Ephesu 6:9 - Lacid Common Language Bible

⁹ Yhoem: seing: yi we"- nanu" we' houg: yo' dakhyoo" ti"- nanu" da" join, yi tho' moo cang zei: so" nyid ge'- nyangnu" ri kyoug nhain' khyoo: no: pyam' ge'- nanu" yo' nanu" da" join, yi gi moug: khung: mo Aseing: dayug yo' za: sen: bang: nghoid- hau" aseing: gi yug khang" moo" ri myonhoo: akhyin: loo: za: tarha" dang: phyed' nyid su: nghoid ziri myid boin: nyid ge'.

Ephesu 6:9 ပူးပေါင်းရင်းမြစ်များ

NEHEMIA 5:5

Ngoonu" gi ngoonu" da" bidnoem seing" cang" Yuda yi yo' dakung: kyeing" danghoid. Ngoonu" da" zooshang: yigi nyangnu" da" zooshang: yi yhi' age boem anghoid re". Nghoid loug we' ngoonu" gi ngoonu" da" zooshang: yiri join bui" nhang: ca" bye:. Ngoonu" da" myiyi: zoo: yi dayham" rigi join khyo" bain oung" zo: pyam bye:. Ngoonu" ri pang" thoug wa zi ajo,. Ciwim gari ngoonu" da" yoo joem yo' zabyid khyam: joem ri ngoonu" mo yu pyam byid: zi shoug" bye:» ga: tid boem.

YOBA 34:19

Nyang: gi mung" vhoeb zoug: yi thang: khyoo: adab. Myung bang: ri to" wigi yoo" bang: shoid myonhoo: byid: zi anghoid. Ciwim ga ri nyang: gi yugkhang" moo" ri phain" so: to" da:.

COUNG" NGHEI 140:12

Aseing we"- nang gi sho" jhen mo, da" sei: yo' ca" yo nyid mo, da" yoo" moin: da" khyoo: joem ri goem loem byid: nyid khyoo: ri ngoo se' nyid.

PHAJHI" DANG: 5:8

Asuya wigi myung shoo" mo, ri doin: zeig lho: nyangnu" shid re" tarha" deing byeung" ziyo' nyangnu" yoo" eung: da" akho: akhang" ri abyid: ziri shau" myang ri ayu" moug". Gyizoug: khang" moo" ri nya: dang mo su: wigi goem loem byid: lho: nya: eig yug goin" ri je gyi: da" zoug: wigi goem loem byid: to" ago".

ESAIA 47:6

Ngoo gi nga" byumyu" yiri nheig yo: lho: nyangnu" ri nga" byu yi anghoid lo: da" khyo" koid wa. Ngoo gi nyangnu" ri re" yoem: so' khoug: moo kaid byid: bye:. Nang nyangnu" ri nheig khyeug myid aci: shug byid: nghoid da:. Apyaid gyi: bang: rilang" nang thain: thain: koid da:.

DANIELA 3:15

Akhid" laboo"- khoolhang- teing shi- jhabceing yo' gootu: baid myheing ja: thui: ri shoug" gyoo: yo' dage" soolhoo: ri goeb pid no' byid: we'. Nanu" hougsu" akoid nghoid rigi nanu" ri akhid" nyang: gye" dab nyid da" myikhyoem moo" khoug: khyoo: du" zei kaid zi shoug" goo" wa. Nanu" ri yo" khyoid yu da" yu phara" nyid ein: jhoo: go" rhe"» ga: tid da:.

DANIELA 3:6

Agoeb pid ano' bang: hang" ri nghoid loug we' gye" dab nyid da" myikhyoem moo" khoug: khyoo: hougjang: nyang: du" zei kaid zi shoug" wa» ga: nyho: tid ago".

XOIN" NGEI" 19:13

Dayug yug ri afain" zoo: goo". Anghoid lang" nya: jonu" ri alhoid yu goo". Nang vhoo" kung: lhung: to" yug da" vhoo" kung: phoug" ri azei zeing ci:. Damyen koo: we' azei zeing ci:.

MALAKHI 3:5

Yoem: moo" bo da" Aseing gi hidsu" ga: tid nyid «Ngoo ri dang: phyed wa shid re" nanu" da" mo, phung: gung moo thu myang loo wa. Fa" zo: yen" mo, soem" lid shoo: mo, adeing amain" khyo" jham' tang: mo, vhu" kung: yiri vhu" kung phoug" ashang" mo, coug" zoo: cougmoo" yi yo' being" voo yiri doin: zeig zoo: mo, -ngoo ri aphoug" amyang: mo, dangain" ziri vhu" zhug lho: yooboo dang: phyed wa zi nghoid.

MATHE 22:10

Dei zoo: yi gi khyoo: cang thu' yhe: lo" lho: shau" go" da" byu gi byugang: dangain" ri khe: shu" lo boem bye. Houg: yoomo loxo' da" yab, moo" khoug: moo meing" byu byeung" sho' zhoung: jo, boem bye.

