ESAIA 4:3 - Lacid Common Language Bible

³ Nyid deing wa Aseing wigi khyen: lho: Yerusalem moo nyid deung jo, mo, gi gyeung" shang: bang: ga: myheing loo goo" wa.

ESAIA 4:3 ပူးပေါင်းရင်းမြစ်များ

COUNG" NGHEI 69:28

Re" da" kangso' mougsoug" pug mo nyangnu" da" myeing ri said pyam byid: we'- re" byumyu" yi da" lhid xoem" moo: nyangnu" abo boem baja".

COUNG" NGHEI 87:6

Aseing gi byumyu" yi da" myeing zhayhen" ri lhid" xoem" to" lho: hau: zhayhen" khang" moo" ri Yerusalem voo byu agyeing" khyo" nyangnu" ri kaid yu wa zi nghoid.

ESAIA 1:27

Aseing gi deingmain" yug nghoid yoomo nyang: gi Yerusalem ri we' houg moo nyid da" nheigloem: thid loo bang: yugkhang" moo" ri khyoid yu wa.

ESAIA 28:5

Myhang: thang da" Aseing gi nyid deing jo, boem da" nya: byumyu" yi shid re" phung" yoeb bo da" bidmug mo bain: boo" yo' dayhang: ti" nghoid wa da" bidnyid gi lo nyid da:.

ESAIA 35:8

Hougmo «Gyeung" shang: da" khyoo:» ga: myheing da" fu" moo" khyoo: dakhaid jo, wa. Hau: khyoomoo" moo yooboo yoo" bang: dayug we' khanham we' gyung: yo" soo" wa zi anghoid. Hang" koo" su: we' hau khyoomoo" ri cang da" bang: ri khyoo: vhang: ashu" vhang: wa.

ESAIA 46:3

«Yaku da" amyed ashen yi nghoid boem da" nga" byumyu" nyid deing mo, dangain" we"- nga" dang: tam" gyoo ge'. Ngoo gi nanu" khu: re" da" ayo, mo nyang: goin coung: byid: bye:.

ESAIA 52:1

Yerusalem we"- yoem: bo wigi doem gyi: sheung: loo we'. Mangso da" gyeung" shang: voomoo" we"- Reung: da" ziyo' nanya: gung ri byimi soin' void ci: we'. Tarha" tungbau yigi re" khoem" moo khanham we' ayo" doem vang goo" wa.

ESAIA 6:13

Mungdain: moo byu daxi: yug mo dayug za: dadeing rilang" nyang: ri said pyam zi shoug" wa. Nyang: gi thug lheing: pyam bye: da" shookhi" gam angoid yo' du wa» ga: tid. (Seig ngoid gi Mangso da" byumyu" yi shid re" aseig doem thoid shid" re" ziri gungthid tid to" zi nghoid da:.)

ESAIA 60:21

Re" byumyu" yigi jo ziri koid loo goo" wa. Houg lho: mungdain: ri apyaid atoo: moo yo" seing: yu boem wa. Dangain" bang: ri nga" gyi: sheung: khyoo: ri ci: shug byid: wa shid re" Ngoo nyangnu" ri sho" too" bye:. Nyangnu" ri phain" too" bye:.

ESAIA 62:12

Nang gi «Mangso da" gyeung" shang: byumyu" Aseing wigi khyoid yu to" da" byumyu"» ga: myheing zi shau" boem wa. Yerusalem gi «Mangso wigi jheddab da" voomoo" Mangso wigi ashe: pyam' da" voomoo" ga: myheing zi shau" loo wa» ga: tid da:.

EZEKIEL 13:9

Ngoo gi yoeb myang joem agyeing" anghoid ziyo' khyoo: vhang: shu" vhang: da" lapi: pe: bang: lapi: nanu" ri yooboo dam byid: wa za: danghoid lo:. Nga" byumyu" yi phung: foem: lho: moo" she: myid phyed lo" uri houg: moo nanu" anyid goo" wa. Nanu" da" myeing joem gi Israela byumyu" yi da" zhayhen" moo aboo wa. Nanu" gi nanu" nya: mougmyid khyoo: khanham we' adoem tau" loo wa. Houg: lang" nanu" gi ngoo yoem: moo" bo Aseing nghoid ziri se' loo wa.

EZEKIEL 43:12

He: zigi Noku Yhoem: Moo" da" tarha" nghoid da:. Boem gung lheing khoem mo joyoo dangain" gi younglho' wigi gyeung" shang: da» ga: tid.

YOELA 3:17

Hau: thang: Israela byu yi nanu" gi ngoo nanu" Aseing Mangsoo nghoid ziri se' loo goo" wa. Ngoo gi nga" da" gyeung" shang: bouggung Ziun moo nyid. Yerusalem gi gyeung" shang: da" voomoo" bue" lo lho: tungbau byumyu" yigi hau: ziri ayo" doem zain: oung: boem loo: wa.

OBEDIA 1:17

Nghoid loug we' Ziun boem tho' moo dayham" gi yo" phang: loid loo" wa nghoid wigi hau: joyoo gi gyeung" shang: joyoo daloem: bue" loo wa. Yaku byumyu" yigi nyangnu" yoo" eung: da" mungdain: ri shoug" seung: lo" boem wa zi nghoid.

