ESAIA 17:9 - Lacid Common Language Bible

⁹ Hau: bidnyid ju" loo lang" nyeing" za: goem loem to" da" voomoo" joem gi jham" coug: youg bue" lo" byug wigi Israela byu yi mo nyangnu" phang: lo" boem uri Hivi byu yi yo' Amori byu yi wigi she: pyam too" kho' boem da" voomoo" joem yhang: ti" byo, yoin" jo, wa.

ESAIA 17:9 ပူးပေါင်းရင်းမြစ်များ

ESAIA 17:10

Israela we"- nang ri khyoid yu su: yo' geing: teing da" lugboem moo" yo' dayhang: ti" nang ri goem loem byid: su: Mangsoo ri nang to" myhed pyam abye:. Hau: gungthid tungbau yu phara" joem ri no' wa shid re" gyeung" shang: da" bain: khyam: joem ri nang sho" da:.

ESAIA 17:8

Nyangnu" nya: lo, wigi koid to" da" phoin: joem ri nyangnu" anghi: loo wa. Nyangnu" lo, wigi koid to" da" yu phara" myhi' Ashera da" soolhoo: joem yo' shoem nam pyo: ja: nghe' ngei" da" phoin: joem ri aloem akhoug: loo: nghoid ago".

ESAIA 27:10

Gyidab voomoo" gi byo, jo abye:. Hau: zigi dain" pyoid yoo yo' dakhyoo" jham" coug: youg bue" jo, abye:. Hau: zigi nu: joem mhain" zoo: jang: bue" lo lho: nyangnu" hau: joyoo moo: mhain" lham" zo: wigi dougno: nyid ago".

HOSEA 10:14

Meing: zain: pui: gi re" byu yi jhang ju" re" lho: nanu" gyidab vang dangain" re" phyo' shoin' pyam zi shau" loo wa. Hau: zigi Shalman khokham wigi Bethebela voomoo" ri gyi khaid lho: phyo' shoin' pyam ziyo' myhi' zeing yiri yo' nyangnu" da" zooshang: yiri khyoeb moin' said pyam da" bidnyid yo' dayhang: ti" nghoid loo wa.

AMO 7:9

Isag nya: myid: nya: zoo: yi da" noku joyoo joem gi phyo' shoin' pyam wa zi nghoid. Israela mung" mo gyeung" shang: da" joyoo gi byo, yoin" joyoo moo she: pyam too" shoug" wa. Khokham Yeroboam khoo" ri amyoug: thang nhang: wa» ga: tid.

MIKHA 5:11

Ngoo gi nanu" da" mougmyid mo voomoo" joem ri phyo' shoin' pyam lho: nanu" da" khoug: goo zung: joem dangain" ri we' doin: lheung: pyam byid: wa.

MIKHA 6:16

Nanu" gi Omri khokham yo' nya: zoo: Ahab khokham da" akhyeing" ashoeb da" moo" zoo" moo bo cang yoomo hid: su" bue" loo" goo" wa. Nanu" gi nya: phatang: da" akhyoo" joem moo xo' koid nyid boem yoomo ngoo gi nanu" ri byo, yoin" nhang: lho: yugkhang" moo" gi nanu" ri aphoug" akhyoid koid lo boem wa nghoid. Khyi' khang" moo" mo byu joem gi nanu" ri anoug akhyoid zoem" khau: lo boem wa nghoid.

MIKHA 7:13

Nghoid loug we' mougmyid gi hau: moo: nyid da" byu yi da" akhyeing" ashoeb moo" zoo" yoomo midcoo: boem" dain" pyoid yoo bue" loo" goo" wa nghoid.