ESAIA 11:3 - Lacid Common Language Bible

³ Houg: lho: nyang: gi Aseing ri tam" gyo: cang yhe: jang" mo ngei pyo: khyo: shau" yu wa. Nyang: gi myonhoo: ri yu" lho: agoin tid da" dang: ri gyo: lho: dang: aphyed wa.

ESAIA 11:3 ပူးပေါင်းရင်းမြစ်များ

2 SAMUELA 14:17

Aseing: we" khokham gi Mangso da" moug: lagyoo: yo' du wigi ge ziyo' age ziri se' kho' yu yoomo re" dangsoo" khoin" gi ngoo ri gau nhang: wa ziri ngoo shau" myid nyid. Re" Aseing Mangsoo gi nang yo' dage" danyid nyid baja" o"» ga: tid.

2 SAMUELA 14:8

Khokham gi «Yhoem: khyoo: loo" we' hau: khyoo: ri ngoo koid byid: wa» ga: tid.

1 KHOKHAM 3:28

Sholumon tarha" dang: phyed khyoo: ri Israela byumyu" yi shoug" gyoo: lang" nyangnu" nyang: ri je" phau" myang: lo boem bye:. Ciwim ga: ri Mangsoo nyang: ri byid: da" phajhi" yo' moo" ri jang jang tarha" jang deing byid: nyid ziri nyangnu" si' yoomo nghoid.

1 KHOKHAM 3:9

Houg: yoomo ge ziyo' age ziri se' kho' lho: re" byumyu" yiri deing: byeung" khyo" se' vhoebkhang" wa shid re" ngoo ca" nyid da" phajhi" ngoo ri byid: we' o". Hougsu" anghoid rigi he: gyi: sheung: da" re" byumyu" yiri ngoo khasu" apyaid atoo: yo" vhoebkhang" wa la"» ga: tid bye:.

YOBA 12:11

Nghoid loug we' nanu" da" yhoo: gi ngham" da" main ri vho: yhang: ti" nanu" nu khyab we' dang: pyoo: ri gyo: nyid nau da:.

YOBA 34:3

Zooshug gi gi zo: yu" ri ngham" angham" se' gyoo: nghoid loug we' Phajhi" dang: ri tam" gyo: rigi hougsu" anghoid.

DANG: ZHOEM 2:5

Hougsu" nghoid lang" gi:-hau: zigi Aseing ri gyoug phau" myang: ein: da"-akhyoo" ri nang se' lo wigi Mangso khyoo: jhau" yu jang" moo: nang oung: doid wa zi nghoid.

DANG: ZHOEM 2:9

Nang ngoo tid da" dang: ri tam" gyo: nghoid rigi deingmain" da" khyo" tarha" dang: phyed da: khyoo: yo' ge da" nyeung veung" khyoo: ja: khang" moo" ri nang yo" se' loo wa zi nghoid.

ESAIA 33:6

Houg: lho: byumyu" yiri nheigloem: geing: jo, nhang: wa. Nyang: gi nya: byumyu" yiri khanham we' goem loem byid: wigi nyangnu" ri phajhi" yo' lasi phajhi" ri byid: loo goo" wa. Nyangnu" da" phoug" dab thang da" jonu" gi Aseing ri gyoug phoug" zi nghoid loo wa.

EZEKIEL 45:8

He: mougmyid gi Israela mougmyid ri vhoeb nyid da" khokham nu" yi shid re" gamboem nghoid wa. Houg: lang" nyang: gi shava byu yiri azeig zoo: loo: wa. Nghoid loug we' deing da" mougmyid ri Israela byumyu" kung: yiri seing: nhang: ca" wa.

MIKHA 4:3

Nyang: gi byumyu" yi da" agyoo: moo we' Moug: ve: mung" yo' jang" mo yoem: so' gyi: bang: da" agyoo: moo we' tarha" dang: phyed byid: wa zi nghoid. Nyangnu" gi nyangnu" da" shamcoin" joem ri khoin' cam" baid lho: nyangnu" da" lham: toid joem ri bainren" baid pyam goo" wa nghoid. Byumyu" yigi khanham we' meing: zain: ayhi: noo" loo wa meing: zain: go" wa shid re" we' khanham we' asoin' ca" loo: wa.

LUKA 2:52

Zooshang: Yesu gi Gung shoo" gyi: sheung: lo zoore"- se' da" phajhi" myo: loung: lo lho: Mangso shid' khoin" moo we' Byu da" shid' khoin" moo we' myonhoo: rua: loo bye.

YOHAN 2:25

Yesu ri byu da" akhyoo" hang" wigi we' tid kyoo" anoo. Nyang: gi byu da" nheigloem: ung: khoug: moo ci: bo ziri dangain" si' gu nghoid bye.

YOHAN 7:24

Atho' pyam: mo da" akhyoo" again ri za: yu" lho: dang: aphyed goo. Deung main" da" khyoo" khyo" dang: daphyed ge ga: tid.

HEBRE 5:14

Thain: da" zoo: noem, koem gi ludaid' yi shid' re" nghoid nyid wigi nyangnu" gi cang zei: jhau" lo" khyo" ge: ziyo' age zi ri se' soin: se' kho' mo, nghoid nyid boem. .

1 SAMUELA 16:7

Nghoid loug we' Aseing gi nyang: ri gung myhang: ziyo' khayhi' yung" nghoid loug we' khyen: khyo' pyam. Byu yi dang: phyed yhang: ti" ngoo aphyid yoomo nyang: ri ngoo khyen: wa zi anghoid. Byu yigi nghe: shoid avoid asam" ri za: dase' yu"- nghoid loug we' ngoo gi myid nheigloem: ri dayu" zi nghoid» ga: tid bye:.