA 51:58

Reung: thang da" Babelon vang joem gi myidjang khyoo: du" khyo' pyam zi shau" boem wa. Hau: pyuzung khoem" moo" joem we' nghe' khyo' pyam wa. Babelon byumyu" yi da" moo" zoo" gi akoem: nghoid da:. Nyangnu" yoem: kaid to" zigi myiyham: moo bo do, lo" byug da:. Ngoo myhang: thang Aseing tid bye:.

DANIELA 5:28

Byo, sain" lo zi re" mungdain: ri byo, soin" loo" nhang: wigi Mede yo' Persi bang: yiri byid: pyam da» ga: zi nghoid.

DANIELA 8:4

Hau: yang loo: gi nya: da" khyoug: joem wigi bidvang shoid- mougzhung: shoid- mougpyi: shoid khyoo: khyoug: tu: yeing ci: ziri ngoo lang" yu" nyid. He: gougnyhoug we' nyang: ri ayo" toem' pyam- nya: yoem: so' mo we' ayo" phang: loid nghoid ago". Nyang: gi nyang: vho: khyo" koid lho: nghoid boin: lo da:.

NAHUM 3:13

Re" gyizoo: yigi myiyi: yi yhang: ti" bue" jo, lho: re" mungdain: gi re" gyivoo yi da" shidkhoin" moo khoug: goo jang: ayoo" bue" jo, bye:. Re" voomoo" khoem" duang: joem mo khoem kyang joem gi myi: nge" byug wa zi nghoid.

LUKA 3:5

Lang: khoug: jo, moo jo, ri du: tam, pyam lho: boem zeing boem zoo: bain sho' ri khyau" khyo pyam ge' goid" da" khyoo: joem ri nyhang: kaid ge'. Amyen akhyoid da" khyoo: joem ri khyoo: myen, khyo" tam, pyam ge'.

ACTS 1:15

Hau: thang: atoung" myang" ri loem" mo, dasho: eig xi: yug koo- zeung: foem: phoung nyid boem ago, Houg: lang" Petru gi to' yab, lho: wigi