Ephesu 4:5 - Lacid Common Language Bible

⁵ Aseing: dayug za: loem" jeung" khyoo: dakhaid za: Babtisma khyoo: dakhaid za: nghoid nyid.

Ephesu 4:5 ပူးပေါင်းရင်းမြစ်များ

ZEKHARIA 14:9

Hau: bidnyid moo Aseing gi moug: gyab goin' jang" moo khokham koid loo wa nghoid. Byu yugkhang" moo" gi Mangsoo ri kyeing" goeb noku lho: nya: myeing ri kyeing" dasi' loo: wa.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

ACTS 10:36

Dangain" mo, da" aseing: nghoid- Aseing Yesu khristu khyo" wigi Israela byumyu" yi ri Mangsoo tid fu" byid: da" ngei pyoo: yug yo ludang: seig nghoid mungdang: ri nanu" nyang: se' abye: go.

ACTS 2:36

Houg: yoomo Nanu" wigi pyang" zeing tho' moo baid' jen" said pyam da" hau: Yesu gi Mangso wigi Aseing: yo' Meshia khyo" tang: too" bye: ziri Israela byumyu" goin" khyag za: se' yu looge' o"- ga: tid kyo" da.

Roma 3:30

Mangsoo: gi dayug kyeing" nyid. Nyang: ri loem" jeung" khyoo: ayang: qei yoomo Yuda byumyu" yi ri deing byeung" mo ga: lhoem: kham yu. Hougsu" loem" jeung" da" tungbau byumyu" yi ri we' deingbyeing" mo ga: lhoem kham yu.

1Korinthians 1:13

Khirstu gi adu, atoem koid pyam' zi shoug" bye: la" (Lo, lhid" khyo" lhed" to" da" gootu: xang: shid" mougsoug" moo- Khristu gi adu, atoem yo" phyed, pyam' zi anghoid ga: bo jo,) Polu gi nanu" shid re" pyeing:" zeing moo: shid: kham: bye: la" Nanu" gi Polu da" myeing khyang" mo Babtisma yu bye: go" la"

1Korinthians 1:2

Korinthu voo mo Mangso da" phung moo: boo mo, yo' joyoo khyi, khang" moo" mo, ngoonu" yo' nyangnu" da" Aseing: nghoid nyid da- Aseing Yesu Khirstu ri noku loem khau: da- Yesu Khristu khyo" wigi: Mangso da" gyeungshang: byumyu" bue" loo wa shid re" khe: yu zi shoug" bang: dangain" mo, jhang khyoo: dang: pyeung: kaid.

1Korinthians 12:13

Houg: yo' dakhyoo" ti"- nyhang" dangain" mo, gi Yuda yi nghoid loug- Yuda byumyu" yi anghoid loug we'- join' yi nghoid loug join' anghoid mo, nghoid loug we'- Venyi: dayug mo za: Babtisma ri zheung: kham' yu lho: dagung dashoo" za: bue" lo boem bye: ziyo'- dangain" bang: da" nheigloem: ung: khoug: moo: hau: Venyi dayug riza: coem, kham: yu boem bye.

1Korinthians 12:5

Dei zhoo' dei jhug wa moo" aja" ja: boo nghoid loug we'- yo" zhoo" yo" jhoug da" Aseing gi dayug za: date: nghoid.

1Korinthians 8:6

Nghoid loug we' ngoonu" shid re" gi phoo, ga: da" Mangsoo dayug za: danyid. Nyang: gi jo, moo: jo, ri phain" too" su: nghoid yoomo- nya: shid re" ngoonu" kangso dadei nyid boem. Aseing Yesu Khristu ga: da" khyoid yu su: we' dayug za: nghoid wigi- nyang: yoomo jo, moo: jo, bue" lo ziyo'- nyang: yoomo ngoonu" kangso dadei nyid boem.

2~KORINTHU 11:4

Khasu" wim gari nanu" jang" moo byu dayug yug ju" re" wigi ngoonu" akho" kyo" yu" da" gootu: Yesu dayug da" khyoo: kho" kyo" da" uri nanu" gi goug goug yi yi loem: kham: yu ago". Hau: lho: nanu" gi ngoonu" jang" mo, yo" kham: yu bye: da" Venyi yo' ngeibu: ludang: ri to" pyam lho: adu go" da" Venyi yo' ngeibu: ludang: ri lhoem: kham: yu nyid goo" nhung: lha".

GALATI 5:6

Khasu" wim gari ngoonu" gi Khristu Yesu moo nyid nyid beom nghoid rigi athang: yham" ziri kham, akham' ein: zigi ce: ayhoug: gyen:- yhoug: gyen: da" khyoo: gi jheddab myid ri ci: lho: loem" jeung moo" zei: khyoo: nghoid.

Ephesu 4:13

Hougsu" nghoid yoomo ngoonu" da" loem" jeung" khyoo: khyo" we' hau: Mangso nya: zoo: ri se' loo bye: khyo" we' ngoonu" nyid, moo nyid bang: dangain" gi dagung dashoo" za: bue" lo wigi ngoonu" gi Khristu da" joeb, byeung"- myhang: thang da" gung du: laki, moo myhi: sho' nheig boo ung: gyeung: gyi: myhang: loo mo, bue" lo" boem bye.

PHILIPI 2:11

Phoo, Mangso da" myo, nhoo" phung" yoeb shid re" Khristu gi Aseing: nghoid nyid" ga: wigi yhoo: dab, moo dab, gi tid fu" yhen: yu nyid boem wa nghoid.

