ESAIA 1:2 - Lacid Common Language Bible

² Aseing gi «Mougkhung: yo myidjang we"- ngoo tid nyid ziri tam" gyoo: we'. Ngo wigi khu: gyi: kaid da" zooshang: yigi ngoo ri thougtheung gyi koid ago".

ESAIA 1:2 ပူးပေါင်းရင်းမြစ်များ

2 KHOKHAM 21:22

Nyang: gi nya: phoug" phyid" yi da" Aseing Mangsoo ri ngeug pyam lho: Aseing da" amyeing" dang: joem ri acang nghoid da:.

COUNG" NGHEI 49:1

Byu yugkhang" moo he: dang: ri tam" gyo: yu" ge'- joyoo khyi khang" moo" mo bang: tam" gyoo: we'.

COUNG" NGHEI 50:4

Nya: da" byumyu" yiri nyang:- tarha" dang: phyed zi shau" myang wa shid re" Aseing gi mougkhung: mougdi yo' mougmyid yoosoo" ri thang" cab koid wa ga: khe: nyid bye:.

ESAIA 30:1

Aseing tid to" da:. «Yuda ri vhoeb da" bang: gi joem: abye: go". Ciwim gari nyangnu" ngoo ri gyi koid thougtheung ago". Ngo wigi asoin' to" da" moo" ri nyangnu" cang koid ago". Ngoo myid vho: ziri ngeug wigi myid veing" mougsoug" joem ri lo, xoem" lhid" ago". Yooboo daja: bain daja: daboem dazang koid to" ago".

ESAIA 30:9

Nyangnu" gi khanham we' Mangsoo ri gyi koid thougtheung ago". Khanham we' mhau' ago". Khanham we' Aseing da" jhau" shed khyoo: ri tam" gyoo: wa he: ngeug pyam ago".

ESAIA 31:6

Aseing gi «Israela byumyu" yi we"- nang gi ngoo ri gyi koid lho: yooboo shoid abye:. Nghoid loug we' akhid" nga" jhang doem tau" loo we'.

ESAIA 34:1

Byumyu" dangain" bang: we"- loo ge'. lheing khoem re" foem: nyid wigi tam" gyoo: ge'. Mougmyid gyab goin" yo' houg moo nyid da" bang: yugkhang" moo" hid khyoo: re" wigi tam" gyoo: ge'.

ESAIA 63:16

Nang gi ngoonu" da" nya: phoo nghoid. Ngoonu" da" phoug" phyid" Abraham yo' Yaku gi khanham we' khyoid yu su: ngoonu" nya: phoo nghoid da:.

ESAIA 65:2

Shoid da" moo" ri nheigloem: thain: thain: koid lo wigi nyangnu" nyang: vho: jang" khyoo: yhe: lo" boem da" nga" byumyu" yiri ngoo gi khanham we' shu" tau" yu wa jen" jen" nghoid lid: loo bye:.

YEREMIA 13:15

Israela byumyu" yi we"- Aseing gi tid too" bye:. Nheigloem: nyhoem: khyo' lho: nya: dang: tam" gyoo: we'.

YEREMIA 22:29

O"- mougmyid- mougmyid- mougmyid- Aseing tid to" ziri tam" gyoo: we'

YEREMIA 3:22

Aseing mo lheing: phug loo" bang: nanu" dangain" doem tau" loo we'. Nyang: gi nanu" noo byang" byid: lho: jhug zug nhang: loo wa. Nanu" tid zigi «Nghoid bye:. Nyang: gi ngoonu" da" Mangsoo nghoid yoomo ngoonu" gi Aseing jhang loo" wa.

YEREMIA 31:9

Nga" byumyu" yigi ngoo nyangnu" ri shu" tau" lo uri ngau zoo" re akyu" mho' wigi tau" loo goo" wa. Ngoo gi nyangnu" ri gyid zoo: gyung: khyo" nyangnu" khyid: vhu" azang" thung" wa da" khyoo: dam khyo" shu" yhi: wa. Ngoo gi Israela da" nya: phoo nghoid wigi Ephrim gi nga" zooshid" yuggi zoo: nghoid da» ga: tid.

YEREMIA 6:19

Mougmyid we" tam" gyoo: we'. Nyangnu" myid soin' khyoo: yoomo yooboo dam byid: da" khyo" wigi he: byumyu" yiri byo, yoin nhang: wa. Ciwim gari nyangnu" gi nga" jhau" shed ziri ngeug he: pyam lho: nga" mungdang: joem ri acang nghoid ago".

EZEKIEL 24:3

Nga" da" thougtheung byumyu" yiri ngoo yoem: moo" bo Aseing nyangnu" shid re" to" to" da" he: dang: tu' ri tid kyoo" we'. Myikhyoem moo oug" xoug wigi gyid kaid pyeing we'.

