ESAIA 40:4 - Lacid Common Language Bible

⁴ Lang: khung" khang" moo" boem" ge'. boem khang" moo" ri tam ge'. Bouggung joem gi jang: dam bue" loo" wa. Abu" akhyoid bue" da" mougmyid gi dam lo" byug wa.

ESAIA 40:4 ပူးပေါင်းရင်းမြစ်များ

DANG: ZHOEM 2:15

Loem, age" bang: da" lo' khoug: mo wigi nang ri khyoid yu wa zi nghoid.

ESAIA 40:3

Thui: dathui: gi «Aseing shid re" dain" pyoid yoo moo khyoo: nyheing byid: ge'. Ngoonu" Mangso shid re" dain" pyoid yoo moo khyoo: sho' byid: ge'.

ESAIA 40:5

Hau: thang: Aseing da" phung" yoeb ri toin" shid wa wigi xangsu: byu dangain" hau ziri shau" myang loo wa. He: ziri Aseing nyang: nyang: dangsoo" byid: to" abye:» ga: nyho: nyid da:.

ESAIA 42:11

Dain" pyoid yoo yo' hau: da" voogung joem gi Mangsoo ri coung" boem baja". Kedara byu yigi nyang: ri coung" boem baja". Sela voomoo" moo nyid bang: gi boem gung joem dang mo ngei pyo: wigi yoid nyho: goo" baja".

ESAIA 45:2

«Re" khyoo: ri ngoo nyang: nyheing byid: wa. Boem yo' bouggung joem ri tam: byid: wa. Gyid: mid" khoem" moo" joem ri ngoo baid khyau" pyam wigi hau: joem mo joto' khoem" kyang joem ri baid khyau" mhoin' pyam wa.

ESAIA 49:11

«Ngoo gi boem joem ri lid: phyid lo" da" fu" moo" khyoo: phang wa. Nga" byumyu" yi soo" wa shid re" khyoo: nyheing byid: wa.

ESAIA 62:10

Yerusalem byu yi we"- voomoo" mo thu yhe: wigi Nanu" da" doem tau" lo nyid boem da" byumyu" yi shid re" khyoo: phang ge'. Fu" moo" khyoo: ri so' koid ge'. houg: mo lugboem joem ri koid: pyam' ge'. Byumyu" yi yo" si' wa shid re" laxoem" zeing zhug too' ge'.

EZEKIEL 17:24

Hau: moug: moo jo, da" seiggam dangain" gi ngoo Aseing nghoid ziri se' loo goo" wa. Ngoo gi myhang: da" seiggam joem ri thug lheing: pyam lho: nge da" seiggam joem ri yug gyi: loo nhang: wa. Ngoo gi seig nyau gam joem ri kyug shoem: loo" nhang: lho: seig kyug gam joem ri nyau joem: loo nhang: wa. Ngoo Aseing tid too" bye:. Ngoo gi ngoo koid wa ein: tid too" bye: da" ziri koid wa.

EZEKIEL 21:26

Ngoo yoem: moo" bo Aseing tid too" bye:. Re" da" bidmug yo' vhuthoeb ri khyoid pyam we'. Du go" zi daja: we' adoem jo, loo wa. Myung bang: ri yoem: so' lung: byid: we'. Vhoeb khang" nyid bang: ri lang: khyo' pyam we'.

ZEKHARIA 4:7

«Gye" gyi: da" boem moo" we"- nang gi cenoem nghoid la". Zerubabela shidkhoin" moo nang gi jang: dam bue" loo" wa zi nghoid. Nyang: gi Noku Yhoem: Moo" ri doem zhug lho: thang" thang moo yhoem: jhoin: mo khung: phoug lug zhug to" uri mung" byu yigi ‹Gye" yung" gye" yung"› ga: nyho: thu lo boem wa» ga: tid.

LUKA 18:14

Ngoo nanu" ri tid wa Yesu tid zigi kheing" khyu: zoo: su: gi Mangso da" shid' khoin" moo deung main" su: dayug khyo" yhoem: khyoo: doem yo" tau" lo. Pharishe phoo gi houg: su" anghoid. Khasu" wim gari hang" we' nyang: nya: da" gung ri coung" byid: mo, gi doin: khyo, pyam zi shau" lho: hang" we' nyang: nya: da" gung ri khyo nyhoem: mo, gi tu: to' kaid zi shau" wa nghoid.

LUKA 3:5

Lang: khoug: jo, moo jo, ri du: tam, pyam lho: boem zeing boem zoo: bain sho' ri khyau" khyo pyam ge' goid" da" khyoo: joem ri nyhang: kaid ge'. Amyen akhyoid da" khyoo: joem ri khyoo: myen, khyo" tam, pyam ge'.

1 SAMUELA 2:8

Sho" jhen: bang: ri zhoo" phei" boem khoug: moo lang: tu: to' yu wigi yau: khi" shoug" bang: ri nyang: gi myiyab boem mo lang: tu: to' yu nyid da:. Nyang: gi nyangnu" ri khokham zooshang: yug gi zoo: yi yo' byencang" bui" nhang: nyid wigi nyangnu" ri myonhoo: ngilang: boo tung" to" to". Mougmyid da" apoem: ayang: ri Aseing nyang: seung: nyid wigi hau: atho' moo mougmyid gyab ri nyang: zhoug too" bye:.