ESAIA 4:4 - Lacid Common Language Bible

⁴ Aseing gi nya: yoem: so' khyo" wigi dang: phyed lho: byumyu" yi kyeing sain' pyam loo wa. Houg: lho: Yerusalem da" yooboo ri yo' houg mo shoin: gyoo" bye: da" suid" joem ri cid" pyam loo wa.

ESAIA 4:4 ပူးပေါင်းရင်းမြစ်များ

COUNG" NGHEI 51:2

Nga" da" akhyeing" ashoeb khyoo: dangain" ri ced" pyam byid: wigi nga" yooboo mo ngoo ri ced" shang: yu byid: we'.

SHOLUMON JIKHOIN" 3:11

Ziun myiyi: zoo: yi we"- re" wigi khokham Sholumon ri yu" ge'. Nyang: gi lo, xo' pui" koid da" pyo: thang goug thang nyid" ri nya: vhuloem moo nya: myhi' zhung" byid: da" bidmug ri zhung" ci: da:.

ESAIA 1:15

«Nanu" lo, tu: wigi akyu" mho' boem uri nanu" ri ngoo ayu" wa. Nanu" khayhi' akyu" mho' mho' atam" gyoo: byid: wa. Ciwim gari nanu" lo, gi suid" za: nghoid ago".

ESAIA 1:25

Ngoo gi nang ri thougtheung dang: phyed byid: wa. Ngoo gi joto' ri kyeing sain' yhang: ti" nang ri we' kyeing sain' lho: re" da" ayung" alho' ziri khyoid pyam byid: wa.

ESAIA 1:31

Myijhen" wigi zain nge" lo da" khoofoo: yo’ dakhyo" za: yoem: so' gyi: da" bang: gi nyangnu" nya: akhyeing" da" lo, moo" wigi phyo' shoin' pyam shoug" loo goo" wa. Hau: byo, yoin" khyoo: ri hang" we' ayo" toem' pyam goo" wa.

ESAIA 27:9

Nghoid loug we' Israela da" yooboo joem rigi tarha" tungbau yi da" phoin: lug boem joem gi shoofuid" lug khi' yo' dayhang: ti" gyoeb pyam wigi shoem: nam pyo: xu: nghe' ngei" da" phoin: joem yo' yu phara" myhi' Ashera da" soolhoo: joem adeing jo, loo lang" za: yooboo khyoid byid: zi shoug" wa.

ESAIA 28:6

Nyang: gi tarha" agyi yi khyo" dei byid: da" bang: ri tarha" deingmain" ziri se' da" myid ri byid: lho: gyi zain: ziri voomoo" khoem" duang: joem moo goem loem byid: boem da" bang: ri yoem: byid: loo wa.

ESAIA 9:19

Myhang: thang Aseing gi nheig yoo wigi nya: yooboo dam byi: zigi mung" goin" moo myi: yo' dayhang: ti" nge" wigi byumyu" yiri said toem" pyam da:. Byu yigi nyangnu" da" mang: nhung" hang" ri we' ateing too" nghoid ago".

ESAIA 9:5

Jhen" vang re" da" gyizoo: yi da" khyid: baid joem yo' nyangnu" da" suid" dab da" byimi joem gi myi: wigi nghe' pyam shoug" ago".

NGOUG JI: 1:9

Nya: da" ayoung" ashang: khyoo: ri lei lei yo" myang. Nghoid loug we' nyang: gi: nya: vhu" pi: lo, kyo' shid re" loem zoo: wa khyoo: ri cishu: anhang: nghoid da:. Nyang: leung gyo" lo" da" khyoo: gi yu" gyoug yu" lhoung: khyoo: nghoid nyid. Nyang: ri hang" we' nheig ayo" teing byid. Nya: gyivoo joem gi nyang: ri oung: pyam yoomo nyang: gi Aseing jhang khyoo: nheig khyeug shoomyen: byid: shi" wa shid re" yoid ngau nyid abye:.

EZEKIEL 22:15

Ngoo gi re" byumyu" yiri mungdain: loem: khang" moo" khyoo: byumyu" ja: khang" moo" khyoo: khaid sain" pyam wa. Houg: lho: re" akhyeing" da" avid joem ri thang nhang: pyam wa.

EZEKIEL 36:25

Ngoo gi nanu" da" jang" moo gyid gyeing: yo' pyi: sain" wigi nanu" ri nanu" da" yu soolhoo: joem dangain" mo yo' nanu" ri ayung" alho' bui" nhang: da" gootu: ja: khang" moo" mo younglho' loo nhang: wa.

EZEKIEL 36:29

Ngoo gi nanu" ri ayung" alhoo' bui" nhang: da" ja: khang" moo" mo khyoid yu wa. Ngoo gi shivoo: agoin agoo" yoo" wa shid re" amyeing" byid: wa. Houg: lang" nanu" gi phang" khoug agyoo" loo: wa.

ZEPHANI 3:1

Nyang: nya: voogung byu yi ri doin: zeig zo:- byo, bei ziyo' goemlu gyi: koid da" Yerusalem gi byu xuid" voo yoem: zi shau" nyid abye:.

ZEKHARIA 13:1

Yoem: moo" mo Aseing tid zigi «Hau: da" bidnyid ju" lo uri David da" nya: myid: nya: zoo: yi yo' Yerusalem voomoo" moo nyid da" voobyu yi da" yooboo yo' soolhoo: ri no' da" khyoo: ri cid" shang: pyam' byid: wa shid re" gyid bug dakhyung: phang byid: wa.

ZEKHARIA 13:9

Deung nyid mo, rigi myi: yo' ngei zi ri kyeung yu yhang: ti" nyangnu" ri ngoo kyeung yu wa. Sheing: ri ca: yu" yhang: ti" nyangnu" ri ngoo ca: yu" wa. Hougsu" wigi nyangnu" ngoo ri mho' yoid uri ngoo nyangnu" ri tu" byid: wa nghoid. Nyangnu" ri ngoo gi nga" mung" byu yi nghoid ein: tid wa. Nyangnu" we' ngoo ri Aseing gi ngoonu" da" Mangsoo nghoid ga: yhen: yu lo boem wa»

MALAKHI 4:1

Yoem: moo" bo da" Aseing gi hid su" ga: tid nyid «Nghoid boin: nyid mo, dangain" yo' akhyeing" ashoeb da" moo" zei: nyid mo, dangain" ri khoofoo: ri yhang: ti" nghe' pyam wa da" ayo, gi ju" loo bye:. Hau: bidnyid moo nyangnu" gi nge" joem: lo" byug lho: houg: moo ci: we' jo, loo wa anghoid.

MATHE 23:37

«O" Yerusalem we" Yerusalem voogung we"- nang gi Lapi: yi re" jhang khyoo Mangsoo nhang: kaid da" lagyoo: yi ri luggo, yo" du" said gyo, vhoeb' zheung gi gyo, nu" yi ri nya: dung soo" khoug: moo khe: zheung" kaid to" yhangti"- ngoo gi re" meing: byu yi dangain" ri khayhi' khe: zheung" too" noug loug we' nang nu" nyang: agyoo: nghoid ago:.