EZEKIEL 36:4

Hougsu" yoomo akhid" boem joem yo' boug: gung joem nanu" ri gyid zoo: gyung: yo' lang: khung" joem nanu" ri byo, yoin" jo, da" joyoo nanu" ri phyo' shoin' pyam wigi aqei: ayam mo byumyu" mungdain: joem dangain" wigi coem' juang" lho: she: pyam too" shau" da" voomoo" joem nanu" ge'. Ngoo yoem: moo" bo Aseing tid ziri tam" gyoo: we'.

AMO 3:1

Israela bang: we" Egutu mo shu" thu lo da" byumyu" dangain" mo, we" nanu" yo' sen: lho: Aseing tid da" mungdang: ri tam" gyo: yu we'.

MIKHA 1:1

Yuda khokham Yotham- Ahaza- Hezekia bang: da" ayo, moo Aseing gi Morashed byu Mikha ri he: lu dang: byid: bye:. Aseing gi Mikha ri Samari yo' Yerusalem voomoo" yo' sen da" khyoo: dangain" ri pang shug bye:.

MIKHA 1:2

Byumyu" bain sho' mo, we"- he: dang: ri gyo: yu" ge'. Mougmyid tho' moo nyid bang: dangain" mo, we"- he: ziri tam" gyoo: we'. Yoem: moo" bo thang da" Aseing gi nanu" ri thougtheung sagse: kham loo wa tam" gyoo: ge'- nyang: gi mougkhung: yhoem: moo" mo tid kaid.

MIKHA 3:8

Hougsu: danghoid loug we' Aseing gi ngoo ri nya: yoem: so' Venyi yo' byeung" nhang: lho: nyeung veung" tarha" ri yo" si' nhang:- Israela byumyu" yiri nyangnu" da" yooboo ce: noem nghoid ga: ziri voem" tid kyoo" wa da" yoem: vhoo" ri byid: wa zi nghoid.

MALAKHI 1:6

Yoem: moo" bo da" Aseing Mangsoo gi khainjung yiri hid su" ga: tid- «Zooshang: gi nya: phoo ri phau" myang:- join we' nya: yhoem: seing: ri phau" myang:- nanu" da" nya: phoo gi ngoo nghoid ri ngoo ri khanham phau" myang: yu" go" lha". Ngoo gi nanu" da" Aseing nghoid- khanham gyoug phoug" yu" go". Nanu" gi ngoo ri aphoug" akhyoid koid lho: ngoo gi nanu" Aseing nghoid ri khanham gyoug phoug" yu" go". Nanu" gi ngoo ri aphoug" akhyoid koid lho: ngoonu" gi Aseing ri arui" yu"» ga: we' datid ashi" go".

ACTS 4:20

Khasu" wim gari ngoonu" gi ngoonu" nyang: shau" myang bye: da" khyoo: joem yo' shau" gyo: da" khyoo: joem ri atid loo : ayo" nyid ga: wigi phoug tu" ago".

TARHA" TID POIN" 1:31

Nya: phoo gi nya: zoo: ri vu, ci: ziyo' dayhang: ti" he: joyoo khyoo: ju" sho' khyoo: cang wigi nyang: nanu" ri goug: nyu: tung" za: shu" lo ziri nanu" myang lo abye:.›

TARHA" TID POIN" 30:19

Akhid" ngoo nanu" ri kangso' dei ziyo' shid: zi Mangso da" mainkaid jeju" yo' Mangso da" nheing" khoin" moo khyen: yu wa byid: too" bye:. Houg: lho: nanu" khyen: yu ziri sagse: bue" wa shid re" mougkhung: yo' myidjang ri ngoo yoid bye:. Kangso' ri khyen: yu ge'.

TARHA" TID POIN" 32:1

«Mougkhung: yo' myidjang we" nga" dang: khoin" ri tam" gyoo: we'. Ngoo tid ziri nyheing" za: tam" gyoo: we'.

TARHA" TID POIN" 4:26

Nanu" nga" amyeing" dang: ri atam" gyoo: goo" nghoid rigi nanu" hau: mung" moo amyang ” ri bei: lo" boem goo" wa ein: akhid" nyid" nanu" shid moo sagse: khyo" wigi ngoo gi mougkhung: yo' myidjang ri khe: wigi tid bye:. Yodan gyid lang ri gu: dab wigi nanu" yhe: seing: yu wa da" mung" moo nanu" gye" myang" sho' anyid boem goo" wa. Nanu" gi bain sho' said toem" pyam zi shau" boem wa zi nghoid.