ESAIA 41:2 - Lacid Common Language Bible

² Oung: doid yug ri bidthu shoid mo shu" lo su: hang" nghoid. nyang: yhe: da" joyoo khang" moo" moo nyang: ri oung: myug nhang: su: hang" nghoid la". Khokham yi yo' byumyu" yi atho' moo nyang: ri hang" wigi oung: pyam nhang: la". nyangnu" ri pheilhoug: ri yhang: ti" shamcoin" wigi zain: khyo' pyam da:. nya: myoo: joem gi nyangnu" ri lid vhu" mo khoofoo: yhang: ti" dang: loo" nhang: wa.

ESAIA 41:2 ပူးပေါင်းရင်းမြစ်များ

APOEM AYANG: 11:31

Thera gi nya: zoo: Abram yo' nya: dumoo" Sarai ri we' Haran da" nya: zoo: Lod ri we' shu" ci: lho: Babelon moug: Ura voomoo" mo Khanan mung" khyoo: thu yhe: lo" boem. Nyangnu" gi Haran mo ju" sho' yhe: wigi houg: moo yhe: nyid boem.

APOEM AYANG: 17:1

Abram goug: xe: goug: zain nghoid ri Aseing gi nya: jhang re" lho: «Ngoo gi myhang: thang da" Mangsoo nghoid. Nga" dang: tam" gyo: lho: ge da" moo" khanham we' dazei: nyid we'.

2 SAMUELA 22:43

Lid hau' tang" lo da" pheipyang" yhang: ti" bue" loo" wa shid re" nyangnu" ri ngoo mhoin' pyam bye:. Khyoogung mo thoem" boeb, ri yhang: ti" nyangnu" tho' moo: ngoo nang: pye" pyam bye:.

2 KHOKHAM 13:7

Yehoahaza gi myang: zhung: gyizoo: wim: xi: yug- gyi myang: rheing" daxi: loem:- gyizoo: damoin yug mo lid wigi gyi yoem: gootu: ayoo" nghoid da:. Ciwim gari Suri khokham gi deing da" gu: ri said pyam wigi pheilhoug: ri yhang: ti" houg bang: ri nang: nhe" pyam da:.

2 KHOKHAM MHOOMYID: 36:23

He: zigi Persi khosen Kuru da" amyeing" dang: nghoid. «Mougkhung: mungdain: mo Aseing Mangsoo gi ngoo ri mougmyid gyab goin" ri vhoeb khang" nhang: wigi Yuda mung" Yerusalem moo we' nya: shid re" Noku Yhoem: Moo" koid wa shid re" ngoo ri yoovoin byid: too" bye: zi nghoid. Akhid" Mangso da" byumyu" yi nghoid boem da" nanu" dangain" gi: houg: khyoo: loo" ge'. Nanu" da" Aseing Mangsoo gi: nanu" yo' dage" nghoid baja" o" » ga: zi nghoid da:.

EZRA 1:2

He: zigi Persi khosen Kuru da" amyeing" dang: nghoid. Mougkhung: mungdain: mo Aseing Mangsoo gi ngoo ri mougmyid gyab goin" ri vhoeb khang" nhang: wigi Yuda mung" Yerusalem moo we' nya: shid re" Noku Yhoem: Moo" koid wa shid re" ngoo ri yoovoin byid: too" bye: zi nghoid.

ESAIA 40:24

Nyangnu" gi agyi: ayo" cen' shi" da" agam zoo: ri phoin pyam yhang: ti" bui" wa. Aseing wigi lid ri nhang: kaid lang" nyangnu" kyug lo" byug wigi khoofoo: yo' dakhyo" hau' tang" lo" byug da:.

ESAIA 41:25

«Ngoo gi bidthu shoid moo nyid da" byu dayug ri khyen: yu bye:. ngoo gi nyang: ri mougzhung: shoid mo khaid zain: wa shu" loo wa. Nyang: gi vhoebkhang" bang: adang moo nyangnu" thoem" boeb nghoid rigi oug" koid su: zhoonhau: ri nang: nhe" yhang: ti" nang: nhe" pyam wa.

