Ephesu 5:6 - Lacid Common Language Bible

⁶ Hang" wigi we' adu: adam: wim, da" dang: nanu" ri ayo" jhu, phyo' pyam' nhang: goo"- Khasu" wim gari hau" khyoo: joem yoomo Mangso nheig khoo" yo: da" khoo: gi atam" gyoo: acang loo" mo, da" atho' moo gyoo" loo wa zi nghoid.

Ephesu 5:6 ပူးပေါင်းရင်းမြစ်များ

2 KHOKHAM 18:20

Nyang: gi «Nhoid dang: thui: gi gyi khaid kung ziyo' yoem: yoo" goo" wa ein: nanu" soin: go" rhe". Asuri ri thougtheung gyi koid jang" moo nanu" ri hang" bo pang" byid: ri" wa ein: soin: go" rhe".

COUNG" NGHEI 78:31

Hau: uri Mangsoo gi nyangnu" ri nheig yo: wigi Israela da" yoem bo thang zoolu: yiri nyang: said toem" pyam byid: bye:.

YEREMIA 27:9

Nanu" da" lapi: yi dang: ri atam" gyoo goo". Dayug yug yhoebmo, khyo" shid: bang: da" soobyoo ri khe: da" khyo" fa" da" khyo" ju" loo wa ayo, shid re" lapi: yo" pe: ga: tid su: da" dang: ri we' atam" gyoo: goo". Nyangnu" dangain" bang: gi nanu" ri Babelon khokham da" lo, khoug: moo: anyid wa shid re" tid ago".

YEREMIA 29:31

He: Shemaia khyoo: yo' sen da" mungdang: ri Babelon mung" moo nyid boem da" thung: byu yi dangain" ri foin: kaid wa tid da:. Hau: zigi «Ngoo Aseing gi Shemaia yo' nya: amyed ashen yiri yooboo dam byid: wa. Nyang: ri ngoo anhang: kaid nghoid loug we' nyang: gi lapi: yhang: ti" nanu" ri dang: ji wigi mhau' dang: ri nyang: nanu" ri loem" nhang: da:. Nyang: gi nanu" phung: gung moo amyed ashen yi ayoo" goo" wa. Nyang: gi nga" byu yiri ngo wigi koid byid: wa da" ge da" ja: yo" myang sho' ayo" dei nyid wa. Ciwim gari nyang: gi nyangnu" ngoo ri thougtheung wa shid re" tid da:. Ngoo Aseing tid too" bye:» ga: tid.

YEREMIA 37:9

Nanya: gung ri Babelon byu yigi adoem ju" ri" wa ga: myid jho: yu wigi mhoug zo: zi ashoug" wa shid re" ngoo Aseing tid poin" byid: bye:. Ciwim gari nyangnu" ju" re" boem wa zi nghoid.

MIKHA 3:5

Nga" byumyu" yigi ngei byid: mo, rigi myenjham" khyoo: yoo" wa ga: dangsoo" byid: da" lapi: yi wigi mhau' jhoem" zi shau" ago". Nghoid loug we' ngei abyid: mo, rigi gyi khyo" kyug nhain' ago". He: lapi: yiri Aseing tid zigi

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 24:4

Yesu phoug gi «Nanu" ri hang" we' ayo" jhu, phyo' loo" baja" zid" nyid ge'.

MARKU 13:22

Mhau da" Meshia joem yo' mhau' da" lapi: apyeug joem thu lo boem wa nghoid. ge bue" nghoid rigi-nyangnu" gi Mangsoo khyen: yu too" bye: mo, ri lang" yo" shu" vhang: loo" sho' ga: alhoo: again aja: ja: yo' mau" pho" moozoo" aja: ja: toin" shid' loo goo" wa.

MARKU 13:5

Houg: lang" Yesu gi nyangnu" ri nanu" ri hang" wigi we' ashu" vhang: loo" goo" baja"- lhid' nyid ge".

