ESAIA 15:3 - Lacid Common Language Bible

³ Fu" moo" khyoo: moo nyid bang: gi jid moo" byimi joem void ago". Voomoo" khoug: byu phung: jang: moo yo' yhoemkhung: tho' mo byu yigi koug ngau ago".

ESAIA 15:3 ပူးပေါင်းရင်းမြစ်များ

2 SAMUELA 3:31

Hau: thang: David gi Yoab yo' nya: byu yiri nyangnu" da" byimi lang: ceig wigi jid: moo" byisheing: void lho: Abna shid re" nheig koug nheig ngi wa khyoo: ri koid wa shid re" amyeing" byid: to" da:. Hau: mang yhe: myhoeb uri khokham David nyang: we' gung: thang: moo cang so" re" da:.

2 KHOKHAM 6:30

He: ziri shoug" gyoo: lang" khokham phoo gi gyoug dain ziyo' nya: byimi ri lang: ceig pyam da:. Vang" khyam: nam moo tab za: nyid bang: gi nya: byimi akhoug: moo: jid: moo" byimi void ci: ziri shau" myang ago".

ESAIA 15:2

Phoin: yhoem: ri shoem" wa shid re" Dibon byu yigi bouggung khyoo: do, yhe: ago". Moba byu yigi Nebo yo' Medeba voomoo" joem shid re koug ngau nyid ago". Nyangnu" vhuloem yo' nhoid mei: joem ri koug wigi yug pyam ago".

ESAIA 22:1

He: zigi yoeb myang janggyoin: yo' sen: da" mungdang: nghoid da:. Cibue" nyid la". Voo byu yi dangain" bang: gi yhoemkhung: tho' joem moo pui" ciwim koid nyid go" la".

ESAIA 22:4

Akhid" ngoo ri shid: byug boem bye: da" nga" byu dangain" mo, shid re" nheig khoo" sho' ngoug wa nyhid: teing too" khoo' la. Ngoo ri nheig teing wa asoin goo".

ESAIA 3:24

Shoem nam pyo: xu: da" gungthid boeb shoem:- phyid" cu" gungthid tei" shoem' phyid" cu" cu" loo goo" wa. Yung" da" xam: gungthid nyangnu" vhu" pyoid nghoid loo goo" wa. Reung: da" byimi gungthid nyangnu" byi: jeig mi jeig void loo goo" wa. Nyangnu" da" yung" zigi asho' ashid: bue" byug wa.

YEREMIA 19:13

Yerusalem mo yhoem: joem Yuda khokham yi da" yhoem: joem yhoemkhung: tho' moo kyi: ri shoem: nam pyo: ja: nghe' ngei" byid yu" ziyo' gootu: yu phara" joem ri xoin" khyo" zabyid yhid: foid shoin" yu" da" yhoem: joem dangain"- gyeing" nyang: hau: joem dangain" gi Tophed yhi' ayung" alho' bue" loo goo" wa ga: ziri nyangnu" ri tid kyoo" wa ga» ngoo ri tid da:.

YEREMIA 48:37

Nyangnu" dangain" bang: gi nyangnu" vhuloem ri ko' pyam lho nyangnu" nhoid mei: joem ri yug pyam ago". Nyangnu" dangain" bang: nyangnu" lo, joem moo dam khoo: yham" ceig ci: wigi yugkhang" moo" gi jid: moo" byimi void ago".

NGOUG JI: 2:10

Yerusalem mo phoug" mang: yigi myid keing: doem: moo sam: zoo: zhung: jo, boem. Nyangnu" gi nyang: nya: vhuloem tho' moo: pheilhoug: geug shoin" ci: lho: nyangnu" gung moo gi: jid: moo" byimi ri yeug ci: ago". Zoomyi: nu" yigi nyangnu" da" vhuloem ri myidjang khyoo: goeb, goem" ci: ago".

EZEKIEL 7:18

Nyangnu" gi jid: moo" byimi void lho: da gung goin" nain" loo goo" wa. Nyangnu" da" vhuloem joem ri dung: pyam lho: nyangnu" dangain" gi ngi: yoem" zi shoug" loo goo" wa.

AMO 8:10

Ngoo gi nanu" da" pyoo: pui" joem ri shid: pui" bue" byug nhang: lho: nanu" da" jihkoin" thui: joem ri we' koug ngoug thui: joem bue" lo" byug nhang: wa. Ngoo gi nanu" da" vhuloem joem ri vhu" pyoid pyoid pyam nhang: wa wigi jid: moo" byimi ri void ci: nhang: wa zi nghoid. Hougsu" nanu" gi yug gi nu" zooti" zoo: shid: yoomo koug ngoug nyid da" myhi' phoo tang: yhang: ti" bui" loo" nhang: wa. Hau: bidnyid gi lo" thang moo ju" sho' youg: khe" nyid wa zi nghoid.

MATHE 11:21

«O" Kurazin we"- nang gi joem loo" wa O" Besaida we" nang joem: loo" wa. Khasu" wim ga ri re" eig yug ri toin" shid' da" moozoo" zeing joem ri Turu yo" Sidun eig voo moo toin" shid' nghoid rigi jid: moo" byi: ri gang" ci: lho: nheigloem: bain thid zi gye" myang wam: bye.

TARHA" TID POIN" 22:8

«Nang yhoem: seig zhug uri yhoemkhung: dang gainbyam: lheing khab moo akhoem' lo, zei: tab wa shid re" boin: we'. Houg: lang" byu dayug yug byed gyo" shid: da" yooboo nang moo ajo, wa.

YAKU 5:1

Yoo" mo, di mo, we' nga" da" thui: ri tam" gyoo: ge'. nanu" gi nanu" nyang: moo ju" lo nyid da" sho" jhen kyi" khyeug wa khyoo: yoomo jha" yoid ngau nyid loo: ge

1 SAMUELA 5:12

Ashid: shi" bang: we' shoo" pu' shoo" cab bue" byeing myug boem wigi nyangnu" gi bo pang" wa shid re" nyangnu" da" yu phara" ri yoid ngau nyid boem.