ESAIA 10:9 - Lacid Common Language Bible

⁹ Ngoo gi Khalna yo Kharakheme voomoo" joem Hamad yo' Arpad voomoo" joem ri ngoo oung: pyam bye:. Ngoo gi Samari yo' Damasku ri oung: pyam bye:.

ESAIA 10:9 ပူးပေါင်းရင်းမြစ်များ

APOEM AYANG: 10:10

Xang: shi" moo nyang: seing: da" nya: meing joem gi Babelon mo Babelon- Ereg yo' Akhado voo joem nghoid.

2 SAMUELA 8:9

Akhid" Hadadeza da" gyizoo: dangain" ziri David khaid zain: oung: bye: ga: ziri Hamad khokham Toi shoug" gyoo: bye: zi nghoid.

2 KHOKHAM 16:9

Tiglad Pilesa gi Ahaza mho' da" khyoo: ri tam" gyo: wigi nya: gyidab yo' dage" to' yhe: lo" lho: Damasku ri yhe: zain: seing: yu pyam da:. Khokham Rezin ri said pyam lho: mung" byu yiri thung: byu yi khyo" Kira khyoo: shu" lo" da:.

2 KHOKHAM 17:24

Asuri khosen gi Babelon- Khutha- Ava- Hamad- Sepharvim voomoo" joem mo byu yiri pyoung" yu lho: nyangnu" gi pyoung" she: loo" shau" da" Israela byumyu" yi joyoo nghoid da" Samari voomoo" joem moo houg bang: ri nyid: nhang: to" ago". Nyangnu" gi hau: voomoo" joem ri seing: yu lho: houg moo nyid boem ago".

2 KHOKHAM 18:34

Akhid" Hamad yo' Arpad yu phara" joem khamoo: nghoid go" lha". Sepharvim- Hena- Iva da" yu phara" joem gi Khamoo: nyid go" lha". Samari ri hang" khyoid yu boem la".

2 KHOKHAM MHOOMYID: 32:14

Mungdain: joem dangain" mo kha: yu phara" joem gi ngoonu" lo, mo nyangnu" mungdain: ri kha: uri khyoid yu yu" la". Houg: ri nanu" gi nanu" ri nanu" da" yu phara" wigi khyoid yu wa ein: cikoid jho: nyid go".

2 KHOKHAM MHOOMYID: 35:20

Khokham Yoshia gi Noku Yhoem: Moo" shid re" he: gu: dangain" bain koid thang: ri Egutu khokham Nekho gi Uphrad gyid lang yam moo jo, da" Khakhemish moo gyi khaid wa gyidab dadab ri shu" yhe: lo" da:. Yoshia gi nyang: ri toem' pyam wa soin' da:.

ESAIA 10:8

Nyang: gi «Nga" gyizoug: moo" yi yugkhang" moo" gi khokham nghoid ga: phau: da:.

ESAIA 17:1

Aseing gi «Damasku gi voogung anghoid byug loo wa. Hau: zigi byo, gyoeb boem jo, wa.

ESAIA 17:3

Israela gi goem loem khyoo: ajo, wa. Damasku gi loid byoin khyoo: byug byug wa. Nyid deing da" Suri byu yigi Israela byu yi yo' dayhang: ti" ngi: yoem" loo wa. Ngoo myhang: thang Aseing tid bye:» ga: tid.

ESAIA 33:8

Fu" moo" khyoo: joem gi gyung: soo" bang: hang" anyid yoomo gyoug dain pho" zi bue" jo, da:. Myid veing" mougsoug" gi byo, yoin" lo" lho: myid veing" khyoo: joem gi she pyam shau" abye: go. Hang" we hau ziri aphoug" loo nghoid ago".

ESAIA 36:19

Hamad yo' Arapad da" phara joem gi akhid" khayoo: nghoid ago" la". Sepharvim yu phara" joem gi khayoo: nghoid ago" la". Samari ri hang" khyoid yu la".

ESAIA 37:11

Asuri khosen gi phyo' pyam wa nyang: myid phyed to" da" mungdain: khang" moo" ri khasu" koid da" khyoo: ri nang shoug" gyoo: gu nghoid da:. Nang yo" loid byoin wa ein: jho: rhe".

ESAIA 37:13

Hamad- Arpad- Sepharvim- Hena- Iva voomoo" joem da" khokham yi khamoo: nghoid ago" la"» ga: tid kaid da:.

ESAIA 7:8

Ciwim gari Suri gi nya: voomoo" zeing Damasku tho' yoem: aje boo. Damasku gi khokham Rezin tho' yoem: aje boo yoomo nghoid da:. Israela koem' gi byumyu" mungdain: daloem: khyo" nyid deing jo, wa bang: gi khyug xe: wim: zain: gyoo: moo gyoeb, mhoin' pyam' zi shoug" wa.

YEREMIA 46:2

He: zigi Yuda khokham Yehoiakim khokham koid zi myid: zain ein: zain moo Babelon khokham Nebukhadneza wigi Uphrad gyid lang nam mo Kharakheme joyoo moo gyi khaid oung: pyam da" Egutu khokham Nekho da" gyidab yo' sen lho: nyang: tid da" khyoo: nghoid da:.

YEREMIA 49:23

He: zigi Damasku yo' sen: wigi Aseing tid to" zi nghoid da:. Hau: zigi «Nyangnu" gi age da" lu dang: joem shau" gyo: boem bye: yoomo Hamad voomoo" yo' Arpad voomoo" joem gi myid ci' lho: yau: khi" shoug" nyid ago". Myid ci' khyoo: gi panglai: yhang: ti" nyangnu" dang moo deing: nhe' lo wigi nyangnu" doug ashau" noo: nghoid da:.

EZEKIEL 47:16

Beratha yo' Sibraim voomoo" joem khyoo: (Hau: eig voo gi Damasku khokham mungdain: yo' Hamad khokham mungdain: agyoo: mougkyoo" moo jo, ago") Houg: mo zi Tikon voomoo" (hau: voomoo" gi Hauran moug: du mougkyoo" moo jo, zi nghoid) ju" sho' nghoid da:.

HABAKU 1:10

Nyangnu" gi khokham yiri juang" lho: zoug: yiri we' aphoug" akhyoid koid boem wa zi nghoid. Gyi pyu zung joem moo myidzhoo" nhang do, lo" lho: gyidab ri zain: yu pyam' boem bye:.

GYUNG: SOO" 34:8

hau: joyoo mo zi Hamad koolhang ju" sho'. Houg: mo zi Zedad