ESAIA 40:2 - Lacid Common Language Bible

² Yerusalem byu yiri yoem: byid: we'. Nyangnu" kyi" khyeug kham zo: zigi gi" bye:. nyangnu" yooboo joem ri khyoid pyam byid: we'. Ngoo gi nyangnu" da" yooboo dangain" shid re" yooboo dam byeung" sho' nyangnu" ri byid: bye:» ga: tid da:.

ESAIA 40:2 ပူးပေါင်းရင်းမြစ်များ

APOEM AYANG: 34:3

Nghoid loug myiyi: nu" gi gye" yung" yoomo nyang: hau: myiyi: nu" ri jha" yu" jheddab wigi jhed kang: dang: jha" sang: bye:.

2 KHOKHAM MHOOMYID: 30:22

Hezekia gi Levi byu yiri nyangnu" Aseing ri noku da" moo" moo jang jang koid boem yoo coung" byid: da:. Nyangnu" da" phoug" phyid" yi da" Aseing Mangsoo ri coung" byid: wigi nyhed nyid" ju" sho' xoin" bain ngei" byid: lang"

COUNG" NGHEI 32:1

Nyang: nya: da" yooboo mo lhoid pyoin kaid zi shoug" lho: shoid vhang: jang" mo loid byoin zi shoug mo, gi ngilho' nyid.

COUNG" NGHEI 85:3

Nyangnu" ri nheug yo: khyoo: nang toem pyam lho: wigi re" da" nheigloem: loung nyid ziri we' jham" loo" nhang: nyid.

PHAJHI" DANG: 3:4

Nyang: gi kougshu: da" ayo, yo' ngei pyo: da" ayo, koug ngoug wa ayo, yo' goo" wa da" ayo,

ESAIA 12:1

Meing: byu yigi coung" nghei jikhoin" khoin" da" ayo, ju" loo wa. Hau: zigi Aseing we" ngoo gi nang ri coung"- nang gi ngoo ri nheig yo da:. Nghoid loug we' akhid" nang ngoo ri nheig teing byid: wigi nheig ayoo: loo: nghoid da:.

ESAIA 14:3

Aseing gi Israela byumyu" yiri nyangnu" da" khe" no jang" mo we' kyi" khyeug khyoo: yo' nyangnu" ri doin: zeig lho: moo" zei nhang: jang" mo yo loo" nhang: wa.

ESAIA 27:9

Nghoid loug we' Israela da" yooboo joem rigi tarha" tungbau yi da" phoin: lug boem joem gi shoofuid" lug khi' yo' dayhang: ti" gyoeb pyam wigi shoem: nam pyo: xu: nghe' ngei" da" phoin: joem yo' yu phara" myhi' Ashera da" soolhoo: joem adeing jo, loo lang" za: yooboo khyoid byid: zi shoug" wa.

ESAIA 33:24

Ngoonu" mung" moo nyid boem da" bang: hang" dayug we' no wigi khanham we' adoem myeing" myoo: loo goo" wa. Yooboo dangain" gi khyoid pyam byid: shoug" wa.

ESAIA 35:4

Voem" da" myid abo da" bang: yugkhang" moo" ri «Yoem: kaid ge'. Agyug goo". Mangsoo gi nang ri khyoid yu wa ju" re" nyid wigi re" gyivoo yiri yooboo dam byid: wa ju" re" nyid da» ein: tid we'.

ESAIA 43:25

Nghoid loug we' ngoo gi re" yooboo joem ri khyoid byid: da" su: Mangsoo: nghoid. Ngoo ga: su: nghoid yoomo he: ziri ngoo koid da:. Ngoo gi re" yooboo joem ri thougtheung zei: ci: wa zi anghoid.

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

ESAIA 49:25

Aseing «Hau: zigi bui" loo wa khyoo: nghoid nyid. Gyizoo: pho da" thung: byu yigi shu" lo" byug zi shau" boem wa. Thain: da" khokham pho da" lanyhoeb gi lhoid yu pyam zi shau" loo wa. Nang ri khaid zain: su: hang" ri we' ngoo khaid zain: wa. Houg: lang" ngoo gi re" zooshang: yiri khyoid yu wa.

ESAIA 51:17

Yerusalem we"- boin: to' loo we'. Nanya: gung ri nhoug" lho: too' we'. Nang ri shug wa byid: da" Aseing nya: nheig yo: da" Yooboo dam byid: khu ri nang shug abye:. Nang hau ziri shug khyo' kaid lho: apyi: akam" so" leung yen" nhang: bye:.

