ESAIA 10:4 - Lacid Common Language Bible

⁴ Nanu" gi gyi khaid pui" moo said pyam shoug" loo goo" wa. Anghoid lang" thung byu yiri yhang: ti" she: khyoid lo" zi shoug" loo goo" wa. Hougsu" nghoid rilang" Aseing nheig yo: zigi atheing: wa. Nya: lo, gi yooboo dam byid: wa shid re" dayhoin" too" shi" wa.

ESAIA 10:4 ပူးပေါင်းရင်းမြစ်များ

ESAIA 22:2

Voomoo" goin" mo lu: fu: thui: yo' mau" dain ziyo' nhung nhung khoid khoid bue" nyid da:. He: meing: zain: pui" moo shid: lo boem da" nanu" byumyu" yiri khaid zain go" lho: shid: boem zi anghoid.

ESAIA 24:22

Mangsoo gi duang: khuang" khoug: mo thung: byu yi yo' dayhang: ti" khokham yiri dage" zheing foem: too" nhang: wa. Nyangnu" gi yooboo dam byid: da" ayo, ju" sho' nyang: gi houg bang: ri thung: lhung too" wa.

ESAIA 34:3

Nyangnu" da" manggung ri myhoeb shoung: zi ashau" goo" wa. Hau: jang" moo leung boeb nam jo, goo" wa. Boem joem gi suid" kyeing" byang: byang: ne jo, wa.

ESAIA 5:25

Aseing gi nya: byu yiri nheig yo: wigi nyangnu" ri yooboo dam byid: wa shid re" nya: lo, ri yhoin" kaid da:. Boem joem gi loeb loeb lei" loo wa. Byu shid: mang joem gi mhoid soid yo' dakhyo" khyoogung joem moo daboem loo goo" wa. Hougsu" nghoid loug we' Aseing da" nheig yoo: zigi agyoo" wa. Nya: lo, koem' gi yooboo dam byid: wa dayhoin" too" shigoo" wa zi nghoid.

ESAIA 66:16

Nyang: wigi yooboo yo" sho: myang da" myid jang byu xangsu: dangain" ri myiyham: wigi nyang: yooboo dam byid: ri" wa. Myoo" sho' bang: gi said pyam' shau" boem goo" wa.

ESAIA 9:11

Aseing gi nyangnu" ri khaid zain: wa shid re" nyangnu" da" gyivoo yiri lhu: to' kaid da:.

ESAIA 9:12

Israela byumyu" yiri myhau: pyam wa shid re" bidthu shoid mo Suri- bidvang shoid mo Philisti bang: nyangnu" nhoid ri ho' ci: ago". Hougsu" nghoid loug we' Aseing da" nheig yo: zigi athang nghoid da:. Nya: lo, gi yooboo dam byid: wa yhoin" to" ashi".

ESAIA 9:16

He: mung" byu yi da" vhujhung: yigi nyangnu" ri khyoo: vhang: shu" vhang: wigi bain sho' anhung akhoid koid pyam ago".

ESAIA 9:17

Hougsu" yoomo Aseing gi zoolu: dayug ri we' aphang: loid nhang: wa. Houg: lho: nyang: gi cougmoo" yi yo' coug" zoo: yi mo dayug ri we' nheig khyeug myid aci: shug byid: wa. Ciwim gari byumyu" yi dangain" Mangsoo abo ziyo' akhyeing" lho: nyangnu" tid da" ja: khang" moo" gi akhyeing" zi nghoid da:. Hougsu" nghoid loug we' Aseing da" nheig joem yo: zigi athang wa. Nya: lo, gi yooboo dam byid: wa dayhoin" too" shi" wa.

ESAIA 9:20

Mungdain: khyi' khang" moo" mo byu yiri nyangnu" shoug" sho: myang: da" dajhi ri zoo: nghoid loug we' nyangnu" zooyoid zigi khanham we' nheig ashid: nhang: nghoid da:. Nyangnu" da" zooshang: yiri lang" nyangnu" zo: loo goo" wa.

ESAIA 9:21

Manashe yo' Ephrim byu yigi nyang: cang" nyang: gyi zain: wigi Yuda ri nya: eig yug dage" gyi zain: ago". Hougsu" nghoid loug we' nyang: nheig joem: yo: zigi athang nghoid da:. Nya: lo, gi yooboo dam byid: wa yhoin" to" ashi".

YEREMIA 15:2

Nyangnu" wigi nang ri nyangnu: khakhyoo: yhi: ca" zi myid boem uri ngoo hid su" ein: tid ein: nyangnu" ri tid kyoo" we' Dayham" gi noo phyoo" shau" wigi shid: loo" goo" wa- hau: zigi nyangnu" yhe: loo" wa khyoo: nghoid. Gootu: dayham" gi meing: zain: jang: moo: shid: lo" boem wa- hau: zigi nyangnu" yhe: loo" wa khyoo: nghoid. Dayham" gi zooyoid wigi shid: lo" boem goo" wa- hau: zigi nyangnu" yhe: loo" wa khyoo: nghoid. Gootu: dayham" gi thung: byu khyo" shu" lo" zi: shau" wigi joem: lo" boem goo" wa. Hau: zigi nyangnu" yhe: loo" wa khyoo: nghoid.

YEREMIA 37:10

Nang gi Babelon gyidab goin" ri khaid oung: pyam wigi nyangnu" da" zoem" khoug: moo leung jo, da" dam dab bang: za: dadeing jo, loug we' houg: bang: to' re" wigi he: voomoo" ri myimoeb boem" bui" sho' yo' nghe' pyam shi" wa» ga: zi nghoid.

YEREMIA 4:8

Houg: yoomo jid moo" byimi void wigi ngoug ge'. koug myeing nyid ge'. Ciwim gari Aseing da" gyoug pho" nheig yo: zigi Yuda mo alheing: thu lo" byug shi" nghoid da:.

HOSEA 9:12

Nyangnu" zoo: khu: gyi: lo nghoid rilang" houg: bang: ri ngoo shu" yu pyam byid: lho: adei dayug ri we' ateing too" byid: loo wa. Ngoo gi he: byumyu" yiri she pyam too" khoo' lang" nyangnu" moo gyoug dain ja: joem bui" goo" wa» ga: tid da:.

XOIN" NGEI" 26:17

Ngoo nanu" ri thougtheung wa houg: lang" nanu" soem" goo" wa wigi nanu" ri ngheing" mo, wigi nanu" ri vhoebkhang" loo goo" wa. Nanu" ri hang" we' akhaid loug we' nanu" gi gye" dain ziyo' tang" phang: yen" goo" wa.

TARHA" TID POIN" 32:30

Ciwim yoomo dayug gi dakhyeing" yug ri oung: pyam wigi eig yug wigi damoin yug ri oung: pyam la". Nyangnu" da" Aseing Mangsoo nyangnu" ri she: pyam bye:. Nyangnu" da" myhang: thang Mangsoo gi nyangnu" ri to" pyam to" abye:.