Roma 1:18

Deingmain" da" khyoo: ri - byu yi asi wa shid' re" toem' jhed' to" da" - agyeing" ashoeb' da" yooboo dangain" ri moug: khung: mo Mangsoo: nheig no yo: khyoo: ri pang shug nyid ziri se' lo boem bye.

KOLOSE 2:18

Ladu lid' sho' shoid vhang: da" khyoo:- nyang: tu: nya: da" gung du: ri khyo, nyhoem: pyam' wa ziyo' moug: lagyoo: yi ri no" ca" ga: goozu: xen, da" yoeb, myang yo" we' shoid vhang: da" khyo, nyhoem: khyoo: moo nyhen" zei: nyid bang: yo' moug: lagyoo: yi ri noku da" khyo" we' nyang: nya: gung du: ri dangain" tho' moo je" nghoid thang su: ga: khyo" tid phau: nyid mo, -hang" su: wigi we' nanu' ri yoobo dang: phyed' wa da" akhang" abyid: goo"- Houg: yhang: te" da" byu yi gi ce: sei abo da" xang: su: myid soin: khyo" nyang: nya: gung ri tid phau: yu lho.

KOLOSE 2:4

Xo, lho: ngoo nanu" ri tid nau zigi gye" jo yhang: ti" du nyid nghoid loug we' shoid da" ngeug se: dang: khoin" joem yo' hang" wigi we' nanu" ri ajhu, phyo' nhang: pyam goo.

KOLOSE 2:8

Khristu da" akhyoo" shed' to" ziyo' dakhyoo" ti"- anghoid loo: za: byu xangsu: yi da" akhyoo" shid' khyoo: mo thu' da" jhau" shed' dang: joem yo' dei moo dei nyid moo nyid ri vhoeb khang" da" yu join: joem jang" mo thu' lo da" jhau" shed' dang: nghoid da" ce" akyu" we' abo mhau' fain" da" xangsu: phajhi" yo' hang" wigi we' nanu" ri join, akoid nhang: pyam' goo"-zed" lhid" nyid ge'.

KOLOSE 3:6

Houg: yhang: te" da" khyoo: joem ri koid nyid boem yoomo nyang: ri atam" gyoo: bang: da" atho' moo Mangso da" nheig khoo" yo: khyoo: gi ju" ri" wa zi nghoid.

2 THESALONI 2:3

Kha: khyo" nghoid loug we' nanu' ri hang" wigi we' ayo" mhoid" goo" baja"- khasu" wim gari thang" thang da" Mangsoo ri gyi koid zi abui" shi" ri ngarai" mung" khyoo: khyo, pyam' zi shau" wa nghoid nyid hau: akhyeung" su: athu' loo shi" da" uri hau" bidnyid ju loo zi anghoid.

HEBRE 13:9

Shid' phyang" alhoung myang yu"- alhoung gyo: yu" da" jhau" mhoo, byid: da" khyoo: joem ri tungbau byumyu" yi gi nanu" ri hau: deingmain" khyoo: mo ashu" hang: lam" loo" nhang: goo. Zoo: noem, yo' sen: da" cang yhe: tarha" ri tam" gyo: cang pyeung khyoo: anghoid loo: za: Mangso jeju" mo yoem: so' ri yo" kham: yu zigi je ge zi nghoid.

HEBRE 3:19

Nyang: nu" gi aloem" ajeung" boem yoomo hau: mung" khyoo: ayo" vang lo" boem ziri ngoonu" myang se' boem bye. .

1PETERU 2:8

Gootu: da" jhoem: mungdang: daloem: moo gi hau: lug loem: gi byu yi ri khyid: vhu" thoung" leung nhang: da" lug loem: yo' nyangnu" ri leung loo" nhang: da" lug zeing ga: lhid" to". Houg: bang: gi Yesu da" lu dang: gi, ri atam" gyo: boem yoomo thoung" thue: leung lo" boem bye- Hau: khyoo: koem gi Mangsoo nyheung to" da" khyoo: nghoid.