ESAIA 4:5 - Lacid Common Language Bible

⁵ Hau: thang: Ziun boem yo' houg mo zeing: foem: nyid da" bang: adang moo Aseing gi nyid" gung moo jhoemmoug" phung- myen" ri myikhoug" yo' bang da" myi yam: ri nhang: kaid byid: wa.

ESAIA 4:5 ပူးပေါင်းရင်းမြစ်များ

NEHEMIA 9:12

Nang gi nyangnu" ri nyid" gung ayo, ri jhoemmoug" thei" yo' shu" lo da:. Houg: lho: myen" ayo, moo nyangnu" da" khyoo: ri myi: yo' thoin" pang byid: da:.

COUNG" NGHEI 105:39

Mangsoo gi nya: byumyu" yi da" atho' moo jhoemmoug" nghoeb too" byid: wigi myen" ri gi nyangnu" ri myi: thoin" byid: nyid.

COUNG" NGHEI 111:1

Aseing ri coung" nghei nyid ge'- nga" nheigloem: dangain" yo' nya" byumyu" yi da" mo, phung: gung moo: ngoo gi Aseing da" jeju" ri coung" nghei nyid wa nghoid.

COUNG" NGHEI 78:14

Nyang: gi nyangnu" ri nyid" ri jhoemmoug" myen" rigi myi: yo' shu" loo bye:.

COUNG" NGHEI 85:9

Nyang: ri phoug" tab, ngi: shab bang: ri nyang: khyoid yu wa gyeing" nyang: jen" jen" nghoid nyid ziyo' nya: da" khyoid yu phung" yoeb gi ngoonu" da" mungdain: moo: dajo, jo, wa nghoid.

COUNG" NGHEI 89:7

Nang gi gyeung" shang: mo, da" phung: moo gyoug phau" zi shoug" kham yu nyid. Nyangnu" dangain" mo, gi nang ri mau" yab jo.

THU' LO" MOUGSOUG" 14:24

Nab soin: zoo" ri Aseing gi Egutu gyiphung: yiri jhoemmoug" zeing yo' myizeing mo yu" kaid wigi nyangnu" ri byoodain byooshoo" bui" nhang: bye:.

THU' LO" MOUGSOUG" 24:16

Boem gung khyoo: Aseing da" phung" yoeb gi bidbang yo' gyoo" ri" bye:. Israela byumyu" yigi hau: bidbang ri boem gung moo myi: nghe" nyid yhang: ti" yu" thu nyid ago". Jhoemmoug" gi boem moo khyug nyid" ju" sho' nghoeb to" wigi nyhed nyid" nyid" rigi jhoemmoug" khyo" Aseing gi Moshe ri khe: kaid da:.

THU' LO" MOUGSOUG" 26:1

Gyeung" shang: da" nga" shidkhoin" Zoem" akhoug: shoid ri zin: yung" pain" yo' yo, to" da" pain"- mougnyoug void- khalham" void yo' soug" goug" ni joem daxi: du wigi koid we'. Hau: pain" joem ri dung dab dei noem joem soolhoo: ri za: yo' thau" wa zi nghoid.

THU' LO" MOUGSOUG" 26:7

Zoem" ri moug: wa shid re" coidbaid moug" yo' yo, da" pain" cu' daxe: dacu' ri koid we'.

ESAIA 32:18

Mangso byu yigi myid myo: zi ajo, wa. Nyangnu" da" yhoem: ikoin deungkhu: joem gi ngei pyo: ziyo' goem loem jo, wa.

ESAIA 33:20

Ngoonu" da" noku thung" pui" joem koid da" joyoo nghoid da" Ziun voomoo" ri yu" ge'. Yerusalem ri yu" ge'. Hau: zigi khayhi' gau: da" joyoo nghoid wa la. Hau: zigi khanham we' ashu" da" zoem" yo' du loo wa. Hau: da" zeing thug joem gi khanham we' aboin" loo wa. Hau: da" tei" joem khanham we ayoem: abyed wa.

ESAIA 37:35

Ngoo nya: gung ri ngi: shab da" shid mo we' nga" dei zoo: David ri ngoo byid: to" da" dangsoo" yoomo we' ngoo gi he: voomoo ri" lhoug zung" lho: goem loem byid: wa» ga: tid da:.

ESAIA 46:13

Ngoo gi oung: doid da" bidnyid ri jhang lo nhang: nyid hau: zigi dajhi' we' avi: loo. Nga" oung: doid khyoo: gi thang: agyoo" wa. Ngoo gi Yerusalem ri khyoid yu lho: Israela ri ngoo ngi: shab byid: wa» ga: tid da:.

ESAIA 60:1

Yerusalem we" too' we' bidbang yhang: ti" bang we'. Aseing da" phung" yoeb gi re" adang moo bang nyid da:.

ESAIA 60:2

Gootu: byumyu" yigi moug: coid wigi nghoeb to" zi shau" ago". Nghoid loug we' re" adang moo gi Aseing da" bidbang bang loo wa. Nya: shid koin" mo bang zigi nang yo' dage" nghoid wa.

MATHE 18:20

Khasu" wim gari Byu eig soem" yug gi Nga" da" myeing ri nghe: khau: lho: zoeb foem: nghoid rigi houg: bang: yo" ngoo dage" nyid wa zi nghoid.»

MATHE 28:20

Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).