ESAIA 26:4 - Lacid Common Language Bible

⁴ Aseing moo apyaid atoo: khau: nghe: nyid ge'. Nyang: gi ngoonu" ri khanham we' goem loem byid: loo wa.

ESAIA 26:4 ပူးပေါင်းရင်းမြစ်များ

2 KHOKHAM MHOOMYID: 20:20

Thang: nyid" nab soin: no' mo byumyu" yigi Tekoa nam mo siyoo khyoo: yhe: lo" ago". Nyangnu" to' yhe: lo" nyid boem uri Yehoshaphad gi nyangnu" ri «Yuda yo' Yerusalem byu yi we". Nanu" da" Aseing Mangsoo ri loem khoug: we'. Houg: lang" nanu" gi: geing: teing loo goo" wa. Nya: Lapi: yi wigi nanu" ri tid ziri loem ge'. Nanu" oung: doid loo goo" wa» ga: tid.

2 KHOKHAM MHOOMYID: 32:8

Nyang: gi xangsu: byu yoem: yo" da:. Nghoid loug we' ngoonu" gi ngoonu" ri pang" thoug wa yo' ngoonu" gyipui" ri koid byid: wa ngoonu" Aseing Mangsoo yo" da» ga: tid. Mung" byu yigi khokham pho da" dang: khoin" yoomo yoem: gyo: yo" ago".

YOBA 9:19

Ngoo yoem: joem kaid ri gi wa la". Mangsoo ri yoem: joem wigi jhen" wa la". Ngoo gi nyang: ri tarha" yung" khyoo: khi: wa la". Nyang: ri hang" wigi yo" nhang: wa la".

COUNG" NGHEI 125:1

Aseing moo: loem khau: nyid bang: gi khanham we' thoin dei gyeig ayu: da" Ziun boem yhang: ti" dajo, jo.

COUNG" NGHEI 18:2

Aseing gi nga" goem coung: lhoug zung" su- nyang: gi ngoo loem ge" geung: da" gyidab, nghoid. Nga" da" Mangsoo gi ngoo ri lhoug zung" goem coung: khyoo: yoomo nyang: moo: ngoo myen tab, gau: nyu: nyid. Nyang: gi goo, yhang: ti" ngoo ri gooloo goem byid: nyid. Nyang: gi nga" gyivoo joem ri ve, pyam byid: lho: ngoo ri goug: nyu: tung" nyid nhang: to".

COUNG" NGHEI 46:1

Mangsoo gi ngoonu" da" nghe: khoug: joyoo yo' yoem: vhoo" nghoid nyid. Kyi" khyeug nyid da" ayo, moo pang" thoug yu wa shid re" kha: u" we' jen" nyid gu nghoid.

COUNG" NGHEI 55:22

Re" da" kyi" khyeug yau: khe" khyoo: Aseing moo: ab too" we'. Nyang: gi nang ri goem loem byid: zi nghoid. Deung byeung" bang: ri nyang: gi khanham we' soem" joem: loo" nhang: wa zi anghoid.

COUNG" NGHEI 62:11

Aseing gi phung" yoeb yoem: so' bo nyid da" khyoo: ri nyha" Mangsoo tid nyid ziri ngoo myoo" sho' lheung: shau" gyo: loo bye:.

COUNG" NGHEI 62:8

Nga" da" byumyu" yi we"- ayo, khang" moo" Mangsoo ri loem khau: nyid we'. Nyang: gi yha" da" khoug: loo joyoo nghoid yoomo nanu" da" yau: khe" khyoo: bain sho' nyang: ri tid kyoo" we'.

COUNG" NGHEI 62:9

Xangsu: byu yi dangain" gi- so, thid she: da" lid ti" za: date: nghoid nyid boem. Gye" nghoid ga: su: yo' nge nyhoem: jo, su: we' dakhyoo" te" ce" phoug" we' adab. Nyangnu" ri jang mo leug yu" uri nyangnu" ce: jang myo, we' anang: boem. Nyangnu" gi so, thid she: da" lid tho' ri soem" tang" lhang" nghoid nyid boem.

COUNG" NGHEI 66:7

Re" athang agoin da" yoem: moo" yo' pyaid moo: too: moo: davhoeb khang" nyid wigi byumyu" ja: khang" moo' ri nyang: dayu" zhoug to". Nyang: ri hang" we' ayo" thougtheung boem.

COUNG" NGHEI 93:1

Aseing gi khokham nghoid. Nyang: gi zoug: myeing" yo' yoem vhoo" ri void ci: su" nghoid. Moug gyab, ri geing: geing: teing teing zhoug to" wigi hau: zigi ayo" loeb ayo" dei loo.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 17:10

Israela we"- nang ri khyoid yu su: yo' geing: teing da" lugboem moo" yo' dayhang: ti" nang ri goem loem byid: su: Mangsoo ri nang to" myhed pyam abye:. Hau: gungthid tungbau yu phara" joem ri no' wa shid re" gyeung" shang: da" bain: khyam: joem ri nang sho" da:.

