ESAIA 2:2 - Lacid Common Language Bible

² Ju" loo wa da" ayo, moo: Noku yhoem: moo" jo, da" boem gi dangain" jang" mo myhang: thang nghoid wigi bouggung dangain" da" adang moo myhang: thang bue" nyid wa. Mungdain: myoo: sho' gi houg khyoo: jhen: re" wigi

ESAIA 2:2 ပူးပေါင်းရင်းမြစ်များ

APOEM AYANG: 49:1

Yaku nya: zoo: tang: yiri khe: yu lho: «Zeing: loo ge'. he: thang: nyid" nanu" cisu" bue" loo wa khyoo: ngoo nanu" ri tid wa.

YOBA 19:25

Nghoid loug we' lo" thang moo ngoo ri goem loem byid: wa su: Mougkhung: moo nyid ziri ngoo se'

COUNG" NGHEI 102:23

Hau: Aseing gi ngoo ri ngi shi" ayo, mo wigi yoem neung: loo" nhang: bye:- nyang: gi nga" da" kang: so' ri: leung" loo" nhang: bye:.

COUNG" NGHEI 2:8

Mho' we' ngoo nang ri byumyu" yi yo' nyangnu" da" mungdain: dangain" ri ab byid: wa zi nghoid. Moug: gyab, goin" re" da" moug: bue" loo wa nghoid.

COUNG" NGHEI 22:27

Byumyu" yi bain sho mo, gi Aseing ri boin: so" loo wa. Mougmyid gyab, goin" mo mo, gi re" jhang khyoo: doem tau" lo boem wa nghoid. Byukung: byuko' dangain" gi nyang: ri noku coung" pid lo boem wa nghoid.

COUNG" NGHEI 22:28

Aseing gi khokham zeing nyang: nghoid yoomo byumyu" bain sho mo, ri vhoeb khang nyid.

COUNG" NGHEI 48:2

Mangso da" boem ein: da" Ziun gi myhang: ziyo' younglho' nyid. Reung: thang da" khokham pho, voogung gi moug: gyab, dangain" ri gau yi ngei pyoo: nhang: nyid.

COUNG" NGHEI 68:17

Aseing gi khyeing" moin myo: da yoem: bo da" gyi myang: rheing" joem yo' Aseing gi Sina boem mo wigi gyeung" shang: joyoo khyoo: gyoo" lo.

COUNG" NGHEI 72:8

Nya: mungdain: gi panglai: mo zi panglai: moo: ju" sho' Uphrad gyid lang mo zi mougmyid thang jang" moo: ju" sho' gyi: sheung: ce" lam: loo" wa zi nghoid.

COUNG" NGHEI 86:9

Nang phain" so: to" da" byumyu" dangain" mo, gi re" jang" moo: re" lho: poid thoug lo boem wa nghoid. Nyangnu" gi re" da" nghoid thang khyoo: ri coung" byid: lo boem wa zi nghoid.

COUNG" NGHEI 87:1

Aseing gi nya: voogung ri gyeung" shang: da" boem tho' moo nyheung tam: to" abye:.

COUNG" NGHEI 87:2

Nyang: gi Yerusalem voomoo" ri Israela meing: moo: jo, da- joyoo joem dangain" tho' moo: je" jheddab nyid.

ESAIA 11:10

David khokham kung mo khokham aseig gi byumyu" yi da" asoo" bui" wa ayo, ju" re" nyid bye:. Nyangnu" gi nya: khokham voomoo" moo zeing: foem: nyid wigi nyang: ri ngi: shab byid: loo goo" wa.

ESAIA 25:6

Myhang: thang Aseing gi mougmyid dang mo byumyu" dangain" shid re" zoo: noem gi zabyid yhid: gi yo' he: Ziun boem tho' moo zooshug pui" zeing daloem: soin' too" wa.

ESAIA 27:13

Hau: bidnyid ju" lang" Asuri yo' Egutu mung" moo yhe: pyoung" shu" nyhid: too" shau" da" Israela byu dangain" ri doem khe: tau" yu wa laboo" ri moid loo goo” wa. Nyangnu" gi Aseing da" gyeung" shang: bouggung tho' mo jo, da" Yerusalem mo Aseing ri lo noku byid: loo goo" wa.

ESAIA 30:29

Nghoid loug we' Mangso byu nanu" gi gyeung" shang: da" pui" myen" ri nanu" koid boem ziyo' dayhang: ti" ngei pyo: wigi jihkoin" khoin" loo wa. Nyangnu" gi Israela da" gyi zung" su: nghoid da" Aseing da" Noku Yhoem: Moo" khyoo: khoolhang thui: ri cang wigi so" yhe: loo" bang: yhi' pyo: da:.

