Ephesu 6:4 - Lacid Common Language Bible

⁴ Myhi, phoo yi we"- nanu" da" nya: zoo: yi ri nheigloem: yoin" wa khyo" ci" we' akoid byid nyid goo"- hau" gung khoo:- nyangnu" ri Khristain byu nyid byu yab, khyoo: khyo" jhau" mo, khu: gyi: kaid' ge'.

Ephesu 6:4 ပူးပေါင်းရင်းမြစ်များ

KOLOSE 3:21

Myhi, phoo yi we"- nanu" da" nya: zoo: yi ri nheigloem: aze" sho" nyid goo"- houg: su" koid lang" nyangnu" gi nheig nge yoem: gyau: lo" byug boem wa zi nghoid.

DANG: ZHOEM 22:6

Zooshang: ri nyang: cang ge da" khyoo: ri jhau" byid: we' Houg: lang" nyang: gi dapyaid goin" xoem" ci: wa zi nghoid.

DANG: ZHOEM 29:15

Yooboo ayang: toin" shed ziyo' tarha" ri cang nhang: nyid zigi zoo shang: me" shid re" ge zi nghoid. Zooshang: mi" gi nyangnu" vho: khyo" za: yhe: lo" nghoid rigi nya: mhyi, ri sho' phu" nhang: loo wa.

DANG: ZHOEM 19:18

Re" da" zoo: yiri: jhau" yu gi, shi"- da" ayo, moo: jhau" byid: we' Hougsu" ajhoug ” shed nghoid rigi nyangnu" nya: gung ri lhu: phyo' wa shid re" yoem: byid: nyid su: nang nghoid.

TARHA" TID POIN" 6:7

Nanu" zoo: yiri hid: joem ri jhau" byid: ge'. Nanu" yhoem: moo we' nanu" gyung: khyoo: moo we' nanu" theing: nyid uri we' nanu" moo" zei: nyid uri we' hau: joem ri pug loo: pug jhau" byid: nyid ge'.

DANG: ZHOEM 29:17

Re" zoo: ri tarha" cang wa shid re jhau" mho' we' houg: lang" nang gi nya: yooboo ri khanham we' shau" myid boin: loo wa nghoid. Nyang: gi nang ri sho' aphu" nhang: wa nghoid.

2 TIMOTHI 3:15

Nang gi zoonu" pyaid mo nyang:- se' da" akhyoo" bo jo, wigi Khristu Yesu ri loem" jeung" khyoo: yoomo khyoid yu khyoo: ri shau" yu wa shid re" khyoo: shed' vhu" she: da" hau: gyeungshang: da" jhoem: mougsoug" ri goolhoo" za: si' bye: su nghoid ziri we' daboin: nyid we'.

APOEM AYANG: 18:19

Nyang: gi nya: zoo: yi yo' amyed ashen yigi ngoo ri phau" myang: lho: jo da" khyoo: yo' deing byeung" da" moo" zei: wa shid re" tid wa su: khyo" ngoo gi nyang: ri khyen: too" bye:. Nyangnu" tam" gyo: boem nghoid rigi ngoo we' nya: shid re" dangain" koid byid: wa ein: ngoo dangsoo" byid: too" bye:» ga: tid.

TARHA" TID POIN" 4:9

Nanu" nya: myojid" yo' myang bye: ziri nanu" dei nyid da" ayo, gu: moo ato" myhid pyam loo: lhid zid" lho: xoem" too" ge'. Sina boem moo nanu" Aseing Mangso shidkhoin" moo nanu" yab jo, boem da" bidnyid moo nyang: ngoo ri tid da" khyoo: ri nanu" nya: zoo: yi yo' nanu" nya: myid: yiri tid kyoo" ge'. Houg: dang: gi ‹Byumyu" yiri zheing" foem: too" ge'. Ngoo gi ngoo tid da" dang: nyangnu" ri gyoo: nhang: nau. Hougsu" nghoid ri nyangnu" gi nyangnu" dei nyid da" ayo, goin" moo nga" dang: ri se' tam" gyoo: wa shid re" nyangnu" jhau" yu go" wa ziyo' nyangnu" da" zoo: yiri we' dayhang: ti" za: yo" jhau" byid: wa zi nghoid› ga: tid da:.

2 TIMOTHI 1:5

Nang gi re" phyid" Lu-i yo' re" myhi, Uni moo xang: shed" bo jo, afain" avo da" - loem" jeung nheigloem: nang moo bo jo, ziri ngoo boin: nyid. Nya: eig yug moo bo jo, da" loem" jeung" khyoo: gi nang moo we' bo jo, wa ziri ngoo loem, nyid.

DANG: ZHOEM 22:15

Zooshang: mi" gi anghoid akhuang athoug" akhyoug: khyoo: za: lhoung se' koid ago"- jhau" mho' da" voosi" koem gi nyangnu" ri goolhoo: za: se' nyid yab goo" wa shid re" jhau" shed byid: nyid.

1 KHOKHAM MHOOMYID: 28:20

Khokham David gi nya: yuggi zoo: Sholumon ri «Voem" myid yo' myid phyed we'. Moo" zei: shid we' ce: ja: wigi we' nang ri atoem' pyam nhang:- ngoo dei byid: da" Aseing Mangsoo gi nang yo' dage" nghoid loo wa. Nyang: gi nang ri ashe: pyam too" wa. Nyang: gi nya: Noku Yhoem: Moo" koid da" moo" bain da" ayo, ju" sho' nang yo' dage" nyid nyid wa.

ESAIA 38:19

Akhid" nang ri ngoo coung" byid: ziyo' dakhyo"- dei nyid da" bang: gi nang ri coung" byid: nyid ago". Nang khayhi' jhug zug da" khyoo: ri nya: myhi' phoo yigi nya: zoo: yiri tid kyo" ago".

YOSHU 24:15

Nanu" nyang: ri anau dei byid: goo" nghoid rigi hang" ri dei byid: wa khyoo: ri akhid" nyid" myid phyed ge'. Mesopotamia mung" mo nanu" phoug" phyid" yi no' lo da" yu phara" joem anghoid lang" nanu" akhid" nyid nyid da" Amori byu yi yu phara" joem ri dei byid: goo" wa la". Ngoo yo' nga" yhoem: byu yi koem' gi Aseing ri dei byid: wa.» ga: tid da:.

1 KHOKHAM MHOOMYID: 29:19

Re" amyeing" dang: ja: khang" moo" ri tam" gyo: cang yhe: myid yo' he: ngoo soin' nyheing to" da" Noku Yhoem: Moo" koid moo" ri oung: khoug: nheigloem: dangain" yo' koid wa myid nga" zoo: Sholumon ri byid: we'» ga: coung" bye:.

Ephesu 6:3

Hau: da" dang: soo" gi mougmyid tho' moo kang: sheing: myo, myi: lho: nyid gi nyid de zi shau" wa" ga: zi nghoid.

TARHA" AGYI 13:12

Hau: thang: Mano gi «Akhid" re" dang: joo lang" hau: yuggi zoo: cikoid ca" wa lha". Nyang: khasu" kangso' dei ca" wa lha"» ga: myid: da:.