ESAIA 30:29

Nghoid loug we' Mangso byu nanu" gi gyeung" shang: da" pui" myen" ri nanu" koid boem ziyo' dayhang: ti" ngei pyo: wigi jihkoin" khoin" loo wa. Nyangnu" gi Israela da" gyi zung" su: nghoid da" Aseing da" Noku Yhoem: Moo" khyoo: khoolhang thui: ri cang wigi so" yhe: loo" bang: yhi' pyo: da:.

ESAIA 32:2

Nyangnu" mo yugkhang" moo" gi lid mo khau: nghi: wa joyoo- Uglid mo phang: goug" wa joyoo yo' dayhang: ti" nghoid loo wa. Nyangnu" gi dain" pyoid yoo moo yau da" gyid zoo: gyung: yo' dakhyo"- moug: kyug myid kyug moo jo, da" lug moo" da" bid shoem: yoeb yo' dakhyoo" ti" nghoid nyid da:.

ESAIA 44:8

Nga" byumyu" yi we"- agyug goo". Goonham' gooco' mo zi akhanyid" da" ayo, ju" sho' moo hau: gu: dangain" bue" ri” wa khyoo: ri ngoo lapi: pe: to" ziri hang" se' da:. Houg: lho: nang gi nga" sagse: nghoid da:. Mangsoo gooyug nyid la". Ngoo khanham we ashau" gyo: yu" da" yoem: so' bo da" Mangsoo gootu: nyid la"

ESAIA 45:17

Nghoid loug we' Israela ri Aseing wigi khyoid yu zi shau" da:. Israela da" oung: doid zigi apyaid atoo: moo deing jo, wa. Israela byumyu" yigi khanham we' ngi: yoem' zi ashoug" wa.

ESAIA 45:24

«Ngoo dayug khyo" wigi za: oung: doid ziyo' yoem so' ri yo" shau" myang ziri nyangnu" tid lo goo" wa. Nghoid loug we' ngoo ri ngheing" bang: dangain" gi xoo: sho' ngi: yoem' zi shau" boem goo" wa.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

ESAIA 51:5

Ngoo gi myab ju" re" wigi nyangnu" ri khyoid yu wa. Nga" oung: doid zigi jhang re" abye:. Byumyu" yi adang moo ngoo wigi vhoeb wa. Ve: da" mungdain: joem gi ngoo ju" loo wa ziri lang" nyid ago". Nyangnu" gi nyangnu" khyoid yu wa myid byu ziyo' ngoo ri lang" nyid boem.

ESAIA 63:1

Edom mung" moo jo, da" Bozra voomoo" mo re" nyid su: gi hang" nghoid la". Pain" ni yo' gye" reung: sho' shoung: void ci: lho: nya: yoem: so' yo' yoem: moo" yo' re" nyid su: gi hang" nghoid lha". Khyoid yu wa yoem: so' bo ziyo' nya: oung: doid khyoo: tid fu" wa re" nyid su: gi Aseing nghoid.

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

DANIELA 3:28

Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

MATHE 28:18

Aseing Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

TARHA" TID POIN" 32:15

Aseing byumyu" yigi yoo" zoo: yoo" shug lo da:. Nghoid loug we' gyi koid lo ago". Nyangnu" gi xu: wigi zoo: noem zo: gyi: nyid boem ago". Nyangnu" gi nyangnu" da" phain" so: Aseing Mangsoo ri she: pyam wigi nyangnu" da" myhang: thang khyoid yu Aseing ri ngeug he: pyam ago".

TARHA" TID POIN" 32:4

Aseing gi nanu" da" myhang: thang da" goem loem yu su: nghoid. Nyang: gi khyoo: khaid khang" moo" mo joeb byeung" ziyo' tarha" nyeung veung" da:. Nanu" Mangsoo gi jhug zug ziyo' deingmain" da:. Nyang: gi jo ziyo' tarha" ziri koid da:.

TARHA" TID POIN" 33:27

Mangsoo gi khanham we' nanu" ri gyi khouggoo koid byid: su: nghoid. Nya: da" apyaid atoo: lo, sain: gi nanu" da" pang" thoug joyoo nghoid da:. Nanu" jhen" do, lo nyid uri nyang: gi nanu" da" gyivoo yiri khaid thu pyam byid: wigi nyangnu" dangain" ri phyo' shoin' pyam wa shid re" nanu" ri tid abye:.

PHILIPI 4:13

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

1 SAMUELA 2:2

Aseing yhang: te" gyeung" shang: zigi hang" we' anyid loo. Nyang: yhang: te" zi hang" anyid- ngoonu" da" Mangsoo yhang: ti" yo" goem loem byid: su: hang" we' anyid.