ESAIA 41:1 - Lacid Common Language Bible

¹ Mangsoo gi «Ve: da" mung" joem moo nyid da" nanu" we" sam: zoo: nyid wigi nga" dang: tam" gyoo: ge'. Nanu" da" moo" ri tarha" yung" moo tid kyoo" wa shid re" soin nyheing too" ge'. dang: tid wa akho: akhang" nanu" yoo" goo" wa. Khayug jo ziri myid phyed wa dage" zeing: foem: goo" shang.

ESAIA 41:1 ပူးပေါင်းရင်းမြစ်များ

YOBA 38:3

Akhid" nang zhang" to' yab wigi nang ri ngoo myid: da" dang: khoin" joem ri phuid: kyoo" byid: we'.

COUNG" NGHEI 46:10

Nyang: tid zigi Meing: zain: go" khyoo: ri no: pyam ge'. Ngoo gi Mangsoo nghoid- ngoo gi byumyu" yi da" mo, phung: gung moo: we' mougmyid pyaid goin" da" atho' moo: we' myhang: thang su: nghoid ziri si' we'.

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

ESAIA 34:1

Byumyu" dangain" bang: we"- loo ge'. lheing khoem re" foem: nyid wigi tam" gyoo: ge'. Mougmyid gyab goin" yo' houg moo nyid da" bang: yugkhang" moo" hid khyoo: re" wigi tam" gyoo: ge'.

ESAIA 40:31

Nghoid loug we' pang" thoug wa shid re" Aseing ri loem khau: nyid bang: gi nyangnu" yoem: aseig yo" yu loo wa. Nyangnu" gi zoin bung: yhang: ti" dung yo' dang: do, loo" goo" wa. Nyangnu" tang" wigi amyung: doug goo" wa. Nyangnu" khyoo: so" wigi yoem: anheing: goo" wa.

ESAIA 41:5

«Ve: da" mungdain: joem mo byu yigi ngoo koid da" moo" ri shau" gyo: abye: go". Nyangnu" gi gyoug dain wigi nain" nyid boem bye:. Houg: yoomo nyangnu" dangain" bang: zeing: foem: wigi ju" re" ago".

ESAIA 43:26

Ngoonu" tarha" yung" khyoo: yhi: shang- nanu" da" yooboo zhug da" khyoo: ri ci: ri" we'. Nanu" jo da" shoid moo nghoid ziri sagse: ci: shug byid wa shid re" nanu" da" moo" ri tid shid yu" ge'.

ESAIA 43:9

Tarha" joeb yu" wa shid re" byumyu" yiri zheing" yu we'. Nyangnu" yu phara" joem mo kha: yug gi ju" loo wa ayo, khyoo: ri Lapi: pe: la". Houg: bang: mo khayug gi akhid" bue" nyid ziri lapi: yo" pe: la" Nyangnu" jo ziri sagse: ci: shug wa shid re" nyangnu" dang: khoin" deungmain" ziri sagse: yo" ci shug byid: wa shid re" he: phara" joem ri nyangnu" da" sagse: joem ri shu" ri" nhang: wa.

ESAIA 48:16

«Akhid" nga" jhang tab tab re" lo wigi ngoo tid ziri gyo: yu ge'. Xang: shi" mo ngoo gi bang bang tid loo bye:. Houg: lho: nga" dang: khoin" joem gi khanham we' joeb byeung" re" da» ga: tid da:. (Akhid" myhang: thang Aseing gi nya: yoem: so' ngoo ri byid: wigi nhang: kaid abye:.)

ESAIA 49:1

Ve: da" joyoo moo nyid boem da" byumyu" yi moug: vi: bang: nanu" we"- ngoo tid dang: ri tam" gyoo: ge'. Ngoo akhu: shi" mo Aseing gi ngoo ri khyen: to" wigi nya: dei zoo khyo" ngoo ri yoovoin foin: to" da:.

ESAIA 50:8

Ciwim gari Mangsoo gi jang" moo nyid wigi ngoo ce: yooboo ayo" da" khyoo: ri nyang: sagse: toin" shed byid: loo wa. Ngoo ri thougtheung su: yooboo hang" yo" zhug la". Tarha" yung" khyoo: dage" yhe: boem shang. Nya: da" yooboo zhug da" khyoo: joem nyang: ri ci: ri" nhang: we'.

HABAKU 2:20

Aseing gi nya: da" gyeung" shang: Noku Yhoem: Moo" moo danyid nyid. Mougmyid tho' mo yugkhang" moo" gi nya: shidkhoin" moo sam" zoo: tam" too" we'.

ZEKHARIA 2:13

Aseing shidkhoin" moo nyid da" byumyu" yi dangain" bang: we"- sam: zoo: nyid we'. Khasu" wim gari nyang: gi nya: gyeung" shang: yhoem: moo" moo re" lo nyid bye:.