ESAIA 21:9 - Lacid Common Language Bible

⁹ Nyeigdain tung"- houg bang: ju" re" ago". Eig yug yug jen wigi myang: dang moo zhung: re" ago" ga: lo tid kyo" da:. Gyi zung" su: gi «Babelon gyoeb byug abye:. Nyangnu" no' da" yu phara soolhoo: joem dangain" gi myidgung moo gyoeb moin" jo, abye:» ga: lu dang: lo tid kyo" da:.

ESAIA 21:9 ပူးပေါင်းရင်းမြစ်များ

ESAIA 13:19

Babelon gi mungdain: dangain" tho' yung" thang da" mungdain: nghoid da:. Hau: zigi nya: byumyu" yi da" nghoid boin: wa khyoo: nghoid da:. Nghoid loug we' Sodom yo' Gomora ri ngoo koid lo: bye: ziyo' dayhang: ti" ngoo Aseing gi Babelon ri phyo' sain" pyam wa.

ESAIA 14:4

Nyang: hid: su" koid lang" nyangnu" gi Babelon khokham ri juang" lho: tid zigi «Anoug akhyoid koid da" khokham gi leung lo" abye:. Nyang: gi hang" ri we' khanham we' adoin zeig zoo: loo wa.

ESAIA 21:7

Nyang: gi eig yug yug jen wigi myang: dang moo re" nyid ziyo' loo zei: yo' Gola-ug dang mo byu yi zhung: wigi re" nyid zigi nyang: myang nghoid rigi nyang: gi houg bang: ri goo" lhoo' yu" ca" wa nghoid da» ga: tid da:.

ESAIA 47:5

Aseing gi Babelon ri «Pug zheig aga: ziyo' moug: coid khoug: moo zhung: jo, we'. Nyangnu" nang ri byumyu" yi da" khokham myhi' ga: akhi: loogoo" wa.

ESAIA 47:9

Nghoid loug we' daso' kyeing" ri danyid" kyeing" ri Hau: gu: dangain" bue" loo wa Nang fa" da" phajhi" ri ci: yhung: nghoid loug we' nang re" yhoem: seing: phoo yo' re" zooshang: yiri ci: phyug wa.

ESAIA 48:14

«Nanu" dangain" bang: we" zeing: foem: re" lho: tam" gyoo: we'. Ngoo wigi khyen: too" su: wigi Babelon ri gyi zain: wa ga: ziri yu phara" joem khayug we' lapi: ayo" pi: nghoid ago". Ngoo nyang: ri koid noug nhang: da" moo" ri nyang: koid loo wa.

YEREMIA 50:29

«Babelon ri khaid zain: wa shid re" lid: beig bang: ri tid ge'. Lid: yo' myoo: ri khasu" ci: wa se' da" bang: yugkhang" moo" ri nhang: kaid ge'. Voomoo" ri vang: to" lho: dayug ri we' aphang: loid nhang: goo". Nyang: koid zi shid re" aphoug" tau" byid: ge'. Subi" ri nyang: koid yhang: ti" nyang: ri we' koid ge'. Ciwim gari nyang: gi Israela da" gyeung" shang: su: ngoo ri gyi khaid wigi nghoid boin: da" lo, moo" koid da:.

YEREMIA 50:38

Nya: da" mungdain: moo kyug kyug bui" nhang: wigi Nya: da" gyid gyung: joem kain" lo" byug ago". Babelon gi byu ri koo" nhang: pyam da" yu phara" soolhoo: joem wigi Kyug tain' da" mungdain: nghoid da:.

YEREMIA 50:42

Nyangnu" gi lid: yo' shamcoin" joem ri yu ci: abye:. Nyangnu" gi akhyeing" zi yo' nheig khyeug myid aboo nghoid da:. Nyangnu" myang: joem gung tho' moo ju: uri panglai: gyid myeing thui: yhang: ti" myeing ago". Babelon ri gyi koid da" gyipui" shid re" nyangnu" jen" jen" koid to" ago".

