ESAIA 15:9 - Lacid Common Language Bible

⁹ Dibon voogung mo gyid gyung: gi suid" wigi ne jo, da:. Mangsoo gi houg moo nyid boem da" bang: shid re" je xo: zi daja: lang" yo" ashi". Nghoid- Moba moo: nyid deing da" bang: yugkhang" moo" ri houg moo suid" ni gi phyi said pyam goo" wa.

ESAIA 15:9 ပူးပေါင်းရင်းမြစ်များ

2 KHOKHAM 17:25

Nyangnu" houg moo xang: shi" yhe: de: nyid boem uri nyangnu" gi Aseing ri anoku nghoid ago". Houg: yoomo nyang: gi khang: khyi joem ri nhang: kaid wigi nyangnu" dayham" ri ngaid said pyam da:.

ESAIA 15:8

Moba mougkyoo" khyi' khang" moo" moo nyho: ngau nyid thui: ri shau" gyo: da:. Hau: zigi Eglaim yo' Berilim voogung mo shau" gyo: da:.

YEREMIA 15:3

Nyangnu" moo: gyugdain pho" zi 4 ja: bui" loo wa ein: ngoo Aseing myid phyed too" bye:. Nyangnu" gi meing: zain: pa: moo: said pyam zi shau" loo goo" wa. Nyangnu" da" manggung joem gi lakhuid" joem wigi she: khyoid lo" zi shau" wa. Hau joem ri ngho' joem wigi zo: pyam byid: wa. Zo: teing to" gu: ri gougnyhoug lam" joem wigi coem' lhoid zo: pyam loo goo" wa.

YEREMIA 50:17

Aseing tid zigi «Israela byu yigi khangkhyi joem wigi khaid sain" kaid shau" da" yang joem yhang: ti" nghoid da:. Xang: shi" moo nyangnu" ri Asuri khosen wigi khaid zain: zi shau" ago". Houg: lho: Babelon khokham Nebukhadneza gi nyangnu" shooyoug: ri khe" loo bye:.

XOIN" NGEI" 26:18

Hid su" bue" thang: rilang" nanu" nga" dang: ri atam" gyo: nghoid rigi ngoo gi nanu" da" yooboo dam ri nyhed zhang lung: loo nhang: wa.

XOIN" NGEI" 26:24

Ngoo gi nanu" ri gyi koid lho: xang: shi" tho' je lid: da" yooboo dam ri nanu" atho' moo: nyhed zhang doem lung: byid: wa.

XOIN" NGEI" 26:28

Ngoo nheigloem: yoin ziyo' nanu" jang" khyoo: phug lo lho: xang: shi" tho' je xo: da" yooboo dam ri nyhed zhang doem xo' byid: wa zi nghoid.

AMO 5:19

Hau: bidnyid gi nanu" shid re" khangkhyi ri gyoug phang: loo" su: gi voem yo' thoung" shoug" go" ziyo' dakhyoo" ti" nghoid wa. Hougsu" anghoid lang" yhoem: khyoo: phang: loo" su: gi xiyam moo lo, yhe: zei: kaid ri lhangmyu lhoem: thei" zi shoug" su: yo' dakhyoo" ti" bui" wa nghoid.

GYUNG: SOO" 21:30

Nghoid loug we' akhid" koem' gi nyangnu" da" amyed ashen yiri phyo' shoin pyam bye:. Heshbon mo Dibon ju" sho' Nashim mo Medeba nam mo Napha ju" sho' said toem" pyam zi shoug" ago"» ga: khoin" da:.