ESAIA 22:2 - Lacid Common Language Bible

² Voomoo" goin" mo lu: fu: thui: yo' mau" dain ziyo' nhung nhung khoid khoid bue" nyid da:. He: meing: zain: pui" moo shid: lo boem da" nanu" byumyu" yiri khaid zain go" lho: shid: boem zi anghoid.

ESAIA 22:2 ပူးပေါင်းရင်းမြစ်များ

ESAIA 10:4

Nanu" gi gyi khaid pui" moo said pyam shoug" loo goo" wa. Anghoid lang" thung byu yiri yhang: ti" she: khyoid lo" zi shoug" loo goo" wa. Hougsu" nghoid rilang" Aseing nheig yo: zigi atheing: wa. Nya: lo, gi yooboo dam byid: wa shid re" dayhoin" too" shi" wa.

ESAIA 23:7

Goonham' mo de: to" da" he: Turu voomoo" gi ngei pyo: yug yoo za: yo" jo, wa la". Koloni mungdain: tam: wa shid re" voobyu yiri panglai: gu phyed yhi: nhang: da" voomoo" yo" bui" wa la".

ESAIA 32:13

Zu: bang yo' zukyen: gam joem gi nga" byumyu" yi da" mougmyid moo yug jo, da:. Byu joem ngei pyo: nyid boem da" yhoem: joem dangain" shid re" yo' dei noem byeung" sho' nyid da" voomoo" shid re" ngoug byid gyoo" ge'.

ESAIA 32:14

Khokham khoo" rilang" she pyam too" kho' zi shau" wigi voomoo" zeing gi bain sho' jham" coug: youg nghoid byug wa. Zung" nyid da" yhoem: joem yo' gyidab joem gi apyaid atoo: moo byo, yoin" jo, wa. Siyoo loo zei: joem gi houg moo so" yen" wigi yang joem gi houg moo coung" yoo shau" myang wa.

ESAIA 37:33

He: zigi Asuri khosen yo' sen: wigi Aseing tid zi nghoid. Nyang: gi he: voomoo" khyoo: avang wa. Myoo: dakhaid we' abeig fang wa. Goo ci: da" gyizoo: yi voomoo" nam khyoo: dayug we' atab loo wa. Houg moo myid boem" we' akoid goo" wa.

ESAIA 37:36

Aseing da" moug: lagyoo: dayug Asuri dab khyoo: gyoo" re" wigi gyizoo: 185,000 yug ri said pyam da:. Hau: thang: nyid" moug: boo" zoo" ri houg moo dangain" bang: shid: jo, ago".

YEREMIA 14:18

Jang: gyoin: khyoo: ngoo thu yhe: lo" ri meing: zain: jang: moo said pyam shau" da" byu yi da" manggung joem ri myang. Voogung joem khyoo: ngoo vang yhe: ri zooyoid shid: lo" nyid da" voobyu yiri ngoo myang. Lapi: yi yo' khainjung yigi nyangnu" nya: moo" ri zei: nyid ago". Nghoid loug we"- nyangnu" gi nyangnu" cikoid nyid ziri asi' goo" nghoid da» ga: tid nhang: da:.

YEREMIA 38:2

Hau: zigi ngo wigi byumyu" yiri «He: voomoo" khoug: moo nyid deing jo, da" bang: hang" nghoid loug we' gyipui" moo zooyoid jang" moo no phyoo" moo shid: boem wa nghoid loug we' thu yhe: lho: Babelon byu yiri lo, yhe: tu: pyam su: hang" nghoid loug we' said pyam zi ashau" wa. Nyang: gi neing: thang nya: kangso' phang: loid wa» ga: Aseing tid.

YEREMIA 52:6

Hau: zain lhammoo" myid: khyab ein: khyab goug: nyid" ein: nyid" mo phang" khoug sung no, yoomo mung" byu yi zoo: noem adeing loo nghoid ago".

NGOUG JI: 1:1

Shid phyang" mung" byu yi byeung" sho' nyid da" Yerusalem gi akhid" nyang: kyeing" zoongi phyeig nyid bye:. Shid phyang" mougmyid wigi phoug" tab ngi: shab byid: da" voomoo" gi akhid" nyang: gi cougmoo" myhi' yo' du jo, bye:. Gye" reung: da" voomoo" joem mo myonhoo: ngilang: bo thang da" voomoo" gi join, bue" loo" bye:.

NGOUG JI: 2:20

O" Aseing we"- yu" we' nang ciwim yoomo ngoonu" ri hid te" da" yooboo byid: la". Myiyi: yigi nyangnu" jheddab da" zooshang: yi manggung ri zo: nyid ago". Khainjung yo' lapi: yigi Aseing da" gyeung" shang: da" Noku Yhoem: Moo" moo: nyang: nyang: said shid: nyid ago".

EZEKIEL 22:5

Nang tarha" aci: yoomo jang" moo vi: moo jo, da" mungdain: joem gi nanu" ri nyhab' boem ago".

ZEPHANI 2:15

Nyang: nya: da" yoem: ri loem lho: gau: nyu: bye: ga: myid wigi phoug: khuang nyid da" voomoo" gi hid: su" bue" loo wa. Voobyu thoem" byu yigi nyangnu" da" voomoo" ri mougmyid tho' moo gyi: thang ga: jho: nyid ago". Hau: zigi: jham" coug: youg da" joyoo- siyoo gougnyhoug lam" joem nyid da" joyoo danghoid loo nhung: lha". Hau: vooyam khyo" lid loo" bang: we' gyo, shi" gi yid yid ga: gyoug nain" lho: tau" phang: loo" goo" wa.