Ephesu 5:4 - Lacid Common Language Bible

⁴ Aved avhu: da" khoin" co' dang- anyhoin: athoung" da" dang: co, joem- kyang: da" dang: ri tid wa shid re" we' nanu" shid re" adu nghoid da- hau: gung khoo: nanu" gi Mangsoo ri jeju" daboin: nyid ge'.

Ephesu 5:4 ပူးပေါင်းရင်းမြစ်များ

COUNG" NGHEI 33:1

Deung byeung" bang: dangain" mo, we' Aseing koid bye: da" moo" zo" shid re" ngei pyo: ziyo' yoid phau: nyid we'. Nya: dang: tam" gyoo: bang: dangain" mo, we' nyang: ri coung" nghei we'.

COUNG" NGHEI 92:1

Aseing we" nang ri jeju" boin: khyoo: gi gye" ge nyid myhang: thang da" Mangsoo we"- re" da" myonhoo: phung" yoeb shid re" coung" nghei jihkoin" khoin" lho:

DANG: ZHOEM 12:23

Nheigloem: vi" sho' myang kaid bang: gi nyangnu" se' da" khyoo: ri yhoem" to". Nghoid loug we' koopyoid joem gi nyangnu" koo" da" khyoo: ri tid fu" nyid.

DANG: ZHOEM 15:2

Phajhi" boo bang: dang: tid kaid ri nyangnu" gi lasi phajhi" ri gyo: ngei tung" se' tid ago". Byugang: yi koem gi ce" akhyoo" abo da" dang: ri tid shoin" nyid ago".

PHAJHI" DANG: 10:13

Nyang: gi anghoid akhuang da" dang: tid shid" wigi lo" thang moo koodoug: moo" cen: cen: moo tid thang da:.

DANIELA 6:10

Hau: amyeing" ri lo, xoem" lhid" bye: ga: ziri Daniela shau" gyo: yu lang" yhoem: khyoo: lo da:. Nya: yhoem: tho' pyam: mo yab dayab moo Yerusalem shoid khyoo: shu: to" da" bangzoo: khoem" joem dab da:. Hau: joyoo moo nyang: khanham we' lhung koid nyid ziyo' dakhyo"- bang" jo, da" bangzoo: khoem" moo poid thug thug lho: danyid" ri soem" lheing: lheing: Mangso jhang akyu" mho' da:.

MARKU 7:22

Myi: lhoid lang lhoid go zi jhu phyo' go" khyoo: - mhau' nyam khyoo:- myed, nau: zi gei sang: khyoo:- nghoid boin: ziyo' akoo" apya doid koid da" khyoo: yo' age khyoo: myoo" sho' thu' lo nyid zi gi

YOHAN 6:23

Nghoid sho, loug we-Tiberi voo mo lo da lhid joem giAseing Yesu da Jeju" ri coung" nghei lho:-Byu phung: yi ri zooyho, gam, zho" da jo, yoo nam moo-ju" lo" abye: go".

Roma 1:28

Xangsu: byu yi gi Mangsoo: vho: zi ri ashau" myid boem yoomo - Mangsoo: gi nyangnu" ri she: pyam' to" wigi - nyanu" gi deingmain" khyo" ayo" myid yu boem loo: yoomo akoid' eung: da" moo" ri koid' lo" boem bye.

2~KORINTHU 1:11

Houg: yoomo Mangsoo gi ngoonu" hougsu" akyu" mho' da" dang: ri tu" byid: wigi - ngoonu" ri mainkaid jeju" byid: shi" wa zi nghoid. Byu myoo" sho' mo, we' ngoonu" kham: yu bye: da" mainkaid jeju" yoomo jeju" ri coung" nghei nyid boem wa zi nghoid.

2~KORINTHU 9:15

Aphoug" atho' phyed da" Kangso da: jeju" jhung: shug jhung: lang: joem yoomo nyang: ri coung" nghei nyid boem shang o".

Ephesu 1:16

Nanu" da" shid mo Mangsoo ri anoo: ayab, jeju" boin: zoore"- nga" akyu" mho' jang" moo nanu" ri daboin: so" nyid.

