ESAIA 27:3 - Lacid Common Language Bible

³ «Ngoo gi hau: ziri zung" wigi byeing abyid loo: gyid shoin" da:. Hang" we' hau ziri dam ayo" tab wa shid re" ngoo gi myen" ri nyid" ri lhoug zung" nyid.

ESAIA 27:3 ပူးပေါင်းရင်းမြစ်များ

APOEM AYANG: 6:17

Dei moodei nyid moonyid ri phyo' shoin' pyam wa shid re" mougmyid tho' khyoo: ngoo gi tagyid shi' nhang: wa nghoid bye:. Mougmyid tho' moo nyid moonyid gi shid: byug wa nghoid.

APOEM AYANG: 9:9

«Ngoo gi nanu" yo' we' nanu" da" amyed ashen yi yo' we' akhid" thang" cab koid too" bye:.

1 KHOKHAM 8:59

He akyu" mho' dang: yo' ngoo nyang: ri mho' yoid da" dang: joem ri ngoonu" da" Aseing Mangsoo gi ayo, dangain" moo myid boin: nyid baja" o". Nyang: gi Israela byumyu" yi yo' nyangnu" khokham phoo ri nyid" khang" nyid" nyangnu" ca" nyid ziyo' dakhyoo" ti" khanham we' nheig myen: shoo" gyoo: baja" o".

COUNG" NGHEI 46:11

Gyi: myhang: da" Aseing gi ngoonu" yo' dage" nyid. Yaku da" Mangsoo gi ngoonu" da" khoug: loo joyoo nghoid.

COUNG" NGHEI 46:5

Mangsoo gi hau: voo moo nyid wigi hau: voogung gi khanham we' lhu: phyo' pyam zi shoug" wa anghoid. Nab kyoo: no' re- hau: voogung ri nyang: pang" thoug yu wa shid re" thu' re" loo wa.

ESAIA 31:5

Ngho' nu" joem ri goem loem byid: wa shid re" ngho' soid dang moo dang: lheing: yen" da" ngho' yhang: ti" ngoo myhang: thang Aseing gi Yerusalem ri goem loem byid: lho: gyi zung" byid: wa» ga: ngoo ri tid da:.

ESAIA 42:6

«Ngoo Aseing gi mougmyid tho' moo tarha" deing byeung" zi koid too" bye: ziri yu" wa shid re" nyang: ri ngoo khe: yu wigi yoem: so' byid: too" bye:. Ngoo gi: nang khyo" wigi byu dangain" yo' dang: theing koid wa. Ngoo gi nang khyo" wigi byumyu" yi jang" moo bidbang ci: ri" byid: wa.

ESAIA 44:3

«Ngoo gi gyid shed da" mougmyid ri gyid byid: wa. Kyug hei' da" myidgung moo gyid zoo: gyung: yau nhang: wa. Ngoo gi re" zooshang: yi adang moo nga" Venyi: foid shoin" byid: wa. Re" amyed ashen yi adang mo nga" mainkaid jeju" foid shoin" byid: wa.

ESAIA 46:4

Ngoo gi nanu" Mangsoo nghoid wigi nanu" mang: wigi xam: phyu: da" ayo, ju" sho' ngoo nanu" ri goin coung: byid: wa. Ngoo gi nanu" ri phain" so: wigi nanu ri goin coung: byid: wa. Ngoo gi nanu" ri pang" thoug wigi khyoid yu wa.

ESAIA 46:9

Goonham' ci bui" lid: lo ziri myid boin ge'. Ngoo dayug kyeing" Mangsoo nghoid ziyo' ngoo yo' du zi gootu: hang" anyid ziri yhen: yu ge'.

ESAIA 49:8

Aseing gi nya: byumyu" yiri «Nang ri khyoid yu wa ayo, ju" loo lang" ngoo gi nang ri myonhoo: byid: wigi pang" thoug wa shid re" nang mho' yoid ziri ngoo tam" gyoo: byid: wa. Ngoo gi nang ri lhoug zung" wigi goem loem byid: wa. Houg: lho: nang khyo" wigi byumyu" dangain" yo' dang: theing koid wa. Akhid" jham" coug: youg bue" jo, da" re" mougmyid moo ngoo nang ri dalheing: doem de: nyid nhang: wa.

ESAIA 5:6

Ngoo gi hau joem ri myo, se: nhe' pyam nhang: pyam wa. Zabyid nei ri acu: shang: wa. Hau: ziri akhoeb nu" byid: wa. Hau: gungthid hau: jang" moo myo, lam" yo' zu: kyin: joem nghoeb nhang: wa. Hau: adang moo moug: voo byid: wa ziri lang" jhoemmoug" ri toem' pyam byid: wa.

ESAIA 58:11

Ngoo gi nanu" ri khanham we' khyoo: shid byid: wigi ge da" ja: yo' nanu" ri nheugdeug nhang: wa. Ngoo gi nanu" ri yoem: boo nhang: lho: yang" zain: nhang: wa. Nanu" gi gyid khanham we' ayau thang lo" da" gyid bug yhang: ti"- gyid agoin agoo" yo" da" khyam: yhang: ti" du wa.

ESAIA 60:16

Nya: myhi' wigi nya: zoo: ri coung: ziyo' dayhang: ti" Byumyu" yi yo' khokham yigi nang ri goin coung: loo goo" wa. Ngoo Aseing gi nang ri khyoid yu wigi Israela da" yoem: bo Mangso wigi nang ri lhoid pyoin kaid ziri nang se' loo wa.

EZEKIEL 34:11

«Ngoo yoem: moo" bo Aseing nanu" ri tid zigi ngoo gi nga" yang joem ri ngoo nyang: cang sho: lho: nyangnu" ri coung: byid: wa.

EZEKIEL 34:24

Ngoo Aseing gi nyangnu" da" Mangsoo nghoid wigi nga" da" dei zoo: David yo' du da" khokham dayug gi nyangnu" da" vhoebkhang" zoug: nghoid loo wa. Ngoo tid too" bye:.

EZEKIEL 37:14

Ngoo gi nga" Venyi: kangso' nyangnu" ri kaid byid: lho: nyangnu" ri Venyi: kangso' doem dei nhang: ziyo' nyangnu" nya: mougmyid moo doem nyid nhang: wa. Houg: lang" nyangnu" gi ngoo Aseing nghoid ziri se' loo goo" wa. Ngoo gi he: ziri koid wa ein: dang: so" to" ziyo' dayhang: ti" koid wa. Ngoo Aseing tid bye:.

EZEKIEL 37:28

Ngoo gi nga" da" Noku Yhoem: Moo" ri houg: moo apyaid atoo: jo, jo, wa shid re" nyangnu" da" phung: gung moo to" too" byid: uri byumyu" yigi ngoo Aseing wigi Israela byumyu" ri nga" da" byumyu" bui" wa shid re" khyen: yu ziri se' loo goo" wa.

1 SAMUELA 2:9

Nyang: gi loem khau: da" byumyu" yi da" kangso' ri lhoug zung" nyid. Nghoid loug we' akhyeing" ashoeb bang: ri koem' gi moug: coid khoug: moo byug lo" boem wa zi nghoid. Byu gi nyang: nya: yoem: yo' oung: doid khyoo: ayoo" nghoid da:.