ESAIA 43:3 - Lacid Common Language Bible

³ Ciwim ga ri ngoo gi re" Aseing Mangsoo nang ri khyoid yu su: Israela da" gyeung" shang: Mangsoo nghoid. Nang ri loid byoin nhang: wa shid re" ngoo gi Egutu ri ab pyam wa. ngoo gi Etiopi yo' Seba ri ab pyam wa.

ESAIA 43:3 ပူးပေါင်းရင်းမြစ်များ

APOEM AYANG: 10:7

Khusha da" amyed ashen yigi Seba byumyu"- Havila byumyu"- Sabtha byumyu"- Rama byumyu" yo' Sabthekha byumyu" yi nghoid. Rama da" amyed ashen yigi Sheba byumyu" yo' Dedan byumyu" yi nghoid.

COUNG" NGHEI 72:10

Spain mung" yo' gugyoo: kang: mo khokham yigi nyang: ri jhungshug jhung: lang: joem re" shug byid: lo boem wa.

THU' LO" MOUGSOUG" 10:7

Khokham da" gyizoug: yigi nyang: ri «He: byu yigi kha: myhang ju" sho' ngoonu" ri yau: khe" khyoo: byid: nyid shigoo" wa la". Nyangnu" Aseing Mangsoo ri yo" noku wa shid re" Israela yuggi yiri yhe: wa akhang" byid: kaid we'. Egutu mung" bain yoin" lo" ziri nang aboin: rhe"» ga: tid ago".

THU' LO" MOUGSOUG" 20:2

«Nanu" join koid nyid da" Egutu mo shu" thu lo da" nanu" Aseing Mangsoo gi ngoo nghoid.

DANG: ZHOEM 11:8

Deing: byeung" bang: gi kyi" khyeug yau: khe" khyoo: mo lhoug zung" yu zi shoug" nyid ago". Hau: da" kyi" khyeug yau: khe" khyoo: gi nya: jang" moo: ju" wa gung khoo- akhyeing" su: jhang khyoo: ju" loo" wa zi nghoid.

DANG: ZHOEM 21:18

Akhyeung" bang: gi byugi yiri phu" zoo: baja" ga: nyangnu" koid da" khyoo: moo: nyangnu" nyang: phu" zo: zi shau" boem wa nghoid.

ESAIA 19:20

Hau: joem gi Egutu mung" moo myhang: thang Aseing shidkhoin" mo alhoo: joem nghoid loo wa. Houg moo nyid boem da" bang: doin zeig zo: zi shoug" kham zo: boem lang" bo pang" yu wa shid re" Aseing ri mho' wigi nyang: gi houg bang: ri khyoid yu wa byu dayug yug ri nhang: kaid byid: wa.

ESAIA 20:3

Ashdod ri myheig loo" shoug" lang" Aseing gi nga" dei zoo: Esaia gi shoocen: doem- khyid: cen: so" lheing yen" zi soem" zain nghoid bye:. He: zigi Egutu yo' Etiopi bue" loo wa avoid asoo" nghoid.

ESAIA 30:11

Ngoonu" da" khyoo: ri shu' ge'. Ngoonu" da" khyoo: ri axau' too". Nanu" da" Israela da" gyeung" shang: Mangso da" khyoo: ri ngoonu" anau gyoo ga: tid ago".

ESAIA 41:14

Aseing gi Israela we"- nang gi nge wigi yoem: nheing: yhang: ti" nghoid da:. agyug- ngoo nang ri pang" thoug byid: wa. Nang ri khyoid yu su: gi Israela da" gyeung" shang: da" Mangsoo ngoo nghoid.

ESAIA 42:8

‹Ngoo dayug za: re" Aseing Mangsoo nghoid. Gootu: yu phara" ce: daja: we' nga" phung" yoeb ri ayo" gam yu nghoid da:. ngoo gi yu phara" soolhoo: joem ri nga" coung" nghei khyoo: ri ayo" gam byid: wa.

ESAIA 43:11

«Ngoo dayug za: Aseing nghoid. Nang ri yo" khyoid yu su: ngoo dayug za: nghoid.

ESAIA 45:14

Aseing gi Israela ri «Egutu yo' Etiopi da" jonu" gi re" da" zi nghoid loo wa. Seba da" byusheing: yigi re" join yi nghoid loo goo" wa. Houg: bang: gi jangcoo" void wigi re" thang: cang loo wa. Nyangnu" nang ri goeb pid wigi ‹Mangsoo gi nang yo' dage" nyid da:. Nyang: dayug za: Mangsoo nghoid o"› ga: yhen: yu loo goo" wa.

ESAIA 45:15

Nya: byumyu" ri khyoid yu da" Israela da" Mangsoo gi nyang: nya: gung ri zau" too" su: nghoid da:.

