ESAIA 1:3 - Lacid Common Language Bible

³ Nu: joem gi nyangnu" ri hang" wigi seing: ziri se' lho: loo zei: joem gi nyangnu" aseing wigi nyangnu" ri khamoo voem: byid: zho" ziri se' ago". Hau: zigi nga" byumyu" Israela bang: se' tho' je se' da:. Nyangnu" dajhi' we' ase' gyoo: nghoid ago"» ga: tid.

ESAIA 1:3 ပူးပေါင်းရင်းမြစ်များ

COUNG" NGHEI 94:8

Nga" da" byumyu" yi we"- nanu" gi khasu" wim wigi phajhi" abo boem ziyo' akoo" adoug: bui" nau nyid go" lha".

DANG: ZHOEM 28:5

Akhyeing" ashoeb, bang: gi tarha" ein: ziri asi nghoid ago- Aseing ri loem khau: nyid mo, koem gi hau: tarha" ri goo" lhoo: za: se' gyo: xoem" ci: boem ago".

DANG: ZHOEM 6:6

Byu nei" yigi layed joem da" akhyoo" again ri jhau" yu wa shid re" ge nyid.

ESAIA 27:11

Seiggam joem mo seig kung: joem gi yhau" wigi kyug lo" byug ago". Myiyi: yigi hau: ziri thang" sho: yu ago". Ciwim gari byumyu" yigi ci: we' ase' gyoo: goo" nghoid da:. Nyangnu" ri phain" so: su: Mangsoo gi nyangnu" ri nheig akhyeug wa nheig khyeug shoomyen: myid aci: shug byid: wa.

ESAIA 42:20

Israela we"- nang gi gye" shau" myang abye:. Nghoid loug we' hau: zigi re" shid re" ce: dang: kang: bo la". Nang gi gyoo: wa nukhyab yo" da:. Nghoid loug we' nang ci shoug" gyoo bye: la"» ga: tid da:.

ESAIA 44:18

Houg yhang: ti" byu yigi nyangnu" cikoid nyid ziri si' wa shid re" sung koo" bang: nghoid ago". Nyangnu" myojid" ri coem" ci: wigi nyangnu" myid ri deingmain" ziri asi' wa shid re" myhid" ci: da:.

ESAIA 5:12

Nanu" pui" joem moo teing- lo, baid- jhu:- khoolhang joem yo' zabyid yhid: yo" ago"- nghoid loug we Aseing cikoid wa ziri nanu" asi' goo" nghoid ago".

ESAIA 5:13

Houg: lho: nanu" gi thung: byu yi yhang: ti” myheig shu" lo" zi shau" boem goo" wa. Nanu" da" vhujhung: yigi zoo: yoid lho: shid: wa houg: lho: mung" byu yigi gyid shed lho: shid: loo goo" wa.

ESAIA 56:11

Nyangnu" gi khanham we' atho' tham: da" mhain: da" lakhuid" yo' du da:. He: vhujhung: yigi se' gyo: khyoo: ajo, nghoid da:. Nyangnu" mo yugkhang" moo" gi nyang: vho: ngei ziri koid wigi nyang: nya: akyu" shid re" za: sho: ago".

YEREMIA 10:14

He: ziri shau" myang lang" byu yigi akoo" adoug:- nheig coid noo yug bue" byug da:. Soolhoo: joem ri koid too" bang: gi myid myo: byug da:. Ciwim gari nyangnu" koid to" da" yu phara" joem gi gung pyeig danghoid wigi kangso' aboo nghoid da:.

YEREMIA 10:8

Nyangnu" dangain" bang: gi nheig agyeing: wigi adu: adam: bang: nghoid. Seig soolhoo: joem mo nyangnu" ciyo" jhau" yu wa la".

YEREMIA 35:16

Yonadab da" amyed ashen yigi nyangnu" da" phoug" phyid" yi wigi nyangnu" ri byid: too" kho' da" amyeing" dang: ri tam" gyo: cang yhe: abye: go". Nghoid loug we' byumyu" yi nanu" gi nga" dang ri atam" gyo: acang yhi: nghoid ago".

YEREMIA 4:22

Aseing tid zigi «Nga" byumyu" yigi nheig agyeing: nghoid ago". Nyangnu" ngoo ri asi' nghoid da:. Nyangnu" gi ko" da" zooshang: yi yhang: ti" nghoid boem. Nyangnu" moo Lasi Lajhang: se' gyo: myid aboo nghoid da:. Nyangnu" gi akhyeing" da" moo" koid wa gye" jhang: ago". Nghoid loug we' nyangnu" gi ge zi koid wa abui" adoid nghoid da» ga: tid.

YEREMIA 50:6

«Nga" byu yigi yang zung" bang: wigi boem joem cang ci: phyug pyam shau" da" yang joem yo' du da:. Yang joem gi boem da loem: mo daloem: khyoo: so" lam" yen" yhang: ti" nyangnu" so" lam" yen" da:. Nyangnu" yhoem: khamoo: nghoid ziri to" myhed pyam ago".

YEREMIA 8:7

Gyid ngho' leung sheing: joem lang" we' khanham tau" loo" wa ga: da" ayo, ri se' ago". Pheing" kyoug" joem jhen" jang: joem Ngho' hei" joem lang" khanham zug byung: wa ga: ziri se' ago". Nghoid loug we' nga" byumyu" nanu" gi nanu" ri ngoo vhoeb da" tarha" ri asi' nghoid ago".

EZEKIEL 16:30

He: zigi yoem: moo" bo Aseing tid nyid zi nghoid. «Nang gi sho' ase' da" shava myhi' yhang: ti" he: moo" dangain" ri koid da:.

DANIELA 9:11

Israela byu dangain" bang: gi re" da" tarha" joem ri phyo' pyam wigi nyangnu" gi nang tid ziri ngeug pyam ago". Ngoonu" gi nang ri yooboo shoid bye:. Houg: lho: nang gi re" dei zoo: Moshe da" tarha" moo: lhid" to" da" nheing" khoin" ri ngoonu" dang moo khyo' kaid byid: abye:.

HOSEA 2:8

Nyang: gi nyang: ri shivoo:- zabyid yhid:- zhainloin: xu: yo' nyang: Bala ri no' da" uri nyang: ngei" byid: da" ngei yo' sheing: dangain" gi ngoo byid: zi nghoid ga: ziri khanham we' yhen: yu zi anghoid.

MATHE 13:19

Khyoo: gung moo gyo" da" myoug: shi" da" khyoo: gi Mungdain: da" tarha" mungdang: ri shau" gyoo: nghoid loug we' ase' gyoo: su: yo" du. Akhyeing" su: ju" re" lho: nheigloem: khoug: moo sain" kaid to" da" myoug: shi" ri yu pyam byid: ga: tid.

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

2PETRU 3:5

Mangsoo gi-zang: shid" mo wigi moug: khung: mougdi yo' moug: myed yoosoo" ri nya: amyeung" yo' phain" too" bye: ziri we-moug myed, ri gyid khoug: mo wigi gyid yo' khu" thu' yu too" bye: ziri we'.