ESAIA 49:6

Aseing gi ngoo ri «Nga" dei zoo: we"- re" shid re" je gyi: da moo" nga" jang" moo jo,. Nyid deing nyid da" Israela byumyu" yi gyi: sheung: wa shid re" nang ri nyhid: too" wa zi za: anghoid. Mougmyid dangain" khyoid yu zi shoug" wa shid re" ngoo gi nang ri byumyu" yi da" bidbang ri we' bui" nhang: wa» ga: tid da:.

ESAIA 56:5

re" myeing gi nga" Noku Yhoem: Moo" moo xoem" to" zi shau" wigi nang gi yuggi zoo: myiyi: zoo: yi yo" da" tho' nga" byu yi phung: moo je myang" nyid wa. Nang gi to" myhid pyam zi khanham we' ashau" wa» ga: tid da:.

ESAIA 56:7

«Ngoo gi nanu" ri nga" gyeung" shang: bouggung Ziun khyoo: shu" yhe: wigi nga" akyu" mho' yhoem: moo nanu" ri ngei pyo: khyoo: byid: wa. Houg: lho: nga" phoin: adang moo nanu" ngei" byid: da" xoin" joem ri khab yu byid: wa. Nga" Noku Yhoem: Moo" gi byumyu" dangain" da" akyu" mho' yhoem: ga: myheing loo goo" wa» ga: tid da:.

ESAIA 60:3

Byumyu" yigi re" bidbang shoid khyoo: she: yu zi shau" wa. Houglho: khokham yigi re" bidnyid seig da" moug: boo" zoo" khyoo: re" loo goo" wa.

ESAIA 65:11

«Nghoid loug we' nga" da" gyeung" shang: bouggung Ziun: ri cishu: anhang: bang:- ngoo ri she: pyam' to" lho: zhafa: yo' vhu" pi: lo, kyo' gi nhang: da" Gad yo' Meni yu phara" ri no' bang: nanu" yo' hau: zigi adu wa.

ESAIA 66:20

Nyangnu" gi nanu" da" mang: nhung" dangain" ri nga" shid re" jhungshug khyo" byumyu" yi jang" mo shu" tau" lo boem wa. Israela byumyu" yi Noku Yhoem: Moo" khyoo: thung" khyoo" younglho' da" bain moo shivoo: xoin" joem ri tho' re" boem zi yo' dakhyoo" ti" nyangnu" ri myang: joem loo kung" joem gola-ug joem myang: rheing" joem yo' zi tho' rheing" joem dang moo tho wigi Yerusalem mo nga" gyeung" shang: bouggung khyoo: nyangnu" shu" lo boem goo" wa.

ESAIA 66:23

Lhammoo" xain" pui" nyid" khang" nyid" yo' Dougno: Bidnyid nyid" khang" nyid" byumyu" ja: khang" moo" da" mung" byu yigi he:Yerusalem moo ngoo ri re" noku loo goo" wa» ga: Aseing tid.

YEREMIA 16:19

Aseing we"- nang gi ngoo ri goem loem byid: su: yoem vhoo" byid: su: nghoid. Nang gi ngoo ri yau: khi" shau" da" ayo, gu: moo pang" thoug byid: da:. Byumyu" yigi moug: thang: myid thang: mo zi re" jhang re" wigi hid su" ga: tid loo goo" wa. «Ngoonu" da" phoug" phyid" yigi yu phara" mo jain" wigi ci we' ajo, ce: akyu" abo da" soolhoo: joem mo lid: wigi ci we' ayoo" nghoid ago".

YEREMIA 23:20

Houg: lho: nyang: koid wa ga: soin' to" da" moo" ja: khang" moo" ri nyang: abain koid koid gi atheing: wa. Ju" loo wa ayo, moo nya: byumyu" yigi he: ziri sho' sho' za: se' gyo: loo: goo" wa» ein: tid bye:.

YEREMIA 26:18

«Hezekia Yuda khokham koid nyid uri Moreshed mo lapi: Mikha gi Myhang: thang Aseing tid da" khyoo: ri byumyu" yiri tid kyo". Hau: zigi ‹Ziun gi yoothung" yhang: ti" phug se: pyam zi shoug" wa. Yerusalem gi byo, yoin" jo, boem wa Houg: lho: Noku Yhoem: Moo" gi seig moo" yoo bue" byug wa› ga: tid.

YEREMIA 3:17

Hau: ayo, ju" loo lang" Yerusalem ri ‹Aseing da" zhungtang› ga: myheing loo goo" wa. Houglho byumyu" yigi hau: joyoo moo ngoo ri noku wa zeing: foem: loo goo" wa. Nyangnu" gi nyangnu" da" nheigloem: thain: ziyo' akhyeing" da" nheigloem: wigi tid da" khyoo: ri kha nham' we' acang koid loo goo" wa.

