ESAIA 19:4 - Lacid Common Language Bible

⁴ Ngoo gi Egutu byu yiri nyangnu" ri vhoeb da" akhyeing" su: anoug ashoo" koid da" khokham pho lo, khyoo: ab byid: pyam wa. Ngoo myhang: thang Aseing tid too" bye:» ga: zi nghoid.

ESAIA 19:4 ပူးပေါင်းရင်းမြစ်များ

COUNG" NGHEI 31:8

Nang gi ngoo ri gyivoo joem da" lo, khoug: moo: avang loo" nhang:. Ngoo ri yhi: nau da" joyoo moo khyang: khyang: yo" so" yen" nhang:.

ESAIA 19:2

Aseing tid zigi «Ngoo gi Egutu mung" khoug: moo gyipui" lhu: zhuang" to' kaid wigi nya: mang: nya: nhung" nyang: cang" thougtheung gyi koid lho: yhoem: kyoo" cang" nyang: cang" thougtheung gyi bui" nhang: wa. Shi' go" nyid da" voomoo" joem ri nyang: cang" gyi zain: nhang: wigi shi' go" nyid da" khokham yigi yoem: so' shid re" yoem: kaid ri" goo" wa.

ESAIA 20:3

Ashdod ri myheig loo" shoug" lang" Aseing gi nga" dei zoo: Esaia gi shoocen: doem- khyid: cen: so" lheing yen" zi soem" zain nghoid bye:. He: zigi Egutu yo' Etiopi bue" loo wa avoid asoo" nghoid.

ESAIA 20:4

Asuri khosen gi he: mungdain: eig loem mo nyang: myheug yu da" thung: byu yiri shoocen: doem shu" lo" byug wa. Nge zoo gyi: zoo: nyangnu" gi cug pung: di: di: shoocen: doem khyid: cen: khyoo: so" loo goo" wa. Egutu ri sho' phu" nhang: wa.

YEREMIA 46:26

Nyangnu" ri said pyam nau nyid bang: yo' Babelon khokham Nebukhadneza yo' nya: da" gyidab lo, khyoo: ngoo ab byid: wa. Nghoid loug we' thang: rigi nyangnu" lid lo da" ayo, moo yo' dakhyoo" ti" byu yigi Egutu moo doem nyid loo goo" wa. Ngoo Aseing tid too" bye:.

EZEKIEL 29:19

Houg: yoomo akhid" he: zigi ngoo yoem: moo" bo Aseing tid nyid zi nghoid. Ngoo gi khokham Nebukhadneza ri Egutu mung" byid: pyam wa. Nyang: gi Egutu mo jonu" dangain" ri lanyhoeb khyo" lhoid yu lo" lho: nya: da" gyidab ri moo" voin aphoug" khyo" byid: pyam wa.

EZEKIEL 30:12

Ngoo gi Nila gyid lang ri kain" kyug loo" nhang: wigi Egutu ri akhyeing" bang: da" yoem: so' lo, khoug: moo to" too" wa. Tungbau byu yigi hau: damung" goin" ziri phyo' shoin' pyam loo goo" wa. Ngoo Aseing tid too" bye:.

NAHUM 3:10

Akhid" koem' gi Thebe mung" byu yigi goo" moug: khyoo: pyoung" lo" zi shau" ago". Khyoo: kang" khang" moo" moo nyangnu" da" zooshang: yigi baid said to" zi shau" boem bye:. Nyangnu" da" vhu" she: ludaid yigi jangcoo" wigi tei" she: lo" zi shoug" lho: nyangnu" ri re" tei" shi: mo, gi gam go" lo boem bye:.

1 SAMUELA 23:7

Kila voogung khyoo: David yhe: loo" bye: ga: khyoo: ri Sholu ri tid kyoo" lang" nyang: gi «Vang khyam: kyam' to" lho: khoem" duang: myoo: sho' jo, da" voogung khyoo: yhe: vang lung" to" lho: nya: shid re" lhid nyang: thoung yu zigi Mangsoo nyang: ri nga" lo, khyoo: ab byid: da" zi nghoid» ga: tid da:.