ESAIA 27:1 - Lacid Common Language Bible

¹ Hau: bidnyid moo Aseing gi nya: yoem: so' gyi: lho: shid: se' da" shamcoin" ri ci: wigi ne shoem' so" lheing: yen" da" main jung: Leviathan ri yooboo dam byid: loo wa. Panglai: moo nyid da" main jung: ri said pyam wa.

ESAIA 27:1 ပူးပေါင်းရင်းမြစ်များ

YOBA 26:13

Mougkhung: ri gyeing: gyeing: sho' pyam zigi nya: so' moid yoomo nghoid. Houg: lho: phang: loid byug da" main: jung: ri said pyam zigi nya: lo, nghoid da:.

YOBA 3:8

Hau: bidnyid ri nheing" wa shid re" main dain fa" bang: ri tid we' houg: bang: gi mainjung: ri se' vhoeb khang: bang: nghoid da:.

YOBA 40:19

Ngoo phain" so: to" jang" mo moug" thang ja: nghoid da:. Nyang: ri phain' su: za: nyang: ri yo" oung: pyam da:.

YOBA 41:1

Nang gi Mainjung: ri wim: myhid nghui" yo' yo" myhid yu wa la" Anghoid lang" nya: da" yhoo: ri tei" wigi yo" tei" yu wa la".

COUNG" NGHEI 104:26

Hau: nammugdara da" gyid tho' moo sangphoo lhid joem so" yen" ziyo' hau" joyoo moo: nang phain" so: to" da- mainjung: zeing ein: da- Leviathan we' shab gu: yen

COUNG" NGHEI 45:3

Yoem: moo" bo da" Khokham phoo we' re" sham ri voin ri re,. Nang gi myonhoo: phung" yoeb yo' amyeing" akhang" yo' byeung" jo, su: nyang: nghoid bye:.

ESAIA 26:21

Nyangnu" yooboo yoomo myidgung byu yiri yooboo dam byid: wa shid re" Aseing gi nyang: nyid da" joyoo- mougkhung: mungdain: mo re" nyid abye:. Myid gung tho mo zau" wigi gau" koid da" byu said mo, ri toin" shid byid: loo wa. Myid gung gi said pyam shoug" bye: bang: ri ashung: too" loo wa.

ESAIA 51:9

Aseing we"- too' we' ngoonu" ri pang" thoug byid: we'. Re" yoem: so' ri ci: wigi ngoonu" ri khyoid yu la. Hau: ziri goonham' ci: lo yhang: ti" ci: we'. Panglai: main jung: Rahab ri adu du koid pyam su: gi nang nghoid da:.

ESAIA 65:12

Hau: zigi mi: shid: shid: wa nanu" da" vhu" pi: lo, kyo' nghoid wa. Ciwim gari ngoo nanu" ri khe: uri nanu" atu"- ngoo dang: tid uri nanu" atam" gyoo: yoomo nghoid. Nanu" gi nga" tid dang: agyoo: wa yo' akhyeing" zi koid wa shid re" khyen: yu ago".

ESAIA 65:25

Zeig ni joem yo' yang nu" joem dage" voem: shoo: zoo: loo wa. Nu: joem yhang: ti" khangkhyi joem gi khoofoo: zo: loo goo" wa. Lhangmyu joem ri agyug noo" loo: wa. Lhangmyu joem da" zoo: noem gi myidzhoo" nghoid wa. Nga" da" gyeung" shang: da" boem gung Ziun: moo gyoug pho" dam tab khyoo: yo' akhyeing" ashoeb khyoo: ci: we' ajo, loo wa» ga: tid da:.

ESAIA 66:16

Nyang: wigi yooboo yo" sho: myang da" myid jang byu xangsu: dangain" ri myiyham: wigi nyang: yooboo dam byid: ri" wa. Myoo" sho' bang: gi said pyam' shau" boem goo" wa.

YEREMIA 47:6

Nanu" gi ‹Aseing da" shamcoin" we"- Kha myang ju" sho' nang zain: nyid shi" wa la". Re" da" shambyang khyoo: doem vang loo" we'. Houg: moo loung" jo, we› ga: yoid nyho:.

YEREMIA 51:13

Hau: mungdain: gi gyid gyung moo" myoo" sho' yo' jonu" myoo" sho' yoo" nghoid loug we' nya: ayo, gi ju" lho: nya: da" kangso' khyeing: thoem" gi phyed pyam byid: zi shoug" bye:.