YEREMIA 31:12

Nyangnu" re" wigi Ziun boem tho' moo ngei pyo: jikhoin" khoin" boem wa. Houg: lho: nga" jhungshug joem yoomo gau boem goo" wa. Hau: jhungshug joem gi shivoo- zabyid yhid:- zhainloin: xu: Yang yo' nu: jhungshug joem nghoid da:. Nyangnu" gi gyid goolhoo' za: shoin" da" khyam: yo' du loo goo" wa. Nyangnu" ca" ja: ja: khang" moo" yo" yu loo goo" wa.

YEREMIA 48:47

Nghoid loug we' doem ju" loo wa da" ayo, moo Aseing gi Moba ri doem nyid de: nhang: wa. Aseing tid to" gu: dangain" gi Moba dang moo bue" loo wa.

YEREMIA 49:39

Nghoid loug we' thang: rigi Elam byu yiri doem nyid gi yab gi nhang: wa. Ngoo Aseing tid too" bye:».

YEREMIA 51:44

Ngoo gi Babelon yu phara" Bela ri yooboo dam byid: wa. Nya: da" khau" to" da" zi joem ri to" pyam nhang: wigi byumyu" yi we' nyang: ri ano' loo wa «Babelon vang joem gi byo, gyo" byug bye:.

EZEKIEL 38:16

Nang gi mougmyid moo hau' lid: lo" da" uglid yhang: ti" nga" byumyu" Israela ri khaid zain: loo wa. Hau: ayo, ju" loo lang" ngoo gi byumyu" yiri ngoo hang" nghoid ziri ci: shug byid: wa yo' nang khyo" wigi ngoo koid lo" da" moo" moo nga" gyeung" shang: ziri ci: shug byid: wa shid re" nang ri nga" da" mougmyid khyoo: jhen" vang yhi: nhang: kaid wa.

EZEKIEL 40:2

Yoeb myang daloem: moo: Mangsoo gi ngoo ri Israela mougmyid khyoo: shu" lo" lho: ngoo ri myhang: da" boem daloem moo lo" nyhid: to" da:. Ngoo gi nga" shidkhoin" mo voomoo" yo' du da" yhoem: joem ri shau" myang.

DANIELA 10:14

Ju" loo wa da" ayo, moo re" byumyu" yi ce: noem thung" shau" wa ziri nang ri se' gyo: nhang: wa shid re" ngoo ju" re" zi nghoid. He: zigi ju" lo wa da" ayo, yo' sen da" yoeb myang nghoid» ga: tid da:.

DANIELA 2:28

Nghoid loug we' yau: da" mau" pho" khyoo: joem ri yo" pang shug su: mougkhung: mo Mangsoo dayug koem' nyid da:. Nyang: gi ju" loo wa da" ayo, moo bui" wa ziri aseing: khokham nang ri ci: shug byid: abye:. Nang yhoeb jo, uri mo, da" yhoebmo, yhoeb myang ri akhid" ngoo nang ri tid kyoo" ba.

DANIELA 2:35

Houg: jang: joto'- zhoo" nhau:- gyid: mid"- ngei yo' sheing: joem gyoeb gyo" wigi xung" gung gug nang: jang: mo pheilhoug: yo' dakhyoo" ti" bue" lo ago". Houg: zi dangain" ri lid hau' wigi moid tang" pyam lho: ce: khoo: we' ateing too" khoo' nghoid da:. Nghoid loug we' hau: lugzeing gi gyi: re" lho: mougmyid dangain" ziri nghoeb pyam da" boem bue" lo da:.

DANIELA 2:45

Lug boem daloem gi hang" wigi we' azang" thung" ri pyo, khyam" mo be" gyoo" re" lho: joto'- gyid: mid"- zhoo" nhau:- ngei yo' sheing: wigi koid to" da" soolhoo: ri lo du" zang" ziri nang shau" myang da:. Myhang: thang Mangsoo gi aseing: khokham nang ri ju" loo wa da" ayo, moo bui" wa ziri tid kyo" nyid da:. Ngoo gi nang ri nang mo, da" yhoebmo, ri goolhoo: tid kyoo" bye: lho: hau: da" dang: kang: deingmain" jo, ziri phuid: kyoo" bye:» ga: tid da:.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

ZEKHARIA 14:10

Mougzhung: shoid mo Geba moug: mo wigi mougpyi: shoid Rimon joyoo ju" sho' damung" goin" pa: dam bue" loo wa zi nghoid. Yerusalem gi ayam aqei: moo jo, da" mungdain: dangain" tho' moo je" myhang: da" myid byu jang: bue" loo wa zi nghoid. Hau: da" vang gi Benyamin khoem" duang: mo zi xang: shi" mo vang nghoid da" vang jhoin: mo khoem" duang: moo ju" loo" sho' Hanaela gyipyu zung mo wigi khokham yi da" zabyid pyeig jang: moo ju" sho' gyi: sheung: loo" wa zi nghoid.

