ESAIA 1:9 - Lacid Common Language Bible

⁹ Myhang: thang Aseing gi byu dayham" ri anyid deing nhang: nghoid rigi Yerusalem gi Sodom yo' Gomora yhang: ti" bain sho' phyo' shoin' pyam zi shoug" wa nghoid da:.

ESAIA 1:9 ပူးပေါင်းရင်းမြစ်များ

APOEM AYANG: 18:26

Aseing gi «Sodom voomoo" moo yooboo ayoo" mo, wim: xi: yug nyid nghoid rigi hau: bang: da" gang mo davoo goin" ri khyam" sa: byid: wa» ga: tid.

APOEM AYANG: 18:32

Abraham gi Aseing we"- nheig gi ayoo: lhe"- ngoo dalheing: za: datid loo wa. Daxi: yug ri kyeing" za: shau" myang rigi khasu"» ga: tid lang" Aseing gi «Houg: moo daxi: yug nyid rigi hau: voomoo" ri ngoo apyo' pyam wa» ga: tid.

APOEM AYANG: 19:24

Aseing gi nyeigdain tung" Sodom yo' Gomora tho' khyoo: fang myi: moug: vo khyo' kaid lho:

1 KHOKHAM 19:18

Nghoid loug we' ngoo gi Israela khoug: moo nyhed khyeing" ri kangso' dei nhang: shi". Houg bang: gi ngoo ri dang: zung" nyid wigi Bala ri ano' - nya: yu phara" soolhoo: ri babug abug mo, nghoid wa» ga: tid.

2 KHOKHAM 19:4

Asuri khosen phoo gi dei nyid da" Mangsoo ri aphoug" akhyoid rui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

ESAIA 1:8

Goem loem wa joyoo ajo, da" zabyid khyam: zung” yug da" zang yo' tung: khoo" khyam: mo zoem" khyam" yhang: ti" Yerusalem za: deing jo, lho: hau: voomoo" ri we' vang: to" da:.

ESAIA 11:11

Hau: bidnyid ju" loo lang" Aseing gi nya: yoem so' ri dalheing: doem ci wigi Asuri- Egutu- Pathro mung" joem Etiopi- Elam- Babelon- Hamad yo' gyid yam cang mo mungdain: joem panglai: gugyoo: kang joem moo nyid deing jo, boem da" nya: byumyu" yiri yhoem: khyoo: doem shu" tau" yu wa.

ESAIA 11:16

Nyangnu" da" phoug" phyid" yi Egutu mo thu lo boem uri yo' dayhang: ti" Asuri moo nyid deing jo, shi" da" nya: byumyu" Israela shid re" Asuri mung" mo thu lo" da" fu" moo" khyoo: jo, loo wa.

ESAIA 17:6

Byu dajhi' za: nyid deing goo" wa. Israela gi agam vhu" moo eig soem" cab- anghoid lang" vhoo: mo akung joem moo dajhi' za: dadeing loo sho' zhainloin: shi" dangain" ri phyo' pyam da" zhainloin: gam yo' du loo wa. Ngoo Israela Aseing Mangsoo tid too" bye:» ga: tid.

ESAIA 24:13

He: zigi mougmyid dang mo byumyu" khang" moo" moo bue" loo wa. Agam khang" moo" mo zhainloin: shi" joem baid shui: khyo' lho: zabyid nei moo zabyid shi" athang: amyed" phyo' yu pyam shoug" lang" hau: zigi shivoo yhoem" da" lo" thang ayo, yhang: ti" nghoid loo wa.

ESAIA 24:6

Houg: yoomo Mangsoo gi mougmyid ri nheing" kaid da:. Mougmyid byu xangsu: yigi nyangnu" koid lo da" lo, moo" shid re" aphoug" byid: nyid ago". Nyid deing mo, je je neing: lo" ago".