MATHE 22:8

Hau: thang: ri dei zoo: yi ri doem khe: yu lho: ‹loxo' pui" zeing gi bain jen" jo, nghoid loug we' khe: too" mo, gi he: pui" yo" amoin: yi boem-

MATHE 24:48

Nghoidloug we' hau: da" deizoo: gang: dayug gi nya: yhoem: seing: gi myab doem loo wa zi anghoid- myang" shi wa ga: myid nyid.

MATHE 24:51

Nyang: ri eig du khyo lho: ayid void mo kham: zo: wa da:- amyen, akhyoid da" dam kham: nhang: wa nghoid. Hau: jang" moo ngoug byid' ngoug nhab' yo"- zei yang: kyeig ga: ngau nyid wa.

MATHE 7:12

«Subi" nanu" ri pang" thoug byid: wa nanu" vho: nyid ziyo' dakhyoo" ti"- subi" ri we' nanu" cang pang" thoug ge'. Hau: da" zigi toung: to" da" tarha" yo"- lapi: yi da" dang: gung nyang: nghoid bye.

LUKA 6:31

Nang ri subi" zei: byid: zi vhoo: yhangti" subi" ri we' nang houg: su" zei: byid: we'.

YOHAN 13:13

Nanu" gi ngoori sara: ga: we' Aseing: ga: wigi we' lhoung yoid ago". Houg: yo" dakhyoo ti"- ngoo nghoid bye:- nanu" yoid da" khyoo: we' gye du da" khyoo nyang nghoid bye.

ACTS 10:34

Houg: lang" Petru gi Mangsoo gi yug khang" moo" ri myonhoo: vhuzung akhyen: loo: za: koid nyid ziri akhid" ngoo gyeing" nyang: si' bye.

Roma 2:11

Phoo Mangsoo: gi byu xang: su dangain" ri dakhyoo" ti" tarha" dang: phyed' loo wa zi nghoid.

1Korinthians 1:2

Korinthu voo mo Mangso da" phung moo: boo mo, yo' joyoo khyi, khang" moo" mo, ngoonu" yo' nyangnu" da" Aseing: nghoid nyid da- Aseing Yesu Khirstu ri noku loem khau: da- Yesu Khristu khyo" wigi: Mangso da" gyeungshang: byumyu" bue" loo wa shid re" khe: yu zi shoug" bang: dangain" mo, jhang khyoo: dang: pyeung: kaid.

1Korinthians 7:22

Khasu" wim gari- join danghoid nyid uri:- hau: Aseing wigi: khe: yu zi shoug" su: gi Aseing da" loid byoin byu nghoid bye. Houg: yo' dakhyoo" loid byoin bye: byu dayug nghoid uri:- Aseing khe: yu zi shoug" su: gi Khirstu da" join bue" loo bye.

TARHA" TID POIN" 10:17

Nanu" Aseing Mangsoo gi yu phara" dangain" tho' moo we' yoem: so' dangain" tho' moo we' je" gyi: myhang: su: nghoid. Nyang: gi gyi: sheung: ziyo' yoem: bo yug nghoid lho: nyang: gi phau" myang: moin: su: nghoid. Nyang: gi myonhoo: akhyen: nghoid da:. Nyang: gi khougvhoid jhungshug we' akham yu nghoid da:.

KOLOSE 3:25

Adeung amain" khyo" koid nyid da" byu yug khang" moo" ri nyang: koid nyid adeung amain" da" moo" zo" shid re" latoo: doem, phoug zi shau" zoo: wa nghoid- khasu" wim ga: ri Mangsoo gi tarha" dang: phyed khyoo: moo myonhoo: khyen: nyid su: anghoid.

KOLOSE 4:1

Yhoem: seing: yi we"- nasnu" we' moug: khung: tho' moo Aseing: dayug nyid ziri myid boin: zoore"- nyang: tu: nya: da" join, yi ri dei nhang: zo: nyid da" khyoo: moo yu" tu, lho: tarha" ziyo' nyeung veung" dain: khyo" dakoid nyid ge'.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

YAKU 2:8

Nanu" gi nanya: yhoem: kyoo" cang" ri nanya: gung yo' dakhyoo" ti"- jheddab goo" ge' ga: bo da" dang: ri cang lo" rigi ge zi nghoid.

YAKU 5:4

Nanu" gi nanu" nya: da" tung yoo yoothung" joem moo moo" zei: nyid da" byu yi gi ce" vhu" kung: phoug" we' ashang" kaid boem. Nyang: nu" nheig yoo: nheig jhug nyho: nyid thui: ri tam" gyo: yu" ge'. Nanu" da" shivoo: shiloem, shung: byid: nyid mo da" thui: gi athang agoin da" yoem: moo" bo da" Aseing: Mangso nukhyab' moo khyang: vang loo" bye.

1 SAMUELA 15:17

Samuela gi «Re" gung nyang: ce: yhouggyen: anghoid ga: myid ngham" nyid nghoid loug we' nang gi Israela byumyu" akung: ako' yi' da" vhujhung: nghoid nyid da:. Aseing nang ri Israela byumyu" yi da" khokham koid nhang: wa mainkaid xu: foid shoin" byid: bye: da:.