ESAIA 15:1 - Lacid Common Language Bible

¹ He: zigi Moba shid re" mungdang: nghoid. Ara yo' Kira voomoo" joem gi damyen ri za: phyo' shoin' pyam zi shoug" ago". Houg: lho: Moba mung" gi jham" coug: youg bue" byug da:.

ESAIA 15:1 ပူးပေါင်းရင်းမြစ်များ

2 KHOKHAM 3:25

Houg: lho: nyangnu" voomoo" joem ri phyo' shoin' pyam ago". Nyangnu" gi hau: moug: nu" myidnu" da" yoothung" dain" khyoo: lid: lo" nyid boem uri Israela yugkhang" moo" gi hau: yoothung" joem dangain" moo lug boem byeung" sho' du" zei ago". Nyangnu" gi gyid thung" joem ri we' jhid pyam wigi shigam ri we' thug lheing: pyam ago". Lo" thang moo voomoo" Kira Heresa za: dadeing lo: da:. Lug lhei" pyi' lhei" bang: gi hau: ziri vang: to" wigi khaid zain: ago".

ESAIA 11:14

Nyangnu" dage" bidvang shoid mo Philisti byu yiri gyi zain: lho: bidthu shoid moo nyid boem da" bang: ri phyo' zo: loo goo" wa. Nyangnu" gi Edom- Moba byumyu" yiri oung: pyam lho: Amon byu yigi nyangnu" da" dang: tam" gyo: loo goo" wa.

ESAIA 13:1

He: zigi Amoz da" yuggi zoo: Esaia gi Mangso jang" mo kham: yu da" Babelon yo' sen: da" mungdang: nghoid da:.

ESAIA 14:28

He: mungdang: gi khokham Ahaza shid: da" zain moo tid fu" da" mungdang: nghoid da:.

ESAIA 16:11

Ngoo gi Moba shid re" nheig koug ziyo Kira Heresa shid re" koug ngau ziyo noo kyeing" kyeing" da:.

ESAIA 16:6

Yuda byumyu" yigi «Moba byumyu" yi khayhi' nghoid boin: boem da" thui: ri ngoonu" shoug" gyoo bye:. Nyangnu" nghoid boin: lho: phau: mo, nghoid boem ziri ngoonu" se' da:. Nghoid loug we' nyangnu" phau: zigi akoem: nghoid ago"» ga: tid ago".

ESAIA 16:7

Nyangnu" yau: khe" kyi" khyeug yoomo Moba byumyu" yi ngau loo goo" wa. Kira Heresa voomoo" moo nyangnu" lhoung zo: boem da" zoo: noem gi ri myid boin: lang" nyangnu" dangain" ngau loo goo" wa. Nyangnu" nheigloem: thang byug loo goo" wa.

ESAIA 25:10

Aseing gi Ziun boem ri goem loem byid: loo wa. Nghoid loug we' Moba byu yigi nu: khyid" moo khoofoo: ri nang nhe" pyam ziyo' dayhang: ti" nang: nhe" pyam zi shau" boem wa.

ESAIA 25:12

Nyang: gi Moba da" gyidab voomoo" joem ri houg joem da" myhang: da" vang joem yo' dage" phyo' shoin' pyam wigi hau: joem ri pheilhoug: boem" khyoo: leung gyoo" loo" nhang: wa.

GYUNG: SOO" 21:28

Shid phyang" dalheing: he: Heshbon voomoo" mo Sihon da" gyizoo: yi myi: yhang: ti" to' yhe: lo" ago". Hau: gyidab gi Moba mung" mo Ara voomoo" ri phyo' pyam lho: Arnon gyid moin mo bau gung joem ri myhau: pyam bye:.

TARHA" TID POIN" 2:18

‹Akhid" nyid" nanu" gi Ara khyoo: khyo" wigi Moba moug: khyoo: lid phyed yhi: goo" wa zi nghoid.

TARHA" TID POIN" 2:19

Houg: lang" nanu" gi Lod da" amyed ashen yi nghoid da" Amon byu yi da" moug: yam khyoo: tab yhe: goo" wa zi nghoid. Nyangnu" ri yau: khi" abyid: goo" gyi azain: goo". Ciwim gari ngo wigi nyangnu" ri byid: to" da" mougmyid mo dajhi' ri we' nanu" ri abyid: wa›» ga: tid da:. (

TARHA" TID POIN" 2:9

Aseing gi ngoo ri ‹Lod da" amyed ashen yi nghoid da" Moba byu yiri yau: khi" abyid: goo". Nyangnu" yo' we' gyi akhaid goo". Ngoo gi nyangnu" ri Ara voomoo" ri byid: too" bye: wigi ngoo gi nyangnu" mougmyid mo dajhi' we' nanu" ri abyid: wa›» ga: tid da:. (