ESAIA 27:5 - Lacid Common Language Bible

⁵ Nghoid loug we nga" byumyu" yi da" gyivoo yigi nga" goem loem khyoo: ri vho: nghoid rigi ngoo yo' meing: dam khyoo: ri nyangnu" koid nhang: wa. Nghoid bye:. Nyangnu" ri ngoo yo' meing: dam khyoo: ri koid nhang: ge'» ga: tid da:.

ESAIA 27:5 ပူးပေါင်းရင်းမြစ်များ

YOBA 22:21

Yoba we"- Akhid"- nang Mangsoo yo' yug yoo za: nyid we' Houg: lho: nyang: ri gyivoo yhang: ti" zoem" khau: da" khyoo: ri to" pyam we' Nang hougsu" koid ri nyang: gi nang ri mainkaid byid: wa.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 25:4

Myung bang: yo' asho" ajhen: bang: gi re" jhang phang: re" abye:. Yau: khi" shau" da" ayo, moo goem loem zi shau" abye: go". Uglid ri phang: khoug: wa shid re" joyoo nyangnu" ri nang byid: abye:. Nge" lung jang" mo khoug: wa shid re" bid shoem: byid: bye:. Anau akhyoid koid da" byu yigi ngam" yo, mo uglid yo' dayhang: ti'

ESAIA 26:12

Aseing we"- nang gi ngoonu" ri jonu" byid: loo wa. Ngoonu" shoug" yu ja: ja: khang" moo" gi nang koid da" moo" zoo" athang: nghoid da:.

ESAIA 42:19

Nga" dei zoo: tho' myo, je jed su: hang" nyid boem la". Ngoo nhang: kaid da" nga" lagyoo: tho' je nujed su: hang" nyid boem la".

ESAIA 45:24

«Ngoo dayug khyo" wigi za: oung: doid ziyo' yoem so' ri yo" shau" myang ziri nyangnu" tid lo goo" wa. Nghoid loug we' ngoo ri ngheing" bang: dangain" gi xoo: sho' ngi: yoem' zi shau" boem goo" wa.

ESAIA 56:2

Dougno: Bidnyid ri khanham we' cang nyid bang: yo' hau: ziri anghoid da" khyo" akoid bang: ri ngoo mainkaid byid: wa. Akhyeing" da" moo" ci: we' akoid bang: ri ngoo mainkaid byid: wa» ga: zi nghoid.

ESAIA 57:19

Ngoo gi jang" moo vi: moo nyid bang: dangain" ri ngei pyo: yug yoo: khyoo: byid:. Nga" byu yiri ngoo byang" gi byid: wa.

ESAIA 64:7

Akyu" mho' wigi re" jang" mo hang" we' atau" loo. Pang" thug wa shid re" - re" jang moo hang" we' ayhi: nghoid ago". Ngoonu" da" yooboo gang mo nanya: gung nanyang: gau" nyid wigi ngoonu" ri she: pyam' to" abye:.

LUKA 13:34

Yerusalem we"- Yerusalem we"- Lapi: yi ri said pyam pyam koid: nyid da" voogung we"- Mangsoo nhang: kaid da" lagyoo: yi ri luggo' du" said said koid: da" voo we"- Gyo, zeing gi gyo, nu" joem ri nya: dung vhoo: khoug: moo zheing" kaid to" yhangti"- ngoo gi re" zoo: re" myid: yi ri nga" lo, yoem: khoug: moo zheing" kaid too" nau zi myoo" sho' lheing: nghoid bye. Nghoidloug we' nang koem: gi ngoori houg: su" akoid: nhang noug nghoid da.

LUKA 14:32

Gyeing" nyang: ayo" lhoem: oung: pyam nghoid rigi Nyang: ri gyipui" zain: wa ga: soin to" da" khokham" vi: moo danyid shi" uri Mung" lagyoo: ri nhang: kaid lho: gyipui" noo: wa da" byen, phyoo" zain: goo" ca.

LUKA 19:42

Voogung nang we"- myenjham" ngei pyoo: khyoo: yoo" nhang: da" khyoo: ri akhid" nyid" myang se' nghoid ri nang ngi lhoo wa. Nghoidloug we' hau: khyoo: ri khid" nyid" nang amyang asi nghoid da.

HEBRE 6:18

Mangsoo gi mhoug su: anghoid- houg: yoomo nya: da" dang: soo" khoin" yo' nya: jham, tang: khyoo: eig khaid gi khanham we' athid' loo"- ashai" lo" da" dang: eig khoin" nghoid nyid. Hougsu" nghoid yoomo nyang: moo nghe: khau: lho: goem, loem khyoo: yo" yu mo, ein: da" ngoonu" gi ngoonu" ri byid: to" da" nheig byu joyoo ri geing: geing: zei: lho: pu" lhang" too" wa shid mo yoem: lung: byid: zi shau" boem bye.

YOSHU 10:6

Gibeon byumyu" yigi Gigala joyoo moo dab koid wigi nyid da" Yoshu jang khyoo: «Ludaid phoo we"- ngoonu" ri ashe: pyam too". Akhid" nyang: ngoonu" ri re" pang" yu we'. Ngoonu" ri re" khyoid yu we'. Boem moug: moo nyid boem da" Amori khokham dangain" gi gyi yoem: shoin" lho: ngoonu" ri gyi re" zain: abye: go"» ga: dang: pyeung: kaid da:.