ESAIA 37:2 - Lacid Common Language Bible

² Nyang: gi Khokham kho" ri yoovoin yu yu" nyid da" Eliakim- Khokham kho" moo" seing: nghoid da" Shebna yo' khainjung moo" yiri Amoz da" yuggi zoo: Esaia jhang nhang: kaid da:. Nyangnu" we' jid: moo" byimi void ci: ago".

ESAIA 37:2 ပူးပေါင်းရင်းမြစ်များ

2 KHOKHAM 18:18

Hau: thang: nyangnu" gi khokham Hezekia ri khe: kaid ago". Houg: lho: Hezekia da" gyizoug: soem" yug nghoid da" khokham kho" ri yoovoin yu yu" nyid da" Hikia nya: yuggi zoo: Eliakin- khokham kho" moo" seing: nghoid da" Shebna- lhid" xoem" moo" ri yoovoin yu yu" nyid da" Asab da" nya: yuggi zoo: Yoah bang: ri nyangnu" yo' yhe: shau" wa shid re" nhang: kaid da:.

2 KHOKHAM 19:2

Nyang: gi khokham kho" ri yoovoin yu yu" nyid da" Eliakim- khokham kho" moo" seing: nghoid da" Shebna yo' khainjung moo" yiri Amoz da" yuggi zoo: lapi: Esaia jhang nhang: kaid da:. Nyangnu" we' jid: moo" byimi void ci: ago".

2 KHOKHAM MHOOMYID: 20:20

Thang: nyid" nab soin: no' mo byumyu" yigi Tekoa nam mo siyoo khyoo: yhe: lo" ago". Nyangnu" to' yhe: lo" nyid boem uri Yehoshaphad gi nyangnu" ri «Yuda yo' Yerusalem byu yi we". Nanu" da" Aseing Mangsoo ri loem khoug: we'. Houg: lang" nanu" gi: geing: teing loo goo" wa. Nya: Lapi: yi wigi nanu" ri tid ziri loem ge'. Nanu" oung: doid loo goo" wa» ga: tid.

ESTHA 4:1

Bue" loo bye: da" khyoo: dangain" ri Modekhai si' lang" nyang: gi myid myo: seing" kho" ziyo' nya: byimi ri lang: ceig pyam da:. Hau: thang: nyang: gi jid: moo" byimi void- vhuloem moo myiyab geig gyoin: ci: lho: khokham kho" vang" khoem" duang: ju" sho' voomoo" khoug: moo ngau yang" yang" yen" da:.

ESAIA 1:1

He: mougsoug" pug moo Yuda khokham yi nghoid boem da" Uzia- Yotham- Ahaza- Hezekia bang: vhoebkhang" da" ayo, gyoo: moo Amoz da" yuggi zoo: Esaia ri Mangso wigi pang shug da" Yuda mung" yo' Yerusalem voomoo" khyoo: ri tid da" mungdang: joem bo nyid da:.

ESAIA 20:2

Aseing gi soem" zain shid" lho: Amoz da" nya: yuggi zoo: Esaia ri nyang: void ci: da" jid: moo" mi joem yo' khyid: zhung" ri khyoid pyam wa shid re" tid da:. Nyang: gi tid dang: tam" gyo: wigi shoocen: doem- khyid: cen: so" lheing: yen" da:.

ESAIA 22:12

Gyi sheing: myhang: thang Aseing gi hau ayo, moo koug ngau wa. Nanu" xam: ri ko' byid: wigi jid: moo" byimi void wa shid re" nanu" ri khe: nyid da:.

ESAIA 22:15

Gyi: sheung: myhang: thang Aseing gi khokham yhoemkhung: moo moo" pyoo: su: Shebna jhang yhi: wa ngoo ri tid da:.

ESAIA 22:20

Aseing gi Shebna ri hau: zi bue" ri" lang" Hilkia da" yuggi zoo: nga" dei zoo: Eliakim gi ngoo nhang: kaid wa.

ESAIA 36:3

Yuda byu soem" yug nyang: ri shoug" wa shid re" thu re" ago". Houg bang: gi Hilkia da" yug gi zoo: khokham kho" ri yoovoin yu lhoug zung" da" Eliakim- Khokham kho" moo" seing: Shebna- Asab da" nya: yug gi zoo: lhid" xoem" ri yoovoin yu da" su: Yoa bang: nghoid ago".

ESAIA 37:14

Khokham phoo Hezekia gi mougsoug" ri lagyoo: yi lo, mo yu lho: nghab da:. Hau: thang: nyang: gi Noku Yhoem: Moo" khyoo: yhe: lho: mougsoug" ri Aseing shidkhoin" moo yhe: to" da:.

ESAIA 37:21

Hau: thang: Esaia gi Khokham Hezekia jhang khyoo: mungdang: foin: kaid. Hau: zigi khokham phoo akyu" mho' dang: ri tam" gyoo: byid: wigi

ESAIA 38:1

Hau: ayo, moo khokham Hezekia gi no re" lho: shid: lo" nyid da:. Amoz da" yuggi zoo: Lapi: Esaia gi nyang: ri yhe: yu" lho: «Ja: khang" moo" ri nyheing soin' too" wa shid re" Aseing nang ri amyeing" byid:. Ciwim gari nang noo agi wa. Shid: wa soin' we'» ga: nyang: ri tid da:.

YOELA 1:13

Phoin: tho' moo: xoin" ngei" byid: nyid da" Khainjung yi we"- jid: moo" byimi void lho: ngau nyid ge'. Noku Yhoem: Moo" khyoo: yhe: lho: damyen goin" koug ngau nyid we'. Nanu" da" Mangsoo ri xoin" to' byid: wa da" gug zoo: yo' zabyid yhid: ayoo" loo.