ESAIA 16:3 - Lacid Common Language Bible

³ Nyangnu" gi Yuda byu yiri «Khasu" koid wa ziri ngoonu" ri tid we'. Nyid" gung bid lung yo, moo jham" da" bid shoem yoeb byid: da" seiggam yo' dayhang: ti" ngoonu" ri goo byid: goola. Nanu" da" bid shoem: yoeb mo ngoonu" ri dougnoo: nhang: goola. Ngoonu" gi gyi phang: phang: mo, nghoid. Ngoonu" ri hang" ashau" myang wa da" joyoo moo nyhoem" too" goola.

ESAIA 16:3 ပူးပေါင်းရင်းမြစ်များ

1 KHOKHAM 18:4

Yezebela gi Aseing da" lapi: yiri said lo uri Obadia gi nyangnu" mo dashoo: yug ri wim xi: xi: khyo" eig phung: khyo" wigi lug khyung: joem cang gau" shoung: to" lho: nyangnu" ri zoo: noem yo' gyid ri pang" thoug byid: bye:.)

ESAIA 1:17

Jo zi koid wa zhang: yu we'. Tarha" deingmain" ziri cang ge'. Doin: zeig zoo: shoug" bang: ri pang" thoug byid: we'. Coug" zoo: yiri nyangnu" yo" yu eung: da" akhang" ri byid: we'. Coug moo" yiri goem loem byid: ge'» ga: tid.

ESAIA 25:4

Myung bang: yo' asho" ajhen: bang: gi re" jhang phang: re" abye:. Yau: khi" shau" da" ayo, moo goem loem zi shau" abye: go". Uglid ri phang: khoug: wa shid re" joyoo nyangnu" ri nang byid: abye:. Nge" lung jang" mo khoug: wa shid re" bid shoem: byid: bye:. Anau akhyoid koid da" byu yigi ngam" yo, mo uglid yo' dayhang: ti'

ESAIA 32:2

Nyangnu" mo yugkhang" moo" gi lid mo khau: nghi: wa joyoo- Uglid mo phang: goug" wa joyoo yo' dayhang: ti" nghoid loo wa. Nyangnu" gi dain" pyoid yoo moo yau da" gyid zoo: gyung: yo' dakhyo"- moug: kyug myid kyug moo jo, da" lug moo" da" bid shoem: yoeb yo' dakhyoo" ti" nghoid nyid da:.

ESAIA 56:8

Nya: byumyu" yiri pyoung" she: lo" jang" mo yhoem: khyoo: shu" loo su: Myhang: thang Aseing gi houg: bang: yo' xo' tei" wa shid re" nyang: gi byumyu" gootu: ri we' shu" loo wa» ga: da" khyoo: ri dangsoo" byid: to" da:.

ESAIA 58:7

Zoo yoid bang: yo' nanu" da" zoo: noem gam zo:- yhoem: ayoo" myung shoo" bang: ri nanu" yhoem: khoem" phang byid:- byimi ci: avoid bang: ri byimi gam byid:- nanu" nya: bidnoem seing" cang" yiri pang" thoug byid: da" khyoo: ri ahe: pyam' zi nghoid da:.

ESAIA 9:6

Ngoonu" shid re" zooshang: khu: byid: abye:. Ngoonu" ri yuggi zoo: byid: to" abye:. Houg: lho: nyang: gi ngoonu" da" vhoebkhang" yug nghoid loo wa. Nyang: ri «Mau" pho" phajhi" byid: yug» «Myhang: thang Mangsoo» «Apyaid atoo: mo phoo» «Ngei pyoo: yug yo da" khokham nu"» ga: myheing loo goo" wa.

YEREMIA 22:3

Hau: zigi «Ngoo Aseing gi deingmain" ziyo' jo ziri koid wa shid re" nanu" ri amyeing" byid:. Mhau' fain" zi shau" da" su ri nyang: ri mhau' fain" su: da" lo, mo goem loem byid: we'. Tungbau byu yi coug" zoo: yi cougmoo" yiri age zi akoid goo"- azeig zoo: goo"- he: gyeung" shang: joyoo moo ce: yooboo ayo" da" bang: ri asaid pyam go".

DANIELA 4:27

Houg: yoomo aseing: khokham we"- nga" phajhi" byid: dang: ri cang we' yooboo koid ziri theing: pyam we'. Jo ziri koid wigi sho" jhen: bang: ri nheig khyeug we' houg: lang" nang xo' lho: yoo" zoo: shug loo wa» ga: tid.

ZEKHARIA 7:9

Yoem: moo" bo da" Aseing tid zigi «Nanu" gi deingmain" da" tarha" dang: kho' lho: yugkhang" moo" nya: mang: nya: nhung" ri nheig khyeug go" wigi hau: nheig khyeug nheigloem: toin" shed go" nyid we'.

MATHE 25:35

Khasu" wim gari Nanu" gi ngoo zooyoid da" uri zoo: noem byid: zho. Gyid shid da" uri shug gyid byid: jhoug ago". Ngoo being" voo bue" yen" uri nanu" yhoem: moo being" ded" boem ago".

HEBRE 13:2

Nanu" da" yhoem: mo being" voo ri lhoem: kham: yu lho: byid: zhoo" byid: jhug wa ziri ato" myid' goo". Houg: su" byid: zhoo" byid: jhug mo, gi aboin: aso" zi moug: lagyoo: yi ri shau" doo" zho" kaid boem bye.

TARHA" AGYI 9:15

Houg: yoomo hau: zukyen: gam gi «Nanu" ngoo ri nanu" khokham gyeing" nyang: koid nhang: nau go" nghoid rigi nga" bid shoem: ri re" khoug: nyid ge'. Nanu" hougsu" akoid nghoid rigi nga" zukyen: gam joem mo myi: thu re" wigi Lebanon boem mo shamu gam joem nge" pyam goo" wa» ga: tu" da:.