ESAIA 53:5

Nghoid loug we' ngoonu" yooboo joem gang mo nyang: dam dab abye:. Ngoonu" koid da" akhyeing" da" lo, moo" gang mo baid zi shoug" kham zo: abye:. Ngoonu" gi nyang: kham zo: da" kyi" khyeug yooboo dam khyo" wigi byang" byid: zi shoug" bye:. Nyang: shoug" kham zo: da" zhoeb thung" da" dam khyo" wigi ngoonu" byang" byid: zi shoug" bye:.

ESAIA 53:6

Ngoonu" dangain gi yang yhang: ti" byug lo" boem bye:. Ngoonu" yugkhang" moo" gi nyang: yug nyang: vho: da" khyoo: khyoo: lo" boem abye:. Nghoid loug we' Aseing gi ngoonu" dangain" bang: kham zoo: moin: da" yooboo ri nya: adang moo gyo" zang" nhang: bye:.

ESAIA 54:15

Nang ri dayug yug khaid zain: ri nyang: gi nga" myid veing" khyoo: aboo loo: za: hau: ziri akoid wa. Nang ri gyi khaid da" su: hang" nghoid loug we' gyoeb gyo" loo" wa.

ESAIA 54:17

Nghoid loug we' nang ri ce: gyi jonu" wigi we' dam ayo" tab wa. Nang ri yooboo zhug da" bang: dangain" ri phug tid wa dang: nang yo" loo wa. Ngoo gi nga" dei zoo: yiri goem loem byid: wigi Nyangnu" ri oung: doid nhang: wa» ga: tid Aseing tid bye:.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

ESAIA 6:7

Nyang: gi myi: dab da" myigyu: wigi nga" nhoid yid moo tain" lho: «He: zi re" nhoid yid moo tain" bye: yoomo akhid" re" yooboo joem adab loo:- re" yooboo joem ri khyoid pyam byid: bye:» ga: tid.

ESAIA 61:7

Nanu" da" sho' ziyo' ngi: yoem" zigi thang byug da:. Nanu" nya: mungdain: moo nanu" yo" nyid wa. Houglho: nanu" da" jonu" gi eig zhang nghoid loo wa. Nanu" da" gau yi ngei pyo: zigi apyaid atoo: moo jo, jo, wa.

ESAIA 66:13

Nya: myhi' gi nya: zoo: ri nheig teing byid: ziyo' dayhang: ti" ngoo gi nang ri Yerusalem ri nheig teing byid: wa.

YEREMIA 16:18

Ngoo gi nyangnu" ri nyangnu" da" yooboo joem yo' nheigloem: goid" da" moo" shid re" eig zhang xab nhang: wa. Ciwim gari nyangnu" gi byu shid: mang yhang: ti" kangso' abo da" soolhoo: joem khyo" wigi nga" da" mougmyid ri aco' ajhoid koid pyam wigi nyangnu" da" yu phara" joem yo' byeung" jo, nhang: bye:» ga: tid.

YEREMIA 17:18

Ngoo ri shen" yhen da" bang: ri ngi: yoem" nhang: la- nghoid loug we' ngoo ri teing too" byid: we'. Nyangnu" ri gyoug dain myid byeung" sho' kaid byid: we'. Nghoid loug we' ngoo ri agyug dain nhang:. Nyangnu" ri yau: khe" kyi" khyeug zi bui" nhang: lho: nyangnu" ri ajab amhoin" khyoeb mhoin' pyam we'.

YEREMIA 29:11

Nanu" shid re" ngoo soin' to" da" khyoo: ri ngoo dayug za: dase'. Houg: zigi nanu" shid re" nyid gi yab ge khyoo:- nanu" myid byu da" ju" loo wa da" ayo, yo' sen: da" zi nghoid. Houg zigi yau: khe" kyi" khyeug khyoo: anghoid.

YEREMIA 51:10

Aseing tid zigi «Nga" byumyu" yi hid su" ga nyho: tid ago". Nyangnu" gi ‹Ngoonu" deingmain" ziri Aseing ci: shug byid: abye:. Yerusalem moo nyid da" bang: ri ngoonu" Aseing Mangsoo koid bye: khyoo: ri yhe: tid kyo" boem shang›» ga: tid da:.

NGOUG JI: 4:22

Ziun gi nya: yooboo jhen: xab abye:. Aseing gi ngoonu" ri pyoung" nyhid: to" jang" mo myang" sho' atoo" loo. Nghoid loug we' Edom we" Aseing gi nang ri yooboo dam byid: wa nghoid. Nyang: gi re" yooboo moo" zoo" joem ri phang shug wa zi nghoid.

EZEKIEL 16:42

Houg: lang" nga" nheig yoo bei: byug wigi ngoo gi yo loo" wa. Ngoo gi nheig we' ayoo: loo: wa. Myid we' amyoo: loo: wa.

DANIELA 11:35

Phajhi" bo da" vhu" shi: bang: dayham" ri said pyam zi shoug" wa. Nghoid loug we' he: gang mo hau byumyu" yigi kyeing sain' yu zi shau" boem wa. He: zigi Mangso wigi asoo" so" to" da" lo" thang da" ayo, ju" sho' xo" bue" nyid wa.

