ESAIA 10:3 - Lacid Common Language Bible

³ Mangsoo nanu" ri yooboo dam byid: uri nanu" khasu" koid goo" wa la". Ve: da" mung" mo kyi" khyeug zi nanu" adang moo nyang: ci: loo byid: lang" nanu" khasu" koid goo" wa la". Pang" thug khyoo: ri nanu" khamo yhe: tang" sho: yu wa la". Nanu" da" jonu" ri khamoo: yhe: shoung: too" goo" wa la".

ESAIA 10:3 ပူးပေါင်းရင်းမြစ်များ

APOEM AYANG: 31:1

«Yaku gi nyhang" seing: da" ziyoo dangain" ri yu pyam byid: bye:. Nya: da" jonu" dangain" gi nyha" pho jang" mo kyeing" nghoid» ga: Laban da" nya: zoo: bang: tid da" dang: ri Yaku shau" gyo:.

2 KHOKHAM 7:15

Houg bang: gi Yodan gyid lang ju" sho' yhe: ago". Suri byu yi phang: lo" zoo" ri nyangnu" she: pyam too" kho' da" byimi yo' gyizi gyikhoo: joem ri khyoo: thang sho' moo: shau" myang boem ago". Hau: thang: nyangnu" doem tau" lo" lho: khokham phoo ri lu dang: lo" kyo" ago".

YOBA 31:14

Ngoo hougsu" akoid nghoid ri Mangsoo ri ngoo khasu" yo" shoug" wa la" Ngoo ri dang: phyed wa shid re" Mangsoo re" da" uri ngoo khasu" se' tid wa la".

DANG: ZHOEM 11:4

Re" da" jonu" gi yooboo dang: phyed da" bidnyid moo: nang ri ce" akyu" we' yo" byid: wa zi anghoid- nghoid loug we' deingmain" da" khyoo: koem gi shid: lo" khyoo: mo yo" khyoid yu nyid.

ESAIA 13:6

No wigi kyi: ngoug ge'. Yoem moo" yo' phyo' shoin' wa nghoid da" Aseing da bidnyid gi jhang re" nyid bye:.

ESAIA 17:4

Aseing gi «Israela da" gyi: sheung: zigi thang byoug lho: nya: jonu" ri myung sho" ziyo' thid pyam wa bidnyid ju" lo nyid bye:.

ESAIA 20:6

Hau: ayo, ju" loo lang" Philisti mung" gyid yam cang nyid bang: gi ‹Asuri khosen lo, mo ngoonu" ri goem loem byid: wa ngoonu" myid loem to" da" byumyu" yi adang mo ci bui" bye: ziri yu" ge'. Ngoonu" khasu" yo" nyid deing wa la"»› ga: tid loo goo" wa.

ESAIA 26:14

Akhid" nyangnu" shid: byug wigi adoem dei loo loo: wa. Nyangnu" da" soobyoo joem gi adoem to' loo loo: wa. Ciwim gari nang gi nyangnu" ri yooboo dam byid: wigi said toem" pyam yoomo nghoid. Nyangnu" ri hang" wigi we' amyid boin: loogoo" wa.

ESAIA 26:21

Nyangnu" yooboo yoomo myidgung byu yiri yooboo dam byid: wa shid re" Aseing gi nyang: nyid da" joyoo- mougkhung: mungdain: mo re" nyid abye:. Myid gung tho mo zau" wigi gau" koid da" byu said mo, ri toin" shid byid: loo wa. Myid gung gi said pyam shoug" bye: bang: ri ashung: too" loo wa.

ESAIA 28:20

Nanu" gi dang: zhoem' mo khyid: jhang" kaid wa sung leung" da" yhoeb cuang daloem: moo nya: gung ri phoem" wa sung nge da" mi yo' yhoeb wa soin' da" byu yo' du loo goo" wa.