Ephesu 4:29

Subi" ri noo, nhang: da" dang: dakhoin" we' nanu" da" nhoid mo athu' nhang: goo"- tam" gyo: nyid bang: akyu" yoo" sho' byu yi ri yo" se' koid so' nyheing byid: ziyo' ca" yo nyid mo, ri yo" pang" thoug byid: da" dang: gi, riza: da tid nyid ge'.

PHILIPI 4:6

Ce" khyoo: moo we' myid' amyo: nyid goo" nanu" da" akyu" mho' dang: khoin" khang" moo" moo-khanham we' jeju" boin: so" nheigloem: yo' nanu" ca" vho: khyoo: dangain" Mangso jhang mho' nyid ge'.

KOLOSE 3:8

Akhid" koem gi nheig yo: zi nheig no, nyang: yo: khyoo: anoug angei da" nheig loem-yooboo ri xoem" to" khyoo: sube" da" gei, sang: shang pyang: ziyo' khoin" co' loeb, khyoo: ri nanu" da" nhoid mo athu' nhang: loo: go.

1THESALONI 3:9

Akhid" koem gi nanu" yoomo ngoonu" da" Mangsoo ri jeju" boin: coung" byid: nyid boem bye- nanu" yoomo Aseung: da" shid' khoin" moo ngoonu" yo" yu da" ngei bu: khyo: shid' re" ngoonu" nyang: ri jeju" yo" boin: coung" ngei nyid boem bye.

1THESALONI 5:18

Khyoo khaid gu khang" moo" moo jeju" boin: lho: coung" nghei nyid ge' hau: zigi Khristu moo nanu" da" kangso' dei da" khyoo: yo' sen: lho: Mangso d" myid vho: khyoo: nghoid nyid.

PHILIMON 1:8

Khyoo" he: khaid yoomo Khristain mang: nhung" dayoug khyo" wigi nang zei: ca" da" moo" ri zei: wa shid re" asho' agyug loo za: zei: nhang: da" dang: pyeung: kaid.

HEBRE 13:15

Houg: su" nghoid yoomo ngoonu" gi nyang: ri ngoonu" da" Aseing: nghoid ein: yhen: yu da' nhoid joem yo' jeju" ri coung" byid: da" ngoonu" xoin" joem ri Aseing Yesu khyo" wigi Mangso jhang khyoo: khanham we' dangei" byid: nyid boem shang.

2PETRU 2:18

Nyangnu" gi shoid vang: khyoo: dam: dam: lo" byu phung: khoug: mo aseig shi" daloid thu' loo bang: ri ce: akyu" abo da" nghoid boin: dang: tid lho gungshoo" aco' ajhoid da" nheig" loem: yo' lhoem: tau, yu lho: khyoo shu" vhang: lo" boem.

2PETRU 2:7

Nyang: gi tarha" aci: aved asam" byo, yoin" nyid da" byu yi yoomo nheugloem: gye" byo, yoin" nyid bye da" byu ri za: nyang: khyoid yu bye.

YUDA 1:10

Nghoid loug we' byu hid: bang: gi nyangnu" asi ashug" gyo: yu" da" khyoo: dangain" ri rue" ziyo' yooboo foin: pyam' boem. Kyang: da" gougnyhoug joem yhang: ti"- nyangnu" nya: da" nheigloem: khoug: moo akhang: re boo gu ri te: se' gyo: da" khyoo: joem gi nyangnu" lhu: phyo' lhu: shoin' loo" nhang: da" myid' nyain, za: nghoid.

YUDA 1:13

Nyang: nu" gi gye" thain: da" panglai being: mhoid' yhang: ti" du nyid wigi nyangnu" koid da" asho, ashid: moozoo" we' panglai gyid nyoeb, yang: ti" thu' nyid. Nyang: nu" gi akhyoo" acang da" kyimeing: lam" kyi: joem yo' we' du nyid nyangnu" shid' re" Mangsoo gi apyaid' ato: joyoo daloem: ri no, athang da" moug: coid' khoug: moo nyheung too" bye.