PHILIPI 3:8

Mau: tho' moo gootu- nga" da" Aseing Yesu Khristu ri yo" se' boin: gyeung: lo da" khyoo: gi gu, jhoo: aphoug" dangain" tho' moo je" phoug" dab, thang zi nghoid yoomo ngoo yoo" mayoo" dangain" gi soem" pyam' bye" ein: soin: pyam bye- ngoo yoo" mayoo" dangain" gi soem" pyam bye- ngoo Aseing: shid' re" nga" ziyoo jonu" dangain" ri she: pyam' bye- Khristu ein: da" amyaid' ri yo" yu wa ziyo' Khristu yo' dadeing: daloem: za: yo" bye" loo" wa shid re" jo, moo jo, ri joid' nhoin soid' boem ti" soin: pyam bye.

TITU 1:1

Mangso join yo, Yesu Khristu da" lagyoo: ngoo Polu gi mougsoug" lhid" kaid. Mangsoo gi nyang: khyen: yu byu yi da" loem" jeung" khyoo: ri pang" thoug byid: wa shid re" we' Yha" da" loem khau: khyoo: moo jhoug" byid: da" deingmain" khyoo: ri shau" se myang sho' khyoo: toin" shid wa shid re" we' ngoori khyen: yu lho: nhang: kaid bye.

TITU 1:4

Loem" jeung" khug: moo nga" zoo: gyeing" nyang: nghoid nyid da" Titu jhang khyoo: ngoo he: mougsoug" ri lhid" foin: kaid. Phoo, Mangsoo yo' ngoonu" da" khyoid yu Aseing Yesu Khristu gi nang ri jeju" yo' ngei pyo: khyoo: byid: nyid baja o".

HEBRE 13:7

Nanu" ri Mangso mungdang: tid kyo" lid loo bye: da" shid' phyang" mo nanu" da" khyoo: shed' vhu" she: loo bye: mo, ri myed boin: nyid ge'. Nyangnu" khasu" kang: so' dei nyid boem lho: Khasu" shid: lid no lid lo" boem ziri myed boin: myed so" wigi nyangnu" loem" jeung" lo da" akhyoo" joem ri khoo" shid: yu" yu nyid ge'.

HEBRE 6:6

Nghoid loug we' nyangnu" gi nyang: nya: da" loem" jeung" loem, khau khyoo: ri she: pyam boem bye- nyangnu" gi Mangso da" nya: zoo: ri pyang" zeing moo dalheing: doem baid jen" lhang" lho: mung" byu yi da" shid' khoin" moo aphoug" akhyoid' sho' thu' nhang: boem yoomo nyangnu" ri nheigloem: doem thed' loo wa da" shid re" gi kha: su" we' age bui" loo.

YAKU 2:18

Nghoid loug we' byu dayu yug gi loem" jeung" nheigloem: bo lho: gootu: dayug gi moozoo" bo ga: dang: gain' ze nghoid rigi moozoo" abo da" loem" jeung" khyoo: ngoori toin" shid we' ngoo koem gi moozoo" khyo" wigi nga" loem" jeung" khyoo: ri toin" shid' ba- ein: ngoo tid ba.

1PETERU 3:21

He: da" khyoo: gi nanu" ri akhid" khyoid yu to" da" Babtisma kham da" khyoo: ri tu, to" alhoo: nghoid- hau: Babtisma kham da" khyoo: gi gung du: mo aco' ajhoid khyoo: ri ced" pyam' khyo" anghoid loo: za: gyeungshang: da" nheigloem: yo' Mangsoo yo' dang: theung thang" cab, zain: go" to" da" khyoo: nghoid- hau: khyoo: gi nanu" ri Aseing Yesu shid: da" jang" mo doem dei to'' lo da" yoem: khyo" wigi hau: Babtisma kham, khyoo: gi nanu" ri khyoid yu bye.

2PETRU 1:1

Yesu Khristu da" join yo' lagyoo: nghoid su:- Ngoo Simun Petru gi Ngoonu" da" Mangsoo yo' khyoid yu da" Asing: Yesu Khristu da" deung byeung" khyoo: moo ngoonu" yhang: ti"- phoug" dab da" loem" jeung" khyoo: yo" yu bye: bang: jhang khyoo:- dang: pyeung: kaid.

YUDA 1:20

Nghoid loug we' bidnoem yi we"- nanu" gi nanu" nya: da" gye" yung" lho' gyeungshang: da" loem" jeung" khyoo; moo ayang: zug jo, lho: nanu" da" kangso' dei khyoo; ri gyi: sheung: loo nhang: ge'. Gyeungshang: da" venyi yoem: vhoo: ri nghe: khau: lho: akyu"- mho' nyid ge'.

YUDA 1:3

Jheddab, da" bidnoem yi we"- nanu" dangain" mo, bain' loem" jeung" kham: yu ci: bye: da" khyoid yu khyoo: ri ngoo gi nanu" jhang khyoo: lhid" kaid' wa shid' re" yoem: kaid' nyid uri Mangsoo gi dalheing: dam nya: da" byumyu" yi ri bain' nyeing byid: too" bye: da" loem" jeung" khyoo: geung: teung jo, baja" ga- loem: zain: oung: myid boem wa shid re" nanu" jhang khyoo: mougsoug" myab, myab, lhid" lho: wigi yoem: byid: ca" khyoo: shau" nyid.