ESAIA 37:4

Asuri khosen phoo gi dei nyid da" Mangsoo ri aphoug" akhyoid rhui" wa shid re" nya: gyizoug: moo" yiri nhang: kaid abye:. Re" Aseing Mangsoo gi he: aphoug" akhyoid tid da" dang: ri shau" gyo: wigi hougsu" tid bang: ri yooboo dam byid: goo" baja". Houg: yoomo dei deung nyid da" ngoonu" mung" byu yi shid re" Mangsoo jhang akyu" mho' we'» ga: zi nghoid.

ESAIA 46:3

«Yaku da" amyed ashen yi nghoid boem da" nga" byumyu" nyid deing mo, dangain" we"- nga" dang: tam" gyoo ge'. Ngoo gi nanu" khu: re" da" ayo, mo nyang: goin coung: byid: bye:.

ESAIA 6:13

Mungdain: moo byu daxi: yug mo dayug za: dadeing rilang" nyang: ri said pyam zi shoug" wa. Nyang: gi thug lheing: pyam bye: da" shookhi" gam angoid yo' du wa» ga: tid. (Seig ngoid gi Mangso da" byumyu" yi shid re" aseig doem thoid shid" re" ziri gungthid tid to" zi nghoid da:.)

ESAIA 65:8

Aseing tid zigi «Ge da" zabyid thung: ri aze" shoin' pyam' - hau: gungthid hau: ze wigi nyangnu" zabyid yhid: koid ago". Nga" byu yi dangain" ri we' ngoo aphyo' shoin' pyam' wa. Ngoo ri dei byid: da" bang: ri ngoo khyoid yu wa.

YEREMIA 23:14

Nghoid loug we' Yerusalem mo Lapi: yi je lang" xo: boem ziri ngoo shau" myang bye:. Nyangnu" gi myi: shoid lang shoid wigi mhau' dang: tid ago". Byumyu" yiri shoid da" moo" koid wa shid re" pang" thoug byid: ago". Houg: lho: hang" we' akhyeing" da" moo" koid ziri atheing: pyam nghoid ago". Nyangnu" dangain" gi nga" shid re" Sodom yo' Gomora byu yi yhi' age boem nghoid da:.

YEREMIA 42:2

Ngoo ri «Jeju" mo ngoonu" tid ziri koid byid: la. Ngoonu" da" Aseing Mangsoo ri ngoonu" shid re" akyu" mho' byid: la. Nyid deing gyoo" bang: dangain" shid re" akyu" mho' byid: la. Goonham' ngoonu" gi myoo" sho' nghoid. Nang myang ziyo' dayhang: ti" akhid" gi ngoonu" dajhi' khyeing" dadeing lo.

YEREMIA 50:20

Hau: ayo, ju" lang" Israela moo ce: yooboo amyang wa. Yuda mung" moo akhyeing" zi ci: ajo, wa. Ciwim gari ngo wigi kangso' dei nhang: too" bang: ri ngoo yooboo khyoid byid: wa. Ngoo Aseing tid too" bye:» ga: tid da:.

NGOUG JI: 3:22

Aseing da" ashoid avhang: jheddab myid yo' nheig khyeug khyoo: gi agoin athang loo: dajo, jo,.

NGOUG JI: 4:6

Nga" mung" byu yigi Mangso lo, khoug: moo: nyeigdain tung" gyoeb, gyo" lo" da" Sodom voo moo: nyid mo, tho' re" je" gyi: dam xo: yooboo dam ri loem zo: ago".

EZEKIEL 14:22

Dayham" ashid: lhoo: nyid deing wigi nyangnu" zooshang: yiri khyoid yu nghoid rigi nyangnu" re" jhang re" loo wa ayo, ri yu" nyid we'. Nyangnu" khayhi' akhyeing" ziri myid boin: we'. Houg: lho: ngo wigi Yerusalem adang moo yu loo byid: da" yooboo dam gi jo ziri loem ge'.

EZEKIEL 6:8

«Ngoo gi dayham" ri said pyam wa jang" mo phang: loid nhang: wigi nyangnu" ri byumyu" yi phung: khyoo: khaid sain" pyam wa.

