ESAIA 26:3 - Lacid Common Language Bible

³ Nang Aseing gi nyangnu" da" myid too" jang: ri teing teing koid wigi nang ri khau: nghi: bang: ri joeb byeung" da" ngei pyo: yug yo khyoo: byid: da:.

ESAIA 26:3 ပူးပေါင်းရင်းမြစ်များ

1 KHOKHAM MHOOMYID: 5:20

Nyangnu" gi Mangsoo ri khoug: nghe: wigi pang" thoug wa shid re" nyang: ri akyu" mho' boem. Mangsoo gi nyangnu" akyu" mho' thui: ri tam" gyoo: byid: wigi Hagara byu yi yo' nyangnu" da" myid veing" bidnoem yiri oung: pyam nhang: da:.

2 KHOKHAM MHOOMYID: 13:18

Houg: yoomo Yuda byumyu" yigi Israela byumyu" yiri oung: pyam ago". Ciwim gari nyangnu" gi nyangnu" da" phoug" phyid" yi da" Aseing Mangsoo ri khau: nghi: yoomo nghoid ago".

2 KHOKHAM MHOOMYID: 16:8

Etiopi byumyu" yi yo' Libya byumyu" yigi gyi myang: rheing" yo' myang: jui: mo, myo" sho' bo da" gyidab moo" zeing yo" ago" anghoid rhe"- nghoid loug we' nang Aseing ri khoug: nghi: yoomo nyang: gi nang ri houg: bang: ri oung: pyam nhang: da:.

COUNG" NGHEI 119:165

Re" tarha" ri jheddab mo, gi joeb byeung" da" goem loem khyoo: yoo" bang: nghoid wigi ce: khyo" we' nyangnu" ri yo" tu: khyo' pyam wa zi anghoid loo.

COUNG" NGHEI 125:1

Aseing moo: loem khau: nyid bang: gi khanham we' thoin dei gyeig ayu: da" Ziun boem yhang: ti" dajo, jo.

COUNG" NGHEI 9:10

Aseing we" nang ri si bang: gi nang ri loem" jeung" loem khau: lo boem wa zi nghoid. nang gi re" jhang khyoo: tain" tab, loo bang: hang" ri we' alhoem: khaid pyam.

ESAIA 12:2

Mangsoo gi nga" khyoid yu aseing nghoid ngoo gi nyang: ri khoug nghe: lho: ngoo agyug nghoid da:. Aseing gi ngoo ri yoem: so' yo' yoem: boo nhang: da:. Nyang: gi nga" khyoid yu Aseing nghoid da:.

ESAIA 26:12

Aseing we"- nang gi ngoonu" ri jonu" byid: loo wa. Ngoonu" shoug" yu ja: ja: khang" moo" gi nang koid da" moo" zoo" athang: nghoid da:.

ESAIA 27:5

Nghoid loug we nga" byumyu" yi da" gyivoo yigi nga" goem loem khyoo: ri vho: nghoid rigi ngoo yo' meing: dam khyoo: ri nyangnu" koid nhang: wa. Nghoid bye:. Nyangnu" ri ngoo yo' meing: dam khyoo: ri koid nhang: ge'» ga: tid da:.

ESAIA 31:1

Egutu mung" khyoo: pang" thoug wa ziri yhe: mho' da" bang: gi joem: lo" abye:. Nyangnu" gi Egutu da" gyidab yoem: nghoid da" myang: joem myang: rheing" joem yo' gyizoo: yiri khau: nghe: ago". Nghoid loug we' nyangnu" gi Israela da" gyeung" shang: da" Aseing Mangsoo ri akhau: nghi: nghoid ago". Pang" thug wa shid re" we' nyang: ri amho' goo" nghoid da:.

ESAIA 32:17

Yugkhang" moo" gi jo ziri koid loo wa yoomo ngei pyo: yug yo ziyo' goem loem zigi apyaid atoo: bui" jo, wa.

ESAIA 32:18

Mangso byu yigi myid myo: zi ajo, wa. Nyangnu" da" yhoem: ikoin deungkhu: joem gi ngei pyo: ziyo' goem loem jo, wa.

ESAIA 42:19

Nga" dei zoo: tho' myo, je jed su: hang" nyid boem la". Ngoo nhang: kaid da" nga" lagyoo: tho' je nujed su: hang" nyid boem la".

ESAIA 42:6

«Ngoo Aseing gi mougmyid tho' moo tarha" deing byeung" zi koid too" bye: ziri yu" wa shid re" nyang: ri ngoo khe: yu wigi yoem: so' byid: too" bye:. Ngoo gi: nang khyo" wigi byu dangain" yo' dang: theing koid wa. Ngoo gi nang khyo" wigi byumyu" yi jang" moo bidbang ci: ri" byid: wa.

ESAIA 48:2

Nghoid loug we' nanu" gi gyeung" shang: da" voomoo" byu nghoid. Israela Mangsoo ri nanu" khau: nghe: nyid. Nya: myeing gi myhang: thang Aseing nghoid da: ga: phau: khuang tid nyid ago".

ESAIA 49:8

Aseing gi nya: byumyu" yiri «Nang ri khyoid yu wa ayo, ju" loo lang" ngoo gi nang ri myonhoo: byid: wigi pang" thoug wa shid re" nang mho' yoid ziri ngoo tam" gyoo: byid: wa. Ngoo gi nang ri lhoug zung" wigi goem loem byid: wa. Houg: lho: nang khyo" wigi byumyu" dangain" yo' dang: theing koid wa. Akhid" jham" coug: youg bue" jo, da" re" mougmyid moo ngoo nang ri dalheing: doem de: nyid nhang: wa.

