ESAIA 38:16 - Lacid Common Language Bible

¹⁶ Aseing we"- Ngoo gi re" shid mo za: nang dayug khyeing" shid mo za: kangso' dei wa. Ngoo ri gi nhang: wigi ngoo ri kangso' dei nhang: la.

ESAIA 38:16 ပူးပေါင်းရင်းမြစ်များ

COUNG" NGHEI 119:25

Ngoo soem" leung lo" wigi phei" lhoug: boem" moo: dajo, lo- re" da" dang: soo" khoin" yo dakhyoo" ti" ngoo ri yoem so, aseig byid: wigi doem tu: to' kaid we'.

COUNG" NGHEI 119:71

Ngoo thoung" shoug" zo: ca" shen" yhen khyoo: gi nga" shid re" gye" ge zi nghoid. Khasu" wim gari hau: zigi: ngoo ri re" amyeing" tarha" dang: joem ri jhau" yu nhang: nyid.

COUNG" NGHEI 119:75

Aseing we"- re" da" tarha" dang: phyed nyid khyoo: gi deingmain" nyid ziri ngoo se' nyid. Nang gi dang: zung" su: nghoid yoomo ngoo ri shen" yhen nyid zi nghoid.

COUNG" NGHEI 30:3

nang ngoo ri loeb duang: khoug: mo nyang: khyoid yu bye:. Ngoo gi loeb duang: khoug: khyoo: l vang loo" bye:- nghoid loug we' Aseing gi ngoo ri ashid: nhang: loo: za: kangso' doem xo' byid.

COUNG" NGHEI 39:13

Ngoo ashid: loo" shi" ri goug goug yi yi shoug" nyid wa shid re" nga" jang" mo vi" vi: moo: nyid we'.

COUNG" NGHEI 71:20

Nang gi yau: khi" phu" zo: khyoo: yo' gyoug nain" khyoo: ri nga" tho' moo: thoung" shoug" nhang: nghoid loug we' Loeb duang: khoug: mo we' nang ngoo ri khyoid yu wa zi nghoid.

ESAIA 64:5

Nang gi jo da" moo" koid jang" moo ngei pyo: khyoo: yo" yu boem da" bang:- nyangnu" ri nang wigi khasu" kangso' dei nhang: nau ziri myid boin: bang: ri lhoem: tau' yu da:. Nang gi ngoonu" ri nheig yoo: bye:. Nghoid loug we' ngoonu" gi xo' lho: yooboo koid lo da:. Nang gye" nheig yoo: nghoid loug we' goonham' gooco' mo ngoonu" gi xo' lho: shoid moo" koid loo bye:.

MATHE 4:4

Yesu gi «Byu gi zooyho' yo' za: kangso' dei nyid zi anghoid. Mangso mungdang: bain sho' yo' kangso' dayo" dei nyid» ga: tid.

1Korinthians 11:32

Nghoid loug we'- ngoonu" gi Aseing da" lo, wigi:- dang: phyed noo, kham' zo: khyoo: gi moug: myid byu yi yo' dage" dang: phyed zi ashoug" wa shid mo nghoid nyid.

2~KORINTHU 4:17

Hau: lho: ngoonu" daso' dadam thoung" shau" nyid da gyoug dain phoo: dajhi' dathang: gi je" gyi: ziyo' apyaid atoo: mo myonhoo: phung" yoeb ri kham: yu nhang: wa zi nghoid nyid.

TARHA" TID POIN" 8:3

Nyang: gi nanu" ri zooyoid nhang: da:. Hau: thang: nanu" yo' nanu" da" phoug" phyid" yi shid phyang" khanham we' azo: yu" da" zoo: noem Manna nanu" ri byid: zhoo" bye:. Nyang: hid: su" koid zigi byu gi zooyho' yo' za: kangso' dei nyid zi anghoid. Aseing tid da" mungdang: ja: khang" moo" yo' za: kangso' dayo" dei nyid khyoo: ri nanu" ri jhau" byid: wa shid re" koid zi nghoid.

HEBRE 12:9

Nanu" ri jhau" mhoo, byid: da" xang: su: nya: pho, ri phau" myang: nyid boem nghoid rigi ngoonu" da" Venyi yo' sen: nya: pho, vhoo: moo goeb, jo, boem lho: kangso' dei nyid boem ca" anghoid goo" la".