YEREMIA 50:9

Ngoo gi mougzhung: shoid mo yoem: bo da" byumyu" daphung: ri lhu: zhuang" kaid lho: Babelon ri khaid zain: nhang: wa. Nyangnu" mungdain: ri gyi koid wa shid re" gyipui" moo jen yab jo, lho: hau: ziri oung: pyam wa. Nyangnu" gi shookhaid kung bang: thang" thi: ri khanham we' ashoid loo: sho' myoo: yo" beug da" shookhaid bang: nghoid da:.

YEREMIA 51:27

«Gyi khaid wa avoid asoo" byid: ge'. Byumyu" yi shoug" gyoo: wa shid re" laboo" ri moid ge'. Babelon ri gyi koid wa shid re" byumyu" yiri nyheing soin' ge'. Ararad- Minni yo' Ahkeneza mungdain: khokham yiri gyi khaid zain: wa tid ge'. Gyi zain: jang" moo vhu" shi: wa gyizoug: dayug ri khyen: soin' too" ge'. Jhenkhyeug joem yhang: ti" myang: joem ri she: loo ge'.

YEREMIA 51:44

Ngoo gi Babelon yu phara" Bela ri yooboo dam byid: wa. Nya: da" khau" to" da" zi joem ri to" pyam nhang: wigi byumyu" yi we' nyang: ri ano' loo wa «Babelon vang joem gi byo, gyo" byug bye:.

YEREMIA 51:47

Babelon mung" da" yu phara" soolhoo: joem ri ngoo dang: phyed wa ayo, ju" lo nyid da:. Mungdain: goin" gi sho' phu" wa. Hau: da" byu yi dangain" gi said pyam zi shoug" goo" wa.

YEREMIA 51:52

Houg: yoomo Babelon yu phara" soolhoo: joem: ri ngoo dang: phyed wa ayo, ju" re" nyid bye:. Houg lho: dam dab bang: gi mungdain: jang: sho' noo kyeing" kyeing" wa ein: ngoo tid bye:.

YEREMIA 51:64

Houg: lho: hid su" ein: tid ge'. He: zigi Babelon ri bue" loo nhang: wa zi nghoid. Aseing wigi hau: dang moo phyo' shoin' zi bui" nhang: wa zi nghoid wigi hau: zigi noeb vang lo" lho: khanham we' adoem to' ri" loo wa». Yeremia mungdang: gi hid: moo thang bye:.

YEREMIA 51:8

Babelon gi nyeigdain tung" byo, gyo" lo" lho: phyo' shoin' pyam zi shau" da:. Nya: gang mo koug ngau ge'. Nya: dam khoo: shid re" moo cid" shoo: we'. Hau: dam khoo: ge ri ge loo abe.

Pang Shug 14:8

Hau: thang: ri eig yug ein: da" moug: lagyoo: gi xang: shed" youg thang: moo cang ju" re" lho: " Babelon voomoo" zeing gi byo, leung loo" bye- nya: aved avhu: koid moo" ein: da" so' thain: da" zabyid yhid: ri byumyu" bain' sho' mo, ri shug nhang: abye:"- ga: tid nyid.

Pang Shug 18:2

Nyang: gi thui: zeing yo' tid zigi nyang: gi byo, yoin" loo" bye:- Babelon voomoo" gi byo, yoin" loo" bye- byo, yoin" loo" bye- nyang: rigiakhuid" main: yu joem yo' mi: byoo joem wigi byo" too" zi shau" su:- aco' jhoid khyoo: aja: ja: yo' ngho' ngheing" joem da" nyid jang: nghoid.

Pang Shug 18:21

Hau: thang: moo yoem: moo" bo da" moug: lagyoo: dayug gi gyi: da" lug lheing: zeing yhi' bo da" lug daloem: ri yu lho: panglai gyid thoem" moo du" zei, kaid' wigi " Babelon voomoo" gi hid: yhang: ti" du" khyo' kaid' zi shau" wa nghoid lho: thang: phyang" hau: voomoo" ri khanham we' doem myang loo: wa zi anghoid- ga: tid.