ESAIA 14:3 - Lacid Common Language Bible

³ Aseing gi Israela byumyu" yiri nyangnu" da" khe" no jang" mo we' kyi" khyeug khyoo: yo' nyangnu" ri doin: zeig lho: moo" zei nhang: jang" mo yo loo" nhang: wa.

ESAIA 14:3 ပူးပေါင်းရင်းမြစ်များ

ESAIA 11:10

David khokham kung mo khokham aseig gi byumyu" yi da" asoo" bui" wa ayo, ju" re" nyid bye:. Nyangnu" gi nya: khokham voomoo" moo zeing: foem: nyid wigi nyang: ri ngi: shab byid: loo goo" wa.

ESAIA 12:1

Meing: byu yigi coung" nghei jikhoin" khoin" da" ayo, ju" loo wa. Hau: zigi Aseing we" ngoo gi nang ri coung"- nang gi ngoo ri nheig yo da:. Nghoid loug we' akhid" nang ngoo ri nheig teing byid: wigi nheig ayoo: loo: nghoid da:.

ESAIA 32:18

Mangso byu yigi myid myo: zi ajo, wa. Nyangnu" da" yhoem: ikoin deungkhu: joem gi ngei pyo: ziyo' goem loem jo, wa.

ESAIA 40:2

Yerusalem byu yiri yoem: byid: we'. Nyangnu" kyi" khyeug kham zo: zigi gi" bye:. nyangnu" yooboo joem ri khyoid pyam byid: we'. Ngoo gi nyangnu" da" yooboo dangain" shid re" yooboo dam byeung" sho' nyangnu" ri byid: bye:» ga: tid da:.

YEREMIA 17:4

Nang gi ngo wigi byid: to" da" mungdain: ri asoem" byid: pyam ca" loo wa. Ngoo gi nang ci: ase' da" mungdain: mo re" gyivoo yiri dei byid: nhang: wa. Ciwim gari nga" nheig yo: zigi myi: yhang: ti" nghoid wigi hau: zigi apyaid atoo: moo nge" nyid wa» ga: tid da:.

YEREMIA 30:10

Nga" byumyu" yi we"- agyug goo"- Israela byumyu" yi we"- agyug goo"- adain goo". Ngoo gi nanu" ri hau: ve: da" mungdain: mo nanu" thung: byu bue" nyid boem da" mungdain: mo nanu" ri khyoid yu wa. Nanu" yhoem: khyoo: tau" lo wigi ngei pyoo: yug yoo tung" shoug" nyid loo goo" wa. Nanu" goem loem khyoo: shoug" yu wigi hang" dayug we' nanu" ri kyug nhain' wa zi anghoid.

YEREMIA 30:8

Myhang: thang Aseing tid zigi «Hau: bidnyid ju" loo lang" nyangnu" leung zeung: mo voin ci: da" kyoug: ri baid khyau" pyam lho: nyangnu" da" jangcoo" joem ri yu pyam byid: wa. Houg: lho: nyangnu" gi tungbau byu yi da" join yi anghoid loogoo" wa.

YEREMIA 50:34

Nghoid loug we' nyangnu" ri khyoid yu wa su: gi yoem: bo da:. Nya: myeing gi myhang: thang Aseing nghoid da:. Nyang: nyang: gi nyangnu" moo" ri yoovoin yu lho: mougmyid khyoo: ngei pyo: yug yo khyoo: ci: ri" byid: wa. Nghoid loug we' Babelon byu yiri gi yau: khi" shoug" lo boem goo" wa» ga: tid da:.

EZEKIEL 28:24

Aseing tid zigi «Israela byumyu" yiri yu" juang" nyid da" aqei: ayam mo byumyu" kha: ja: we' Israela ri dam tab da" zu: kyin: yoo zugam joem yhang: ti" khanham we' adoem bui" loo goo" wa. Houg: lho: nyangnu" gi ngoo yoem: moo" bo Aseing nghoid ziri se' loo goo" wa» ga: tid.

ZEKHARIA 8:2

Ngoo gi Yerusalem mo byumyu" yiri gye" jheddab yoomo nyangnu" ri pang" thoug nyid wigi nyangnu" da" gyivoo yiri gye" nheig yoo: noug bye:.

ZEKHARIA 8:8

Ngoo gi nyangnu" ri Yerusalem moo nyid nhang: wa shid re" bid thu bidvang khyo" wigi doem shu" tau" loo wa nghoid. Nyangnu" gi nga" byu yi bue" loo wa wigi ngoo we' nyangnu" ri deungmain" nyeung veung" ngheig loem: khyo" - vhoebkhang" nyid wa da" Mangsoo bue" loo wa zi nghoid.

TARHA" TID POIN" 28:48

Hougsu" yoomo nanu" gi nanu" ri thougtheung wa shid re" Aseing wigi nhang: kaid wa gyivoo yiri yhe: dei byid: ca" wa zi nghoid. Nanu" gi voem yoid gyid shid ziyo' shoo" cen: doem: nyid wa zi nghoid. Ja: khang" moo" ca" goo" wa. Aseing gi nanu" ri nanu" joem: loo" sho' anoug akhyoid yhen' wa zi nghoid.

Pang Shug 18:20

Moug: khung: moug: di we"- hau voomoo" byo, yoin" pyam' bye: yoomo gau, yi nyid loo: ge'. Mangso byu yi yo' lagyoo: yi, lapi: yi we"- gau, yi nyid ge' Khasu" wim gari Mangsoo gi nanu" ri nyang: koid lid lo ziyo' dakhyoo" ti"- hau: voomoo" ri yoobo dam, kaid' bye.