ESAIA 39:8 - Lacid Common Language Bible

⁸ Khokham Hezekia gi nya: pyaid moo ngei pyo: yug yo lho: goem loem wa nghoid ga: da" he: dang: kang: ri se' gyoo: bye:. Houg: yoomo nyang: gi «Nang ngoo ri re" byid: da" Aseing mo mungdang: gi ge da:» ga: phug tid da:.

ESAIA 39:8 ပူးပေါင်းရင်းမြစ်များ

2 SAMUELA 15:26

Nghoid loug we' nyang: ngoo ri myid adab loo: nghoid- ci: aca"- nyang: myid vho: khyo" koid baja"» ga: tid.

2 KHOKHAM MHOOMYID: 32:26

Nghoid loug we' lo" thang moo Hezekia yo' Yerusalem byu yigi nyangnu" nya: gung ri nheigloem: nyhoem: khyo' ago". Houg: yoomo Aseing gi Hezekia shid yo, ju" sho' mung" byu yiri yooboo dam abyid: nghoid da:.

2 KHOKHAM MHOOMYID: 34:28

Houg: yoomo Yerusalem adang moo ngoo bui" nhang: wa yooboo dam byid: zigi nang kang: dei nyid ayo, gu: mo: amyang nhang: wa. Ngoo gi nang ri yug yoo tung" shid: loo" nhang: wa» ga: zi nghoid.

YOBA 1:21

Nyang: gi «Ngoo ci we' aci: loo: khu: re" wigi ci: we' aci: loo shid: loo" wa. Aseing byid: wigi akhid" nyang: doem yu pyam byid: da:. Mangsoo myeing ri coung" nghei boem shang o"» ga: tid.

COUNG" NGHEI 39:9

Nang gi ngoo ri hid: yhang: te" da- phu" zo: khyoo: shoug" nhang: su: gi nang nghoid nyid yoomo ngoo dang: dakhoin" we' atid- sam" zoo: tam" too" wa.

NGOUG JI: 3:22

Aseing da" ashoid avhang: jheddab myid yo' nheig khyeug khyoo: gi agoin athang loo: dajo, jo,.

NGOUG JI: 3:39

Ngoonu" gi ngoonu" nya: da" yooboo yoomo yooboo dam byid: zi loem zo: ri ciwim wigi myeing" myoo: wa lha".

XOIN" NGEI" 10:3

Hau: thang: Moshe gi Arun ri «He: zigi Aseing nyang: dang: tid uri ‹ngoo ri shugbyid: bang: dangain" nga" da" gyeung" shang: ziri phau" myang: ca"- ngoo gi nga" byumyu" yiri nga" phung" yoeb ri pang shug wa nghoid› ga: tid da" dang: nghoid» ga: tid. Nghoid loug we' Arun gi sam zoo: tam" to" da:.

ZEKHARIA 8:16

Nanu" koid wa zigi hidsu" nghoid. Nanu" nyang: cang" deingmain" da" dang: ri tid go" nyid we'. Nanu" da" tarha" yung" moo: we' deingmain" khyo" dang: ri phyed byid: we'. Hau: zigi myenjham" khyoo: ri bue" loo nhang: wa zi nghoid nyid.

ZEKHARIA 8:19

«Lhammoo" myid: khyab wim: khyab nyhed khyab yo' xi: khyab ein: wa lhoo' khyab joem moo zoo: noem zeing: ayo, moo: gi Yuda byu yi shid re" gau yi ziyo' ngei pyo: da" pui" bidnyid bue" loo wa zi nghoid. Houg: yoomo nanu" gi deingmain" ziyo' myenjham" khyoo: ri vho: ngei ca"» ga: tid.

1PETERU 5:6

Houg: su" nghoid yoomo phoo Mangsoo gi nya: ge, da" ayo, ju" lang" nanu" ri yo" tu: to' kaid' wa shid re" nya: yoem: moo" bo da" lo, yoem: bid shoem: khoug: moo khyo, nyhoem: lho: nyid ge'.

1 SAMUELA 3:18

Hougsu" nghoid yoomo Samuela gi ce: noem ri we' azau" too" loo: za: dangain" ziri nyang: ri tid kyoo" bye:. Eli gi «Nyang: gi Aseing nghoid nyid da" nyang: moo je gi boin: da" khyoo: ri nyang: koid wa zi nghoid» ga: tid.