Ephesu 4:4 - Lacid Common Language Bible

⁴ Mangsoo nanu" ri khe: yu da" khyoo: gi nheig byu khyoo: dakhaid moo za: nghoid nyid ziyo' dakhyoo" ti"- gung du: daloem: za: yo' venyi we' daloem: za: nghoid nyid.

Ephesu 4:4 ပူးပေါင်းရင်းမြစ်များ

COUNG" NGHEI 122:8

Nga" bidnoem yi yo' byencang" yi gang mo ngoo Yerusalem ri - ngei pyo: myenjham" khyoo: gi nang yo' dage" jo, baja o" ein: wigi tid bye:.

YEREMIA 14:8

Nang gi Israela da" dakhaid kyeing" da" myidbyu khyoo: nghoid da:. Nang gi ngoonu" ri byo, yoin" lo" jang" mo khyoid yu su: nghoid da:. Nang gi ciwim yoomo ngoonu" da" mougmyid mo being" voo yo" bui" wa la". Ciwim yoomo damyen kyeing" yhoeb lid: lo" da" gyung: soo" su: yhang: ti" yo" bui" wa la".

YEREMIA 17:7

«Nghoid loug we' ngoo ri loem khau: da" yug ri ngoo mainkaid byid: wa.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

ACTS 15:11

Ngoonu" we' nyangnu" yo' dakhyoo" ti" loem" jeing" yoomo Aseing Yesu da" jeju" khyo" wigi khyoid yu khyoo: ri shau" yu boem bye- ga: tid.

Roma 11:29

Mangsoo: gi hang" ri nghoid loug khyen: yu lho: mainkaid jeju" byid: wa ga: bain phyed: to" thang: ri - nheigloem: ase' fain" loo: su: nghoid.

1Korinthians 10:17

Khasu" wim gari- zooyho, dakhi, kyeing" za: dajo, ngoonu" myoo" sho' nghoid nyid boem loug we' gung doem: daloem: za: danghoid nyid boem.

1Korinthians 12:20

Akhid" koem gi akung: ako'' myoo" sho' boo nghoid loug we'- gung doem: daloem: za: date: nghoid.

2~KORINTHU 11:4

Khasu" wim gari nanu" jang" moo byu dayug yug ju" re" wigi ngoonu" akho" kyo" yu" da" gootu: Yesu dayug da" khyoo: kho" kyo" da" uri nanu" gi goug goug yi yi loem: kham: yu ago". Hau: lho: nanu" gi ngoonu" jang" mo, yo" kham: yu bye: da" Venyi yo' ngeibu: ludang: ri to" pyam lho: adu go" da" Venyi yo' ngeibu: ludang: ri lhoem: kham: yu nyid goo" nhung: lha".

Ephesu 1:18

Hau: lho: wigi Aseing: nanu" ri nheig byu khyoo: moo khe: yu too" bye: ziri we' Aseing: gi nya: byumyu" yi ri byid: wa ga: da" mau" pho" jeju" agyid asoo: joem gi -

Ephesu 2:16

Khirstu gi pyang" zeing tho' moo shid: kham: khyoo" wigi nyangnu" da" gyi koid go" khyoo: ri lhu: phyo' lhu: shoin shoem" shoung: pyam lho: wigi nya: da" pyang" zeing khyoo: khyo" hau: byu eig myu" ziri damyu" za: Mangso jhang khyoo: deom shu" loo" bye.

Ephesu 2:18

Tungbau byumyu" yi yo' Yuda byumyu" yi zheung: nghoid da" ngoonu" dangain" bang: gi Khristu da" gung moo hau: venyi daloem: za: yo' Pho, da" shid khoin" khyoo: yo" vang lo" beom bye.

Ephesu 2:22

Khristu yo' dagung dashoo" za: bue" khyo" wigi nanu" we' gootu: da" byumyu" dangain" yo' dage" Mangsoo gi nya: venyi khyo" nyid nyid da" joyoo daloem: byu yi" we' khyo" we' nyheung zhug to" zi shau" boem bye..

Ephesu 4:1

Hougsu" nghoid yoomo hau: Aseing: da" moo" voin vu, da" gang mo thung: oung" jo, su: ngo Polu gi Mangso wigi nanu" ri nyang: khe: yu da" bidnyid moo nyang: ke' too" byid: da" laleig laki, azhang myhi: da" kangso dei khyoo: moo kangso dei so" loo" wa shid re" ngoo nanu" ri joug jhoin" nyid.

Ephesu 5:30

Hougsu" wigi nyhang" gi nya: da" gung du: mo da" akung: ako'' joem nghoid nyid boem.

KOLOSE 1:5

Hau: deingmain" mungdang: ein: da" ngei bu: lu dang: nanu" jang" moo xang: shed" ju" lo da" uri hau: ngei bu: lu dang: wigi byid: lo da" nheig byu joyoo ri shau" gyo: yu" boem bye- (Hougsu" nghoid yoo mo nanu" da" loem" jeung" khyoo: yo' jheddab da" nheigloem: gi moug: khung: moo nanu" shid re" shoung: too" byid: ziri shau" kham: yu wa da" khyoo: nanu" nheig byu joyoo ayang: zug jo.

KOLOSE 3:15

Khristu byid: da" ngei pyo: khyoo: gi nanu' da" nheigloem: ung: khoug: moo davhoeb, khang" nyid wigi houg: gi nanu" myid phyed' pharan da" khyoo: moo khyoo: shed' vhu" she: nyid baja"- khasu" wim ga: ri hau: ngei pyo: da" khyoo: ri shau" kham: zoo wa shid re" Mangsoo gi nanu" ri gung du: daloem: za: khyo" khe: yu bye: yoomo jeju" ri boin: so" nyid ge'.

2 THESALONI 2:16

Yha" da" Aseing Yesu Khristu nyang: yo' ngoonu" jheddab nyid da" phoo Mangsoo gi nya: jeju yo' ngoonu" ri geung: teung da" yoem: vhoo" khyo" ge, lho, da" nheig byu joyoo byid: too" bye.

1 TIMOTHI 1:1

Ngoonu" ri khyoid khyi: yu da" Mangsoo yo' ngoonu" da" nheig byu jang: nghoid nyid da" Aseing Yesu da" khyoo: yoomo lagyoo: nghoid nyid da" ngoo Polu gi

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

TITU 3:7

Houg su" nghoid nyid da" khyoo: gi ngoonu" gi nya: da" jeju" yo' Mangsoo vho: ngei lho: lheom: kham: yu mo, yo" bue" lo wigi ngoonu" myid byu to" da" apyaid ato: kangso ri yo" shau" myang kham: yu wa shid re" nghoid.

1PETERU 1:21

Nyang: mo wigi nanu" Mangsoo ri loem, khau: loo bye- Mangsoo gi Yesu ri shid: jang" mo doem dei to'' loo nhang: wigi myonhoo: phung" yoeb, thu loo nhang: bye- Yesu khyo" wigi nanu" hougsu" loem" jeung loem khau: nheig byu khyoo: gi Mangsoo moo zoug jo, wa zi nghoid.

1YOHAN 3:3

Khristu moo hau: nheig byu jang: yoo" bang: gi Khristu nyang: gyeungshang: nyid ziyo' dakhyoo" ti"- nyang: tu: nya: gung ri we' cid" yung" cid" shang: to" abye: go.