ESAIA 29:6

Myhang: thang Aseing gi thain: da" mougkhung: lid yoem: yo' myid leig leig ziyo' nanu" ri khyoid yu goo" wa. Nyang: gi uglid yo' myi: ri khyo' kaid wa.

ESAIA 30:16

Hau: gungthid myab da" myang: joem ri zhung: wigi nyangnu" da" gyivoo yi lo, mo phang: loid wa nanu" soin' boem ago". Nanu" jo ago". Phang: loid khyoo: gi nanu" koid ca" da" moo" nghoid boem wa. Nanu" da" myang: gi gye" myab ga: jho: ago". Nghoid loug we' nanu" ri cang khaid bang: gi je myab loo wa.

ESAIA 30:5

Yuda byu yigi nyangnu" ri pang" thoug wa myid byu nyid uri du" pyam byid: da" byumyu"- loem age" da" byumyu" yiri nyangnu" khau: nghe: lo ziri nheig koug loo goo" wa» ga: Aseing tid.

ESAIA 30:7

Egutu byid: da" pang" thoug khyoo: gi ce: akyu" aboo nghoid da:. Houg: yoomo ngoo gi Egutu ri «Ce: dam adab da" mainjung:» ein: myeing zoo: myheing byid: bye: ga: zi nghoid.

ESAIA 33:14

Ziun moo nyid boem da" yooboo yoo" bang: gi gyoug wigi ko' ko' nain" nyid ago". Nyangnu" gi «Mangso da" dang: phyed khyoo: gi apyaid atoo: moo nge" nyid da" myi: yo' du da:. Houg yhang: te" da" myi: mo ngoonu" hang" dayug yo" nyid deing wa la"» ga: tid ago".

ESAIA 39:3

Hau: thang: Lapi: Esaia gi khokham Hezekia jhang yhe: lho: «Hid bang: khamo ju" re" wigi nang ri ci: re" tid boem ago" la"» ga: myid: da:. Hezekia gi «Nyangnu" gi gye" ve: da" Babelon mung" mo ju" ri" bang: nghoid ago"» ga: tu" da:.

ESAIA 5:14

Moovo moug: gi nyangnu" ri zoo: nau nyid da:. Houg: bang: shid re" nhoid lam sho' fo' ci: da:. Yerusalem mo nheigboo yiri lu: fu: nyid da" mung" byu yi yo' dage" myhau: pyam da:.

ESAIA 5:26

Aseing gi vi: moo nyid boem da" byumyu" yiri khi: wa avoid byid: da:. Mougmyid thang sho' mo ri" goo" wa shid re" nyangnu" ri lo, moo" moid wigi khe: koid da:. Nyangnu" gi myab za: ju" re" ago".

YEREMIA 22:7

Hau: ziri phyo' shoin' pyam wa byu yiri ngoo nhang: kaid byid: wa. Nyangnu" dangain" gi nyangnu" da" voozung: joem ri ci: wigi hau: shamu zeing bung: joem ri thug lheing: pyam lho: hau: zi myikhyoem' khoug: khyoo: du" zei pyam byid: goo" wa.

YEREMIA 4:30

Yerusalem we"- nang gi joem: lo" abye:. Nang gi phe" pain" byimi ciwim shoung: void ci: la". Ciwim yoomo phoug" dab lug ri shoung: void ci: wigi myojid" moo xau" ci: la". Nang gi nanya: gung ri ci: anghoid da" shid re" yung" sho' shoung: ci: da:. Re" da" jheddab zooyam phoo joem gi nang ri ngeug he: pyam abye: go". Houg: lho: nyangnu" gi nang ri said pyam nau ago".

YEREMIA 5:31

Lapi: yigi mhoug dang: za: tid thu ago". Khainjung yigi Lapi: yi amyeing" byid: da" khyo" vhoeb ago". Houg: lho: nga" byumyu" yigi ci: dakhoin" we' angeug nghoid da:. Nghoid loug we' he: gu: dangain" lo" thang bain byug ri nyangnu" cikoid loo goo" wa la".