ESAIA 45:21

Nanu" da" moo" ri tarha" yung" moo re" tid we'. Yooboo voin shau" bang: gi nyang: cang" nyang: sham: goo" baja". Bue" ri" wa ga: shid phyang" lapi: pe: su: hang" nghoid la". Nya: byu yiri khyoid yu su: gi ngoo Aseing Mangsoo anghoid rhe". Mangsoo gootu: anyid.

ESAIA 49:26

Ngoo gi nang ri zeig zoo: mo, ri nyang: cang" said goo" nhang: wa. Nyangnu" gi byu said ziyo' nheig joem: yo: ze wigi yed: jo, goo" wa. Houg: lang" byu dangain" bang: gi ngoo gi nanu" ri khyoid yu wigi loid byoin nhang: kaid wa. Aseing nghoid ziri se loo" goo" wa. Ngoo gi Israela da" yoem: so' bo da" Mangsoo nghoid ziri nyangnu" se' loo goo" wa» ga: phug tid da:.

ESAIA 60:16

Nya: myhi' wigi nya: zoo: ri coung: ziyo' dayhang: ti" Byumyu" yi yo' khokham yigi nang ri goin coung: loo goo" wa. Ngoo Aseing gi nang ri khyoid yu wigi Israela da" yoem: bo Mangso wigi nang ri lhoid pyoin kaid ziri nang se' loo wa.

ESAIA 63:8

Aseing gi «Nyangnu" gi nga" byumyu" yi nghoid- nyangnu" ngoo ri amhoug boem goo" wa» ga: tid. Houg: lho: nyang: gi nyangnu" ri

YEREMIA 14:8

Nang gi Israela da" dakhaid kyeing" da" myidbyu khyoo: nghoid da:. Nang gi ngoonu" ri byo, yoin" lo" jang" mo khyoid yu su: nghoid da:. Nang gi ciwim yoomo ngoonu" da" mougmyid mo being" voo yo" bui" wa la". Ciwim yoomo damyen kyeing" yhoeb lid: lo" da" gyung: soo" su: yhang: ti" yo" bui" wa la".

YEREMIA 16:21

Aseing gi «Hougsu" nghoid rigi byumyu" yigi nga" da" yoem: so' yoem: moo" ri dalheing: za: se' ci: boem baja". Ngoo koid kaid wa. Ngoo Aseing nghoid ziri nyangnu" se' loo goo" wa» ga: tid da:.

EZEKIEL 39:7

Ngoo gi nga" da" gyeung" shang: myeing ri nga" byumyu" Israela bang: si' sho' koid wa. Houg: lho: nga" da" myeing ri ngi: adoem yoem" nhang: loo wa. Houg: lang" byumyu" yigi ngoo Israela da" gyeung" shang: Mangsoo Aseing nghoid ziri se' loo goo" wa.

HOSEA 13:4

Aseing gi «Ngoo gi nanu" ri Egutu mo shu" thu lo da" nanu" da" Aseing Mangsoo nghoid. Nanu" gi ngoo mo lid wigi Mangsoo gootu: ayoo" nghoid ago". Ngoo dayug kyeing" za: nanu" da" khyoid yu Aseing nghoid.

XOIN" NGEI" 11:44

Ngoo gi nanu" Aseing Mangsoo nghoid. Ngoo gyeung" shang: nyid yoomo nanu" we' nanu" gung ri gyeung" shang: nhang: ca" nyid da:.

AMO 9:7

Aseing tid zigi «Israela mung" byu yi we"- ngoo gi nanu" ri myid boin: nyid ziyo' dakhyoo" ti" Etiopi byumyu" yiri we' myid boin: nyid. Ngoo gi nanu" ri Egutu mung" mo shu" yu ziyo' dakhyoo" ti" Philisti byumyu" yiri Kreti mo we' Suri byumyu" yiri Kira mo shu" yu to" zi nghoid.

ZEKHARIA 9:9

Ziun mung" byu yi we" gye" gau yi ngei bu: nyid ge'. Yerusalem bang: we" yoid nyho: loo ngei bu we'. Yu" we'- re" da" khokham phoo gi re" jang" moo ju" re" da:. Nyang: gi ung: pui" oung: myug ziyo' ju" re". Nghoid loug we' nyang: gi nu" nham' lho: loo zei: tho' moo zhung: wigi re" bye:. Nghoid- Loo zei: nu" dadu: atho' moo zhung: lho: wigi re" da:.

YUDA 1:25

Aseing Yesu Khristu moo ngoonu" ri yo" khyoid yu da" dayug kyeung" da" Mangsoo gi moug; thu' xang: poin: mo wigi he: yam: he: pyaid yo' thang: phyang" apyaid' atoo: moo ju" sho' myonhoo: phung" yoeb, yoem: moo" so' zeing- amyeing" akhang" gi nyang: moo za: dabo jo, baja" o"- A men.