ESAIA 41:3

Nyang: gi luzoem" cang" yoem" yiri cang khaid wigi goug goug nyui: nyui: za: yhe: lo" da:. sung myab yoomo myidgung rilang" alug lug atain" nghoid da:.

ESAIA 42:6

«Ngoo Aseing gi mougmyid tho' moo tarha" deing byeung" zi koid too" bye: ziri yu" wa shid re" nyang: ri ngoo khe: yu wigi yoem: so' byid: too" bye:. Ngoo gi: nang khyo" wigi byu dangain" yo' dang: theing koid wa. Ngoo gi nang khyo" wigi byumyu" yi jang" moo bidbang ci: ri" byid: wa.

ESAIA 45:1

Aseing gi Kuru ri khokham koid wa shid re" khyen: to" abye:. Byumyu" yiri oung: pyam wa shid re" nyang: ri khyen: too" bye:. Khokham yiri nyangnu" da" yoem: so' ri yu pyam byid: wa shid re" nyang: ri nhang: kaid da:. Aseing gi nya: shid re" voomoo" joem da" khoem" moo" duang: joem ri phang byid: wa. Kuru ri Aseing tid zigi

ESAIA 45:13

Nga" myid too" jang: ri zei: pyeing wa yo' jo da" moo" ri bui" nhang: wa shid re" Kuru ri moo" zei wa lhu: zhang" su: gi ngoo nyang: nghoid. Ngoo gi nyang: so" lo" khyoo: khaid khang" moo" ri khyoo: dangain" koid pyam byid: wa. Nyang: gi nga" voomoo" Yerusalem ri doem tam: wigi thung: lhung to" da" nga" byu yiri lhoidpyoin' kaid byid: loo wa. He: ziri koid wa shid re" nyang: ri hang" we alhung:- khougvhoid we' hang" abyid:» myhang: thang Aseing tid to" da:.

ESAIA 46:11

Ngoo gi bidthu shoid mo byu dayug ri ri" wa shid re" khe: nyid. Nyang: gi zoin yhang: ti" dang: gyo" re" wigi ngoo soin' to" da" moo" ri re" zei: pain' wa Ngoo tid too" bye:- hau: zi bue" ri' wa nghoid.

ESAIA 48:15

Ngoo gi nyang: ri dang: tid wigi khe: yu su: nghoid. Ngoo gi nyang: ri shu" thu yu wigi nyang: ri oung: doid nhang: wa.

NGOUG JI: 1:15

Aseing gi nga" yoem: bo thang da" gyizoo: yiri juang" yi pyam da:. Nga" zoolu: yiri phyo' shoin pyam byid: wa shid re" gyidab daloem: ri nyang: nhang: kaid da:. Nyang: gi zabyid xoem: mo zabyid shi" ri yhang: ti"- mhoin khyoeb pye" pyam bye:.

HEBRE 7:1

He: da" Melkhizedeg gi salem voogung mo khokham" yo' Myhang: thang da" Mangso khainjung agyi phoo nghoid. Khokham" myid: yug ri zain: ong: lho: Abraham doem ju" lo da" uri Melkhizedeg gi nyang: ri lhoem: tau, yu lho: main, kaid' byid.

Pang Shug 16:12

Hau: thang: ri khyug yug ein: da" moug: lagyoo: gi nya: da" goem, ri Uphraid gyid lang moo foid zei, kaid- Houg: lang" bidthu shoid mo Khokham" yi ri" wa da" khyoo: bang" loo" baja" ga: gyid moo" lang gi kyoug kain" loo" bye.

Pang Shug 7:2

Hau: thang: ri apyaid atoo: dei nyid da" Mangso dazid' ri ci: ri" su:- bidthu shoid mo moug: lagyoo: dayug ri ngoo myang- nyang: gi moug myid yo' panglai ri yo" phyo' shoin pyam da" yoem: so'- Mangso wigi byid: to" zi shau" da" moug: lagyoo: myid: yug ri thui: zeing yo' nyho: yoid zigi