ESAIA 40:7 - Lacid Common Language Bible

⁷ Hau: joem adang moo Aseing wigi lid hau nhang: kaid lang" myo, gam gi yhau" lo" byug wigi bain: joem gi shoem: lo" byug ago". Byu yigi myo, gam tho' ayo" kham goo" nghoid da:.

ESAIA 40:7 ပူးပေါင်းရင်းမြစ်များ

YOBA 14:2

Ngoonu" gi bain: joem yhang: ti" myab myab yug wigi bo" shoem: lo" byug boem. Ngoonu" gi bid shoem: yhang: ti" lid lo" da:.

YOBA 4:9

Mangsoo gi uglid yhang: ti" nya: nheig yo: zi wigi nyangnu" ri phyo' shoin' pyam da:.

YOBA 41:21

Nya: da" so' gi myi: yhang: ti" nge" dab shid" kaid da:. Nya: da" nhoid khoug: mo myiyham: thu da:.

COUNG" NGHEI 102:4

Ngoo gi vu" fu" kyug ri yhang: ti" nang: zeug ci: zi shoug" nyid wigi zoo: noem ri: zoo: nau myid lang" aboo loo.

COUNG" NGHEI 103:15

Ngoonu" da" apyaid kangso' koem gi vufu" ti" nghoid nyid siyoo mo bain: joem yhang: ti" youg gyi: lo lho: bo" young" jo, da:.

COUNG" NGHEI 103:16

Hau: thang: ri hau: da" atho' khyo" lid, hau, lid lo" wigi hau: zigi shu: gyo" byug bye:- hau: ziri hang" we' doem myang loo: zi anghoid.

COUNG" NGHEI 90:5

Nang gi ngoonu" ri gyid khyoid su" khyoid she: lo" byoug wigi ngoonu" gi yhoeb mo, yi, lang" amyang daso, kyeing" nghoid da" vufu" myo, yhang: ti" za: date: nghoid nyid. Dakhyo" ein: rigi ngoonu" gi nab kyoo' ri anyug toid re" wigi

COUNG" NGHEI 90:6

Youg gyi: lo lho: bo" young" jo, nghoid loug we' myen" thang: ju" lang" gi kyoug lo" byoug ziyo' shid: lo" byoug da" vufu" myo, joem yhang: ti" ngoonu" nghoid nyid boem.

ESAIA 11:4

Nyang: gi myung shoo" bang: ri nyeung veung" khyo" dang: phyed byid: lho: asho" ajhen: bang: da" akho: akhang" ri goem loem byid: loo wa. Nya: amyeing" dang: moo mung" byu yi yooboo dam byid: zi shau" lho: akhyeing" da" bang: shid: loo" goo" wa.

ESAIA 37:27

Houg: moo nyid bang: gi yoem: so' aboo goo" nghoid da:. Nyangnu" gyoug dain wigi mo, byug ago". Nyangnu" gi bidthu shoid mo lid lung wigi lo hau' nyid uri pa: dain" mo myo, gam anghoid lang" yhoemkhung: mo myo, gam yo' du da:.

ESAIA 40:24

Nyangnu" gi agyi: ayo" cen' shi" da" agam zoo: ri phoin pyam yhang: ti" bui" wa. Aseing wigi lid ri nhang: kaid lang" nyangnu" kyug lo" byug wigi khoofoo: yo' dakhyo" hau' tang" lo" byug da:.

ESAIA 51:12

Aseing tid zigi «Nang ri yoem: boo nhang: su: gi ngoo nghoid. Myo, gam tho' mo jain" sho' ayo" zeing: kham da" Shid: se' da" byu ri ciwim gyoug la".

HAGI 1:9

Nanu" gi myoo" sho' shau" yham" yu wa ga: myid too" goo" nghoid loug we' dajhi' za: date: shau" yham" yu boem- nanu" shoug" yhoem" yu da" shivoo: shiloem ri yhoem: moo: voin ju" lo" ri ngoo wigi doem moid sain" pyam byid: wa. Ciwim wigi ngoo hid: su" koid lha". Nga" yhoem: gi byo, yoin" jo, lho: nanu" gi nyang: yug nya: da" yhoem: ri yoem: kaid koid nyid boem yoomo nghoid.

YAKU 1:10

Yoo" zoo: yoo" shug da" Khristain mang nhung" phoo gi nyang: ri Mangso wigi nyhoem: gyo" loo" nhang: da" uri gau yi cang bo nyid. Khasu" wim gari- yoo" zoo: yoo" shug mo, gi siyoo mo bain: boo" yhang: ti" doem shoem: loo" wa zi za: nghoid.

YAKU 1:11

Gye" nge" da" bid dug gi bain: gam ri lhab, nyhau" pyam' lho: aboo" ri shu: gyo" loo" nhang: pyam. Hougsu" nghoid yoomo hau: bo" young" to" da" bain: boo" byo, yoin" lo" yhang: ti" yoo" zoo: yoo" shug mo, gi nyang: nya: da" moozoo" zei: nyid uri shid: joem: byo, yoin" loo" goo" wa zi nghoid.