ESAIA 50:1

Aseing tid zigi «Nya: yhoem: seing: myhi' ri kang" pyam da" yuggi yhang: ti" ngoo gi nga" byumyu" yiri nhang: kaid wa zi nghoid ein: nanu" jhoo: go" la". Kang" pyam da" mougsoug" khyab gi khayoo: la". Join khyo" nya: zooshang: yiri oung” zo: pyam da" byu dayug yo' dakhyoo" ti" ngoo gi nang ri thung: byu khyo" oung" zo: pyam ein: jho: rhe". Anghoid- nang thung: byu khyo" cang lo" zigi nanya: yooboo yoomo nghoid da:. Re" yhid kang" pyam shau" zigi re" youg: moo" zoo" yoomo nghoid da:.

ESAIA 50:10

Aseing ri ngi: shab byid: boem da" bang: dangain" yo' nya: dei zoo: da" dang: ri tam" gyoo: mo, we" nanu" so" lo" da" khyoo: gi no ri no jo, wa. Nghoid loug we' Aseing ri loem khau wigi nanu" Mangsoo ri nghi: ge'.

ESAIA 66:12

Aseing tid zigi «Nang ri jonu" yoo" zoo: yoo" shug khyoo: myoo" sho' byid: wa. Byumyu" yi da" jonu" gi khanham we' ayau kain" lo" byug da" gyid gyung: yhang: ti" re" jang" moo yau vang nhang: wa. Nang gi nya: myhi' lo, moo vu, ci: lho: jheddab myid yo' khoem ci: wigi noug" jhug byid: da" zooshang: yo' du loo wa.

YEREMIA 39:18

Ngoo gi nang ri goug: goug: nyid nhang: wa. Houg: lho: nang said pyam zi ashau" wa. Nang ngoo ri loem khau: nyid yoomo re" kangso' yo" phang: loid wa» ga: zi nghoid ngoo Aseing tid too" bye:.

DANIELA 3:17

Ngoonu" dei byid: nyid da" Mangsoo gi ngoonu" ri myikhyoem moo" mo we' re" yoem: so' mo we' yo" khyoid yu nghoid ri nyang: khyoid yu wa.

DANIELA 3:28

Khokham phoo gi «Shadrag- Meshag yo' Abednego da" Mangsoo ri coung" o". Nyang: gi nyang: ri loem khau: lho: dei byid: da" he: byu yiri khyoid yu wa shid re" nya: da" moug: lagyoo: ri nhang: kaid da:. Nyangnu" gi nyangnu" nya: Mangsoo mo lid lho: gootu: yu phara" ri agoeb pid- adei byid: wa ga: nyangnu" nya: kangso' ri ab pyam sho' nga" amyeing" dang: joem ri atam" gyoo: loo ngeug pyam ago".

DANIELA 6:23

Khokham phoo gi gye" gau wigi Daniela ri thung: yhoem: khoug: mo lang: she: thu yu wa amyeing" byid: kaid da:. Houg: yoomo nyang: ri lang: she: thu yu ri nyang: gi Mangsoo ri loem khau: yoomo nyang: moo ce: dam dajhi' we' adab ziri shau" myang ago".

MIKHA 5:5

Nyang: gi myenjham" khyoo: ri byid: loo wa zi nghoid. Asuri byumyu" yigi ngoonu" da" mung" ri zain: ce" vang lo lho: ngoonu" da" gyi khoug: goo zung joem phyo' sain" boem uri ngoonu" yo' ngoonu" da" yoem: bo thang da" vhujhung: yiri zain: wa shid re" nhang: kaid wa zi nghoid.

YOHAN 14:27

Ngoo gi myenjham" khyoo: nanu" ri byid: khoo bye:- hau: da" ngei pyo: myenjham" da" khyoo: gi nanu" ri moug myid byu yi byid: te" da" zi anghoid. Nanu" nheigloem: myid amyoo: goo. Nheugloem: athang goo"- gyoug we' agyug goo.

YOHAN 16:33

Nanu" gi ngoo yo" dadeing: daloem: za: khyo" myen, jham" khyoo: yo" yu wa da" shid' re" he: dang: ri ngoo tid bye. Nanu" gi mougmyid moo nyid shi" da" uri shojhen: kyi" khyeug zi shau" zoo: goo" wa. Nghoidloug we' geing: geing: teing teing shang" yab jo, ge' ngoo gi he: mougmyid ri oung: pyam bye:- ga: tid.

Roma 5:1

Ngoonu" gi loem" jeung" khyoo: khyo" wigi Mangsoo: da" shid' khoin" moo deingbyeing" mo yo" bue" loo bye: yoomo ngoonu" da" Aseing Yesu Khristu khyo" Mangso: da shid' khoin" moo ngei pyoo: myenjham" khyoo: ri ngoonu" yo" kham zo: boem bye.

PHILIPI 4:7

Houg: lang" byu yi se' da" nyain: dangain" tho' mo je" lid da" Mangso ngei pyoo: myenjham" khyoo: gi Khristu Yesu yo' deung: shoin" da" khyoo: moo nanu" da" nheigloem: e" myed, yo' myid soin: khyoo: dangain" moo zung" lhug byid: wa.