YEREMIA 51:34

Babelon khokham gi Yerusalem ri jab wigi Zo: pyam bye: Nyang: gi voomoo" ri jhuang: yhang: ti" akoem: koid pyam bye: Yu yhang: ti" hau: ziri myhau: pyam bye:. Nyang: vho: da" gu: ri yu yu wigi deing da" gu: ri she: pyam da:.

EZEKIEL 29:3

He: zigi yoem: moo" bo Aseing gi Egutu khokham ri tid nyid ziri tid kyoo" we'. Gyid gyung: moo jhang" jo, da" mainjung: khang" se" we"- ngoo gi re" gyivoo nghoid. Nila gyid gyung: gi re" zi nghoid. Hau: ziri nang koid to" ga: nang tid da:.

AMO 9:3

Nyangnu" gi Kharamela boem vhu" moo lo" gau" jo, nghoid loug we' ngoo gi nyangnu" ri sho: lho: myheung yu wa nghoid. Nyangnu" gi panglai: thoem" thi" moo nga" jang" mo phang: gau" lo" boem nghoid loug nyangnu" ri ngaid wa shid re" main jung: ri amyeung" byid: kaid wa.

Pang Shug 12:3

Hau: lho: moug: laid' phyoo" mo mau" pho" khyoo: daja: gi bidmug rizhoung" ci: da" vhuloem nyhed loem: dab, lho: khyoug: daxi: khyoug: youg da" main, jung: ni, zeing dadu: thu' lo.

Pang Shug 13:11

Hau: thang: ri akhyeung" da" gougnyhoug gootu: dadu: gi myid jang: mo thu' lo- nyang: moo yang nu" khyoug: yhang: te" zi eig khyoug: youg lho: main jung: zeing yhang: ti" dang: tid nyid.

Pang Shug 13:4

Main jung: ni, zeing gi nya: amyeing" ri hau" akhyeung" da" gougnyhoug lo, moo ab, byid: too" su: nghoid yoomo byu yug khang" moo" gi main jung: ni, zeing ri noku nyid boem ago". Hau" byu yi gi akhyeung" da" gougnyhoug ri we' noku zoore"-" He" akhyeung" da" gougnyhoug yo' hang" se' du go" lha". nyang: ri hang" to' voem" zain: wa lha"» ga: tid nyid boem ago".

Pang Shug 16:13

Hau: thang: ri ngoo gi poo" lheig yo' du go" da" agyeing" ashang: da" venyi soem" du: ri myang- nyangnu" gi main jung: ni, zeung da" nhoid mo we' akhyeung" gougnyhoug joem da" nhoid mo we' mhau' yen" da" lapi: yi da" nhoid mo we' zheung: thu' lo zi nghoid.

Pang Shug 17:1

Hau: uri goem nyhed loem: ci: da" moug: lagyoo: nyhed yug mo dayug ngoori tid zigi " Gyid moo" lang myoo" sho' da" ayam, moo zhoung: jo, voomoo" zeing te" da" myeing gyi: nyid shava myhi, da" yoobo khyoo: ri ngoo nang ri tid kyoo" ba.

Pang Shug 17:15

Hau: thang: ri mau: lagyoo: ngoori doem tid zigi shava myi: yi: myhi, zhoung: jo, da" gyid lang gi mungdain joem mo myeing" cang: joeb, da" byumyu" yi yo' meing: byu yi nghoid boem ago".

Pang Shug 19:21

Nya: da" gyizoo: yigi myang: jui: su: nhoid mo thu' re" da" lhab, sham: yo' said' pyam zi shau" nyid. Houg: yoomo ngho' joem dangain" gi houg: bang: da" shoo" ri gyi" gyi: shau" zo: boem bye.

Pang Shug 2:16

Houg: yoomo re" yooboo mo nheigloem: myab, htid loo we' nheigloem: athed' lo nghloid rigi amyang" ri ngoo re" wigi nga" da" nhoid mo, thu da" lhab, sham: yo' nyangnu" ri jab, pyam' loo: wa.

Pang Shug 20:2

Nyang: gi yu yo' satan: nghoid da" goonham, mo lhang: myu, ein: da" main, jung: zeing ri tei" yu lho: zain, nyid dakhyeing" ju" sho' tei" too" bye.