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

ZEKHARIA 8:22

Meing: byu myoo" sho' bang: yo' yoem: boo so, bo da" byumyu" yi we' Yerusalem moo: yoem: moo" bo da" Aseing ri coung" pid lo boem lho: agyid asoo: mho' lo boem wa nghoid.

ZEKHARIA 8:3

Ngoo gi nga" younglho' voomoo" khyoo: doem tau" lo lho: houg: moo nyid nyid wa zi nghoid. Hau: voomoo" gi dang: zung" voo yo' yoem: moo" bo Aseing da" bouggung gi gyeung" shang: da" bouggung ga: myheing byid: zi shoug" wa nghoid.

MALAKHI 3:12

Nanu" da" moug: gi yoo" zoo: yoo" shug lho: byu nyid ge da" moug: bue" lo wigi byumyu" acang: joeb bang: gi nanu" ri «Agyid asoo: bo da" ngi: lhoo' bang: ga: myheing lo boem wa» ga: myhang: thang Aseing Mangsoo gi tid nyid.

GYUNG: SOO" 24:14

Balam gi Balag ri «Akhid" ngoo gi nga" byumyu" yi jhang khyoo: doem phang: loo" wa. Nghoid loug we' ngoo aloo" shi" ri hid: thang: ri re" byumyu" yiri Israela bang: wigi khasu" coem' koid pyam wa ga: ziri tid poin" shi" wa» ga: tid.

ACTS 2:17

Mangsoo hid: su" ga: tid- Ngoo gi lo" thang da" bidnyid ri byu yug khang" mo" da" atho' moo-nga" Venyi foid shoin" byid: wa nghoid- nyangnu" da" nya: zoomyi: nu" yi: yo' yug gi nu" yi gi Nga" mungdang: ri kho" kyo" lo boem wa zi nghoid. Nyangnu" da" zoolu: yi gi-yoeb myang gi ri myang goo" wa hau: lho: nyangnu" da" mang: zoo: yi gi-yhoeb, mo, myang goo" wa nghoid.

2 TIMOTHI 3:1

Lo" thang da" bidnyid moo yau: khe" da" ayo, gi ju" loo wa ziri se' nyid we'.

HEBRE 1:2

Nghoid loug we' he: da" lo" thang apyaid' ayo, moo koem gi nya: zo: nhoid mo wigi ngoonu" ri nya: mungdang tid too" byid: bye. Hau: nya: zoo: yo' nyang: jo, moo jo, ri phain" so: too" byid: bye. Lo" thang jang" moo gi mougmyid jo, moo jo, ri vhoeb khang" wa nyang: ri Aseing bui" wa shid re" khyen: nyheung too" bye.

2PETRU 3:3

Hau: da" lo" thang bidnyid joem moo gi nyang: tu: nya: gungshoo" aco' ajhoid da" nheugloem: vho: khyo" cang wigi kangso' dei bang: thu' loo wa ziri dangain" da" shid moo se' too" ge'. Nyangnu" gi nanu" ri juang" yi zoore"- Hau: Aseing: doem ju" ri" wa ga: dangsoo" khoin" byid: to" anghoid goo" la". akhid" nyang: khayoo: lo" lha".

Pang Shug 11:15

Hau: thang: ri nyhed, yug ein: da" moug: lagyoo: gi nya: laboo" ri doem moid kaid' lang" moug: khung: mo thui: zeing myeung thu lo zigi mougmyid' ri vhoeb, khang" da" amyeing" gi ngoonu" da"Aseing: we' Meshia da" lo, khoug: khyoo: vang loo" bye: wigi apyaid' atoo: moo vhoeb khang" nyid wam: bye: o"- ga: tid.

Pang Shug 20:4

Hau: thang: moo zhung: tang joem ri ngoo myang kaid- hau" zhung: tang tho' moo zhoung: jo, mo, gi dang: phyed wa da" amyeing" yem: so' yoo" mo, nghoid nyid boem. Hau" tho' mo gootu: Aseing Yesu da" sagsi: kham, yoomo we' Mangso mungdang: yoomo we' zain: said' zi shau" mo, yo' hau: da" akhyeung" da" goug: nyhoug ri we' nya: da" alhoo: ri we' abo no" mo, yo' nya: da" laxoem" nghab youg ri nyangnu" da" ngeilang: yo' lo, moo abo tab ci: mo, da" soo" byoo joem ri ngoo myang. Nyangnu" gi doem, dei lo boem wigi zain nyid dakhyeing" ju" sho' Khristu yo' dage" vhoeb khang" nyid boem wa zi nghoid.