ESAIA 38:5 - Lacid Common Language Bible

⁵ Hezekia jhang David da" phoug" phyid" yi da" Aseing Mangsoo ngoo gi re" akyu" mho' dang: ri shau" gyo: wigi re" ngoug byid joem ri myang bye:. Nang ri ngoo daxe: wim: zain sheing: sho' nyid nhang: shi" wa.

ESAIA 38:5 ပူးပေါင်းရင်းမြစ်များ

1 KHOKHAM 15:4

Nghoid loug we' David yoomo nya: da" Aseing Mangsoo gi Abiya da" khoo: ri Yerusalem ri vhoebkhang" wa shid re" we' Yerusalem ri goem loem wa shid re" we' nyang: ri yuggi nu" dayug byid: bye:.

1 KHOKHAM 8:25

Akhid" Israela Aseing Mangsoo we"- nyang: jhug za: koid yhang: ti" nyangnu" re" dang: ri tam" gyo: cang yhe: lang" Israela ri vhoebkhang" wa khokham nya: amyed ashen yi mo dayug gyeing" thu loo: wa khyoo: nang nyang: ri tid lho: nga" phoo yo' gootu: dangsoo" koid to" da" ziri we' pyeing byid wa nghoid ziri ngoo mho' nyid.

2 KHOKHAM 18:13

Khokham Hezakia vhoeb zi daxe: myid: zain ein: zain moo Asuri khosen Senakherib gi geing: teung da" Yuda voomoo" joem ri yhe: khaid zain: wigi houg joem ri oung: pyam da:.

2 KHOKHAM 18:2

Nyang: gi apyaid eigxe: wim: zain moo khokham bue" wigi Yerusalem moo eigxe: gau zain vhoebkhang" bye:. Nya: myhi' gi Zekharia da" nya: myiyi: zoo: Abiya ga: su: nghoid da:.

2 KHOKHAM 19:20

Hau: thang: Esaia gi khokham Hezekia jhang khyoo: mungdang: foin: kaid. Hau: zigi khokham pho akyu" mho' dang: ri tam" gyoo: byid: wigi

2 KHOKHAM MHOOMYID: 34:3

Yoshia khokham bue" thang: shed zain bo lho: nyang: gye" ngi shi" uri nyang: gi nya: phoug" phyid" khokham David da" Mangsoo ri noku shid" da:. Myid: zain kyo: thang: ri nyang: gi tungbau yu phara" ri no' da" joyoo joem yu phara" myhi' Ashera da" soolhoo: joem gootu: yu phara" soolhoo: joem dangain" ri nyang: phyo' shoin' pyam da:.

YOBA 14:5

Nya: da" Kangso' khasheing nghoid wa ziri no' mo ke' phyed too" byid: gu nghoid bye:. Nyang: lhammoo" khanhoo' khyab nyid wa ziri tu' too" gu nghoid bye:. Nang gi hau: gu moo nyid wigi age thid pyam loo nghoid da:.

COUNG" NGHEI 116:15

Nya: da" byumyu" mo dayug shid: lo" nghoid ri hau: zigi Aseing shid mo khayhi' no lho: soem" lo" khyoo: nghoid lha".

COUNG" NGHEI 147:3

Nyang: gi nheigloem: gyau: moin" loo" mo, ri ze: gi byid: lho: nyangnu" da" dam, noo joem ri thoeb byid.

COUNG" NGHEI 39:12

Aseing we" nga" da" akyu" mho' khyoo: ri tam" gyoo: byid: we'. Ngoo nyho: mho' yoid thui: ri shoug" gyoo: byid: we'. Ngoo ngougmyeing" shu: thui: to" nyid ri ngoo ri re" pang" yu we'. Nga" phoug" phyid" yi dangain" bang: yhang: ti" ngoo gi re" da" daso, kyeung" da" being" voo za: date: nghoid.

COUNG" NGHEI 56:8

Ngoo khasu" kyi" khyeug yau: khe" nyid ziri nang se. Nga" ngougbyid ngougnhab khyoo: ri nang xoem" too" byid: bye:. Re" mougsoug" pug moo: hau: khyoo: boo bye: anghoid la".

COUNG" NGHEI 6:9

Pang" thug byid: wa shid re" ngoo mho' yoid thui: ri shoug" gyoo: byid: yoomo nga" akyu" mho' dang: ri nyang: tam: gyoo: byid:.

PHAJHI" DANG: 3:3

Said pyam da" ayo, yo' noo byang" byid: da" ayo, phyo' khyo' pyam da" ayo, yo' koid wa ayo, ri asoo" to" to" da:.

ESAIA 37:21

Hau: thang: Esaia gi Khokham Hezekia jhang khyoo: mungdang: foin: kaid. Hau: zigi khokham phoo akyu" mho' dang: ri tam" gyoo: byid: wigi

ESAIA 38:4

Hau: thang: Aseing gi Esaia ri

NGOUG JI: 3:56

Houg: yoomo ngoo mho' yoid thui: ri tam" gyoo: byid: wa shid re" nang ri ngoo mho' uri nang tam" gyoo: byid: bye:.

MATHE 22:32

‹Ngoo gi Abraham da" Mangsoo Isag da" Mangsoo yo' Yaku da" Mangsoo nghoid›. Nyang: gi shid: loo" mo, da" Mangsoo anghoid. Dei nyid da" Mangsoo da nghoid» ga: phoug tid.

LUKA 1:13

Nghoidloug we' Mouglagyoo: gi Zakhari we" agyug Mangsoo gi nang mho' da" Mangso thui: ri tam" gyoo: byid: bye. Re" myhi' zeing Elisabed gi yuggi zoo: agyid asoo: yo" khu: loo wam bye. Hau: zooshang: ri Yohan ein: myeing myheing byid: wa zi nghoid.

ACTS 27:24

Polu we" agyug nang gi Khosen" pho, shid khoin" moo shau" yab, jo, wa zi nghoid - Mangsoo gi nang ri nheig khyeug gi koid nyid su: nghoid wigi nang yo' dage" gyid sang phoo zhoung: lo nyid mo, ri kang: so' loid byoin, loo" nhang: wa"- ga: tid da.

2~KORINTHU 7:6

Nghoid loug we' nheig koug nheig nge nyid bang: ri_ pang" thoug yoem: byid: nyid da" Mangsoo gi ngoonu: jang" moo ju" re" da" Titu khyo' wigi ngoonu" ri nheung loem: yoem: doem bo loo nhang.

Pang Shug 7:17

Khasu" wim garizhung: tang agung moo nyid da" yang nu" gi nyangnu" da" yang zung" su: nghoid wa wigi kang: so' gyid bug ju" sho' - shu" vhu" zung" lhug yhe: loo" wa su: nghoid. Hau: tho' mo Mangsoo gi nyangnu" da" myojid" mo ngoug byid' dangain" shang" shang soid pyam byid: wa zi nghoid- ga: tid nyid.