ESAIA 18:3 - Lacid Common Language Bible

³ Mougmyid tho' moo nyid da" yugkhang" moo" we" tam" gyoo: ge'. Boem gung joem adang moo to" to" da" asoo" dungkhoin: ri yu" we'. Laboo" moid thui: ri tam" gyoo: ge'.

ESAIA 18:3 ပူးပေါင်းရင်းမြစ်များ

COUNG" NGHEI 50:1

Gyi: myhang: da" Mangsoo tid zigi bid thu' mo bidvang ju" sho' mougmyid gyab, goin" ri nyang: khe: nyid.

ESAIA 1:2

Aseing gi «Mougkhung: yo myidjang we"- ngoo tid nyid ziri tam" gyoo: we'. Ngo wigi khu: gyi: kaid da" zooshang: yigi ngoo ri thougtheung gyi koid ago".

ESAIA 11:12

Aseing gi nyid byo: sain" jo, da" Israela yo' Yuda byumyu" yiri dalheing: doem zheing" yu nyid khyoo: ri byumyu" yiri ci: shug byid: wa shid re" aved asoo" dung khoin: ri tu: to' loo wa. Houg: lho: mougmyid myonhoo: myid: shoid goin" mo nyangnu" ri doem shu" tau" yu loo goo" wa.

ESAIA 13:2

Pyoid pyoid da" bouggung tho moo meing: zain pui dung khoin: ri tu: shab too" ge'. Nghoid boin: da" voomoo" khoem" moo" duang: joem ri khaid zain: wa nyangnu" ri aved byid: da" khyo" gyizoo: yiri zeig nyhoo: nhang: lho: nanu" lo, ri tu: too" ge'.

ESAIA 13:4

Boem joem atho' mo mung" byu phung: mo" da" thui:- byumyu" yo' mungdain: joem zeing: foem: nyid da" thui: ri tam" gyoo: ge'. Aseing da" gyidab joem gi gyi khaid pui" shid re" nya: gyiphung: ri soin' nyid da:.

ESAIA 26:11

Nang wigi nyangnu" ri yooboo dam byid: wa ziri re" gyivoo yi asi nghoid ago". Aseing we"- nyangnu" ri sho' phu" nhang: wigi kyi" khyeug kham zoo: nhang: we' nang soin' to" da" yooboo dam nyangnu" ri kyi" khyeug kham zoo: nhang: wa. Re" byumyu" yiri nang khayhi' jheddab ziri nyangnu" ri ci: shug byid: we'.

ESAIA 31:9

Nyangnu" da" khosen gi gyoug wigi tang" phang: loo" goo" wa. Gyizoug: yigi sung gyoug boem yoomo nyangnu" gyikhaid dungkhoin: joem ri she: pyam too" kho' loo goo" wa» ga: tid. Yerusalem mo coung" nghei shau" da" Aseing yo' xoin" shid re" myi: nghe' too" su: Aseing tid too" bye:.

ESAIA 49:22

Gyi: sheung: thang Aseing gi nya: byumyu" yiri «Ngoo gi byumyu" yiri avoid asoo" byid: kaid wigi nyangnu" gi re" zooshang: yiri yhoem: khyoo: shu" lo loogoo" wa.

ESAIA 5:26

Aseing gi vi: moo nyid boem da" byumyu" yiri khi: wa avoid byid: da:. Mougmyid thang sho' mo ri" goo" wa shid re" nyangnu" ri lo, moo" moid wigi khe: koid da:. Nyangnu" gi myab za: ju" re" ago".

ESAIA 7:18

Hau: ayo, ju" loo lang" Aseing gi Egutu byu yiri ve: thang da" Nila gyid lang gyid ko' joem mo yangkhung" joem yo' dayhang: ti" ju" ri" goo" wa ziyo' Asuri byu yi we' nyangnu" mung" mo byoo: joem yo' dayhang: ti" ju" ri" wa shid re" lo, moo" moid kaid da:.

YEREMIA 22:29

O"- mougmyid- mougmyid- mougmyid- Aseing tid to" ziri tam" gyoo: we'

YEREMIA 51:27

«Gyi khaid wa avoid asoo" byid: ge'. Byumyu" yi shoug" gyoo: wa shid re" laboo" ri moid ge'. Babelon ri gyi koid wa shid re" byumyu" yiri nyheing soin' ge'. Ararad- Minni yo' Ahkeneza mungdain: khokham yiri gyi khaid zain: wa tid ge'. Gyi zain: jang" moo vhu" shi: wa gyizoug: dayug ri khyen: soin' too" ge'. Jhenkhyeug joem yhang: ti" myang: joem ri she: loo ge'.

MIKHA 1:2

Byumyu" bain sho' mo, we"- he: dang: ri gyo: yu" ge'. Mougmyid tho' moo nyid bang: dangain" mo, we"- he: ziri tam" gyoo: we'. Yoem: moo" bo thang da" Aseing gi nanu" ri thougtheung sagse: kham loo wa tam" gyoo: ge'- nyang: gi mougkhung: yhoem: moo" mo tid kaid.

MIKHA 6:2

Boem joem yo' apyaid atoo: geung: teing jo, da" mougmyid apoem: ayang: joem we' Aseing da" moo" ri tam" gyoo: we'. Aseing gi nya: byumyu" yiri yooboo foin: lho: tid nyid da:. Nyang: gi Israela ri yooboo foin: zi nghoid bye:.

MIKHA 6:9

Aseing ri gyoug phau" zigi phajhi" da" apoem: nyang: nghoid. Nyang: voomoo" ri tid zigi «Voomoo" khoug: moo zheung: foem nyid da" mung" byu yi tam" gyoo: ge'.

ZEKHARIA 9:14

Hau: uri Aseing gi nya: byumyu" tho' moo thu shug wa zi nghoid. Nya: myoo: kaid joem gi lhab' myheug yhang: ti" thu loo" khari" wa Aseing Mangsoo gi laboo" moid kaid wigi mougpyi: uglid zoo" yo' dage" gyi jen" jen" do, to' loo wa zi nghoid.

MATHE 13:16

«Nghoidloug we' nanu" gi myo, myang ziyo' nu: gyo: loo yoomo ngilho' boem bye.

MATHE 13:9

«Nukhyab dab, mo, dangain" gi tam" gyoo: ge"» ga: Yesu tid.