DANIELA 12:4

Nyang: gi ngoo ri «Daniela we" akhid" gi hau: mougsoug" pug ri myid" pyam lho: mougmyid thang yo, ju" sho' hau: ziri dazid thung" too" we'. Hau: agyoo: moo bue" nyid da" ziri se' gyoo: noug yoomo byu myoo: sho' bang: gi nyangnu" da" yoem: ri amyed afoo" ze" thang pyam ri" goo" wa» ga: tid da:.

DANIELA 12:9

Nyang: tid ziri «Daniela we"- nang akhid" loo" ca" bye:. Ciwim gari he: dang: khoin" joem ri lo" thang ayo, ju" ri" sho' zau" ci wigi shoung: too" ca" da:.

DANIELA 9:12

Nang gi ngoonu" ri yo' ngoonu" da" vhoebkhang" bang: ri koid wa ga: tid to" ziri koid bye:. Nang gi mougmyid tho' mo voomoo" goo" loem: tho' je wigi dam xoo: sho' Yerusalem ri yooboo dam byid: abye:.

DANIELA 9:2

Nyang: vhoeb shid" da" xang: shi" zain moo ngoo gi younglho' mougsoug" pug joem ri jhau" zhang: yu nyid lho: Aseing wigi lapi: Yeremia ri tid to" ziyo' dakhyoo" ti" zain loem: nyhed xi: Yerusalem byo, yoin" jo, wa zi myid yu" nyid.

HOSEA 2:14

Houg: yoomo ngoo gi nyang: ri dain" pyoid yoo khyoo: doem shu" yhi: loo wa. Hau: joyoo moo ngoo gi nyang: ri jheddab dang: khyo" doem tid oung: yu wa.

HOSEA 2:16

Hau: thang: nyang: gi ngoo ri nya: yhoem: seing: phoo khyo" doem ji loo wa. Nyang: gi ngoo ri nya: da" Bala ga: amyheing loo wa.

HABAKU 2:3

Hau: zigi bue" loo wa ayo, aju" shi" yoomo lhid" cab yo' nyang: lhid" too" we'. Nghoid loug we' hau: ayo, gi myab myab ju" lo nyid lho: ngoo nang ri toin" shed khyoo: gi gyeing" nyang: bue" loo wa. Bue" loo wa khyoo: ne" nyid yhang: ti" nghoid loug we' dalang" nyid we'. Hau: zigi deing" deing ju" loo wa zi nghoid wigi ne" thang: gyo" nyid wa zi anghoid.

ZEPHANI 3:15

Aseing gi re" dam ri bain thang loo" nhang: abye: Nyang: re" gyivoo yi dangain" ri we' khaid pyam byid: bye: Israela da" Aseing khokham gi akhid" nang yo' dage" nyid nyid. Ce" gyoug ci' wa khyoo: we' ajo, loo:

ZEKHARIA 1:13

Ngoo yo' doem go" nyid da" moug: lagyoo: ri Aseing gi ge ziyo' nheig teing dang: phug tid lho:

ZEKHARIA 1:15

Ngoo gi nga" da" byumyu" yi adang moo ju" loo wa da" nheig joem: yo: khyoo: ri zeing: kham nyid uri yug yoo thung" nyid da" byumyu" yigi nga" byumyu" yi kham zo: da" kyi" khyeug khyoo: ri je" gyi: sho' koid boem

ZEKHARIA 9:12

Nheig byu joyoo yoo" mo, ri oung: lo" gyidab moo doem tau" loo ge' nanu" da" goem loem joyoo khyoo: doem tau" loo ge' akhid" nyid" nanu" ri ngoo tid kyoo" wa Ngoo gi nanu" da" sho" jhen: yau: khi" tho' moo eig zhang agyid asoo: doem xab byid: wa nghoid.

ACTS 1:7

Yesu gi nyangnu" ri-Nga" pho, da" myonhoo: phung" yoeb, yo' mhe, phyed' to" da" ayo, ri nanu" gi asi noo" ga: tid.

GALATI 4:4

Nghoid loug we' ayo, bidnyid ju" loo lang" Mangsoo gi nya: zoo: ri nyang: nhang: kaid' bye- ngoonu" gi Mangso wigi nya: zoo: yi ga: yhen: yu jeju" yo" kham: yu boem baja" ga-

Pang Shug 18:6

Nanu" gi nyang: koid yhang: ti"- nyang: ri latoo: doem phug byid: ge'. nyang: nanu" ri koid da" tho' moo eig zhang latoo: doem, phug ge'. nanu" ri jhug wa shid re" goem, moo nyang: eig zhang lung: byid: ge'.