ZEKHARIA 14:2

Aseing gi byumyu" yi dangain" ri Yerusalem voomoo" ri zain: wa shid re" khe: zheing" loo wa nghoid. Voomoo" rigi nyangnu" yo" zain: yu pyam lho: yhoem: joem ri we' phyo' pyam' boem wigi myiyi: yiri we' rue" pyam' boem wa nghoid. Vookhoug: mo mung" byu agung dayi" rigi myheug she: lo" lho: agung dayi" rigi teung too" khare" boem wa.

MALAKHI 3:16

Hau: thang: ri Aseing ri gyoug phoug" mo, nyang: cang" tid go" nyid da" dang: gi «Aseing gi shoug" gyoo: bye:- Aseing ri gyoug phau" myang: nyid mo, da" khyoo: ri Mangso shidkhoin" mo lhid" xoem" pug moo lhid" too" bye:.

LUKA 10:20

Nghoidloug we' nanu" moo yu join: joem ri yo" khaid thu' pyam yoomo agoug yi goo. Mougkhung: mungdain: moo nanu" da" myeing lhid" too" bye: yoomo za: dagoug ge" ga: wigi tid.

ACTS 13:48

Tungbau byumyu" yi gi he: da" dang: ri shau" gyo: boem lang" gyo: ngei boem ziyo' Mangso mungdang: ri coung" nghei ago". Apyaid' atoo: mo, da" kangso' ri yo" yu wa shid re" khyen: yu zi shau" bye: mo, gu: gi Yesu ri Loem" jeung" lo boem bye.

Roma 11:4

Hougsu" nghoid loug we' - Elia ri Mangsoo: khasu" doem ga: lha". Mangsoo: gi - Ngoo gi bala' phara" ri u" pid' apid' - no' we' ano' mo. Byu nyhed khyeing" ri - nga" shid' re" teung too" byid: bye. ga: wigi tid.

Roma 11:5

Akhid" ayo moo we' - houg: yo" dakhyoo" nghoid nyid. Mangsoo: nheig khyeug yoomo - khyen: to" da" byumyu" dajhi' zoo: deung nyid shi.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

PHILIPI 4:3

Nga" da" bo pang" bo thoug da" loem ge" da" byen cang phoo we"- nang khyo" we' hau: myi: yi eig yug ri bo pang" thoug yu we' khasu" wim ga: ri hau: ngei bu: lu dang: kho" kyo" da" khyoo: moo ngoo yo' dage" moo" gye" bo zei: loo bye- nya: eig yug yo' dage" Klemen yo' Mangso kang: so' mougsoug" zhayen" pug moo nyangnu" da" myeing bo- nga" da" moo" voin byen cang" gootu: we' zheung: bo.

KOLOSE 3:12

Nanu" gi Mangso byu yi nghoid boem bye: yoomo nyang: gi nanu" ri jheddab wigi nya: shid re" khyen: yu shau" bang: nghoid- houg: yoomo nanu" gi jhed' thang kang: athang- nheig khyeig shoo" myen: zi nheigloem: nyhoem: zi sam" dab, nu" nham, ziyo' nheigloem: gyi: sheung: ziri void. ci: ge'.

HEBRE 12:14

Byu yug khang" moo" yo' ngei pyoo: tung" za: yo" zoem" khau: nyid sho' we' gyeungshang: da" kangso' dei khyoo: moo ju" loo" sho' we' cang sho: yoem: kaid nyid ge'. Khasu" wim gari hau: ja" jeju" yoem: vhoo" abo nghoid rigi hang" we' hau" Aseing: ri shau" myang wa zi anghoid.

1PETERU 2:9

Nghoid loug we' nyangnu" koem gi moug: coid' khoug: mo wigi nya: da" mau" pho" bidbang khyoo:- nanu' ri khe: yu su: Mangso da" mau" pho moozoo" ri tid fu" loo" wa shid re" khyen: yu to" da" byumyu"- Khokham" da" khain: jung yi gyeungshang: da" byumyu" yo'

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

Pang Shug 20:15

Kang: so' mougsoug" pug moo myeing aboo mo, hang" we' hau" myimi: thoem" moo du" zei, pyam zi shau" nyid.

Pang Shug 21:27

Nghoid loug we' anyhoin: athoung" khyoo:- asho' ashid: da" moo" zei: mo, mhoug zoo: fain" zoo: bang: hang" we' hau: voogung khyoo: khanham we' yo" vang loo" goo" wa zi anghoid. Yang nu" da" kang: so' mougsoug" pug moo myeing boo mo, za: date: yo" vang loo" wa nghoid.

Pang Shug 3:5

Oung: loo" su: gi houg: yhang: te"- phyu: young" da" byimi shau" void lho: nya: myeing ri we' Kangso' mougsoug" pug mo ngoo soid, pyam byid: wa zi anghoid. Nyangnu" gi nga" da" lagyoo: yi nghoid ein: nyang:- nga" phoo yo' nya: moug: lagyoo: yi da" shid khoin" moo- ngoo yhen: yu wa nghoid.