YOELA 2:32

Nghoid loug we' Aseing jang" mo pang" thoug khyoo: mho' yu mo, dangain" bang: koem' gi khyoid yu zi shau" boem wa nghoid» ga: tid to". Yerusalem voomoo" mo mo, dayham" gi loid byoin loo" goo" wa. Houg: bang: gi ngoo khyen: yu too" bang: nghoid wigi ashid: loo: nyid deung jo, boem wa» ga: Aseing tid nyid.

AMO 4:11

Ngoo gi Sodom yo' Gomora voo ri phyo' shoin' pyam yhang: ti" nanu" mo deung nyid mo, gi myikhyoem mo she: thu to" da" myi: zoo" toem' te" zi danghoid lo ago". Nghoid loug we' nanu" gi nga" jhang khyoo: adoem tau" loo shi" nghoid ago» ga: Aseing tid nyid.

HABAKU 3:2

O" Aseing we" ngoo gi nang koid bye: da" khyoo: ri shoug" gyoo: yoomo gyoug dain phau" myang: nyid. Nang lhung koid da" gyi: thang moo" zoo" ri akhid" ngoonu" da" pyaid moo we' doem toin" shed we'. Nang gi nheig yoo: nau rilang" ngoonu" ri nheig khyeug yu byid: shid" we'.

ZEPHANI 2:9

Ngoo gi Israela byumyu" da" Mangsoo dei nyid da" yoem: moo" bo Aseing ngoo nghoid ziyo' dakhyoo" ti" Sodom yo' Gomora ri phyo' sain" pyam yhang: ti" Moba yo' Amon ri we' phyo' sain" pyam zi shoug" wa nghoid ein: ngoo dang: theing to" zi nghoid. Hau: moug: gi xoo" khuang" yo' apyaid atoo: byo, yoin" jo, ziyo' mhain" yoo bue" loo" wa zi nghoid. Deung nyid shi" da" nga" byumyu" yi we' nyangnu" ri zain: lho: nyangnu" da" ziyoo jonu" ri lhoid lho: nyangnu" da" mungdain: yo" yu pyam wa zi nghoid.

MATHE 7:14

Apyaid' atoo: kangso' dei da: khyoo moo ju" da" khoem" duang: yo" khyoo: gi soo" soo" jhab' yoo mo shau" sho: vang loo" mo, atham.

Roma 9:27

Israela byumyu" yo" sen: lho: - Esaia gi - Israela amyu" yi gi - panglai mid' doem: myhoo: myo: loug boem nghoid loug we' - nyangnu" khoug: mo dayham" za: khyoid' yu zi shau" wa.

Roma 9:29

Hau tho' mo apyaid' atoo: mo yoem: moo" bo da Mangsoo: gi ngoonu" da" byumyu" dayham" ri khyam" sa ato' byid: nghoid rigi - ngoonu" gi Sodam yo" Gomora ti" thoung" shau" goo" wa ga: akhang: re lapi: Esaia tid kyoo" khare" zi yo" dakhyoo" ti" nyang: bue" loo bye.

TARHA" TID POIN" 29:23

Shivoo: yoo gi shoug: yo' xoo" boem" pyam wigi shang byug wa zi nghoid. Ciwe' age shoo" zoo: wa. Houg: lho: hau: joyoo mo mhain" lang" ayug loo: wa. Nanu" da" mungdain: gi Aseing wigi nheig joem: yo: wigi phyo' shoin' pyam da" Sodom yo' Gomora voomoo" joem yhang: ti"- Adma yo' Zeboim voomoo" joem yhang: ti" bue" lo" byug wa zi nghoid.

2PETRU 2:6

Mangsoo gi Sodom yo' gomora, eig voo ri we' myi: nghe' shoin pyam wigi tarha" anau cang bang: moo khasu" bue" loo: wa da" akhyoo" again daloem: ri toin" shid' too" bye.

Pang Shug 11:8

Nya: eig youg da" mang gung gi nyangnu" da" Aseing: ri baid' jen" said' pyam da" voomoo" zeing mo fu" moo" khyoo: gung moo she: lheung: to" boem wa nghoid. Hau: voomoo" zeing gi-Sodam voo anghoid lang" gi Egutu ein: da" mung dang: ved, bo nyid.