YEREMIA 9:9

Ngoo gi nyangnu" ri he: gu: gang mo yooboo dam abyid: wa ga: rhe". Ngoo gi hid yhang: ti" byumyu" yiri latoo: aphug wa rhe". Aseing tid too" bye:.

HOSEA 5:13

Israela gi nyang: khayhi' no nyid ziri shau" myang lho: Yuda gi nyang: nya: dam khoo: ri shau" myang lang" Israela gi Asuri khyoo: yhe: lho: khokham moo" ri pang" thoug wa shid re" yhe: mho' da:. Nghoid loug we' nyang: gi nyangnu" ri noo ayu" byang" gi byid:- nyangnu" da" dam khoo: ri ayo" gi nhang: nghoid da:.

HOSEA 9:5

Houg: lho: Aseing ri ngi: shab pui" koid wa ayo, ju" rilang" nyangnu" cikoid goo" wa.

HOSEA 9:7

Yooboo dam byid: wa ayo, gi ju" loo bye:. Hau: byumyu" yi nyangnu" shoug" kham zoo: wa moin: yi" zi yo" yu wa ayo, ju" bye:. Hau: zi bue" lo uri Israela byumyu" yi hau: khyoo: ri si' goo" wa. Nanu" gi «He: Lapi: phoo gi koo" su: nghoid da:. He: Venyi yoem boo su: gi suid" byo, da» ga: tid ago". Byu nanu" gi nanu" da" yooboo sung gyi: yoomo ngoo ri ngheing" ago".

AMO 5:19

Hau: bidnyid gi nanu" shid re" khangkhyi ri gyoug phang: loo" su: gi voem yo' thoung" shoug" go" ziyo' dakhyoo" ti" nghoid wa. Hougsu" anghoid lang" yhoem: khyoo: phang: loo" su: gi xiyam moo lo, yhe: zei: kaid ri lhangmyu lhoem: thei" zi shoug" su: yo' dakhyoo" ti" bui" wa nghoid.

MIKHA 7:4

Nyangnu" mo ge thang mo, yo' deing byeung" thang mo, lang" vu, fu" myo, joem yo' dakhyoo" ti" ce: phoug" adab boem nghoid ago". Hau: byumyu" yiri Mangsoo gi dam byid: wa da" bidnyid gi nyangnu" ri zung" yu" nyid da" lapi: yi khyo" tid poin" lid lo ziyo' dakhyoo" ti" bain ju" lo nyid abye:. Akhid" nyangnu" gi anhung akhoid zheung: bue" nyid boem bye:.

ZEPHANI 1:18

Aseing gi nya: da" nheig joem: yo: lo bidnyid moo gi nyangnu" yo" da" ngei sheing: we' nyangnu" ri yo" khyoid yu wa zi anghoid. Aseing nheig yo: myi: yo' moug: gyab goin" ziri nghe' pyo' sain" pyam wa zi nghoid. Nyang: gi mougmyid tho' moo nyid mo, yugkhang" moo" ri dalheing: dam nyeigdain tung" myab za: doem: thang loo" nhang: wa zi nghoid.

LUKA 19:44

Nyangnu" gi nang ri we' re" da" vang khoug: moo nyid da: byu dangain" mo, ri we' lhu: phyo' sain" pyam boem wa. Lug daloem: tho' moo daloem: lang" aki" loo: wa, ce: noem wim la"» ga: ri Nang gi nanyang: ri khyoid yu wa da" Mangsoo gyoo" lo da ayo, ri nang asi yoomo nghoid ga: tid.

TARHA" TID POIN" 28:49

Aseing gi nanu" ri thougtheung wa shid re" nanu" ase' gyo: da" myeing" ji da" byumyu" damyu" ri mougmyid athang: mo shu" loo byid: wa zi nghoid. Nyangnu" gi zoin bung: yo' dakhyoo" ti" nanu" atho' moo re" dang: thei" wa zi nghoid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.