Ephesu 3:9 - Lacid Common Language Bible

⁹ xo' lho: wigi Mangso da: no, thang myid soin' to" khyoo: khasu" bue" thu' loo wa da" khyoo: xangsu: byu dangain" bang: ri myang se' loo nhang: wa shid re" we' Mangsoo gi hau" amyeing" akhang" ngoori byid: bye- jo, moo jo, ri phain" so: to" da" nya: da" no, thang khyoo: ri lid loo" bye: da" pyaid dangain" jang" moo yhoem" to" gyo" loo bye.

Ephesu 3:9 ပူးပေါင်းရင်းမြစ်များ

COUNG" NGHEI 33:6

Aseing gi nya: da" amyeing" yo' mougkhung: mougdi ri phain" so: too" bye:. Bid, kyi: lhammoo" ri we' nya: dang: dakhoin" yo' phain" so: to".

ESAIA 44:24

«Ngoo gi re" khyoid yu Aseing nghoid. Ngoo gi nang ri phain" so: too" su: nghoid. Ngoo gi ja: khang" moo ri phain" so: too" su: Aseing nghoid. Ngoo dayug kyeing" mougkhung: ri nghoeb too" su: nghoid. Ngoo mougmyid ri phain" so: uri ngoo ri hang" apang" byid:.

MATHE 10:27

Moug: coid' moo nanu" ri tid kyo" dang: dangain"- bidbang moo shau" tid kyoo" wa. Nanu" da" nukhyab' moo so' kyo" da" dang: gi yhoemkhung: tho' mo zeig: yoid ge'» ga: kho" kyo.

MATHE 13:35

Hid: su" kho" kyo" da" khyoo: gi Lapi: yi da" dang: moo Nga" da" nhoid phang lho: «dangtu' khyo" ngoo tid wa. Moug: phain" myid phain" da" bidnyid mo wigi yhoem" to" da" khyoo: ri ngoo phoid: kyoo" wa» ga: Lapi: tid to" dang: zung: loo wa shed re" nghoid bye.

MATHE 25:34

Hau: thang: ri khokham" gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" myid aphain" shi" re, nanu" da" shid re" nyheing to" da" Mungdain: ri re" seing: loo ge' ga: tid wa.

MATHE 28:19

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho:

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

YOHAN 10:30

Phoo yo" ngoo gi dagung dashoo" za: nghoid ga: tid.

YOHAN 5:17

Yesu gi Nga" phoo gi kha: u" we' moozoo" moo nyid. Houg: su: nghoid yoomo ngoo we' atheing: anoo: loo: moo" zei: nyid zi nghoid ga: houg: bang: ri tid kyo.

YOHAN 5:19

Houg: yoomo Yesu gi Yuda zoug: yi ri tid zigi Nanu" ri ngoo deing" deing tid ba"- Nya: zoo: gi nya: nheigloem: khyo" ce" moo" we' ayo" zei. Nya: phoo koid; da" moozoo" ri yu" lho: za: dazei:- Nya: phoo cikoid; ziri nya: zoo: we' houg: su" bo koid.

ACTS 15:18

He: khyoo: ri goonham, goo co, mo wigi si' nhang: to" da" Aseing: gi hid: su" ga: tid nyid.

Roma 11:25

Mang: nhung" yi we" - nanu" gi nyang: nya: da" gungdu: ri gye se' nheig bo ein: amyid wa shid' re" ngoo gi Mangsoo: zau" yhoem" to" da" no thang da" khyoo: yi ri nanu" ri tid khoo" nau. Hau: zau" yhoem" to" da no thang da" khyoo: gi Hidsu" nghoid. Yuda byumyu" yi gi khanham we' u" loem' thain: nyid wa zi anghoid. Khyoid' yu khyoo: ri shau" wa da: nghizain' byumyu" yi bainsho' Mangso: byu yi bue" lo da" yo ju" sho' za nghoid.

1Korinthians 2:7

Ngoo kho" kyo" da" phajhi" gi moug: myid byu yi asi' loo: sho' yhoem" to" da" Mangso no, thang phajhi" khyoo: nghoid- hau: zigi: moug: phain" myid aphain" shi" mo ngoonu" myonhoo: phung" yoeb, yo" kham: yu wa shid re" Mangsoo khyen: yu too" bye: zi nghoid.

Ephesu 1:4

Nyhang" nu" gi nya: da" shid khoin" moo gyeungshang: lho: yooboo adab loo: baja" ga: ngoonu" gi Khristu yo' dadeing: daloem: za: bue" lo khyo" wigi moug: phain" myid aphain" shi" mo lang" Mangsoo gi ngoonu" ri khyen: yu too" bye- nyang: gi nya: da" jheddab nheigloem: khyo" wigi Mangsoo gi Yesu Khristu khyo" wigi ngoonu" ri nya: zooyi ga: yhen: yu wa shid mo myid phyed too" bye.

Ephesu 3:2

Nanu" da" ge, lho khyo: shid re" Mangsoo gi nya: jeju" yo' ngoori- he: da" moo" ab, byid: bye: da" khyoo: ri gyeing" nyang: nanu" shau" gyo: yu" boem bye.

Ephesu 6:19

Ngoo tid wa zi jen" uri mangsoo ngoori mungdang: byid: baja"- hau: ngei bu: lu dang: da" no, thang dangkang: ri agyug avoem, loo:- seing" yang" yang" yo" tid kyoo" sho' nga" shid re" we' akyu" bo mho' ge'.

KOLOSE 1:23

Nanu" gi geung: teung da" ayang: moo nheigloem: zung" ziyo' agyi: zug wigi geung: teung jo, ge'. hau: lho: nanu" gi hau" ngei bu: lu dang: shau" gyo: da" uri nanu" yo" yu ci: da" nheig byu khyoo: ri moo" yoin da" dei zoo: dayug bue" loo bye- hau: ngei bu: lu dang: koem gi moug: gyab, goin" jang" mo byu yug khang" moo" ri kho" kyoo" bye: da" mungdang: nghoid nyid.

KOLOSE 1:26

Nyang: gi hau: no, thang lho:-zau" yhoem" to" da" mungdang: ri mougmyid xangsu: byu yi asi loo: sho' goonham, gooco' mo dapyaid' yo' dapyaid' moo ju" sho' zau" yhoem" too" nghoid loug we' akhid" gi nya: da" byumyu" yi ri ci: shug kaid' abye:.

KOLOSE 3:3

Khasu" wim ga: ri nanu" gi shid: bye: mo, nghoid- nanu" da" kangso' gi Khristu yo' dae"- Mangsoo moo yheom" shoung: to" boem bye.

KOLOSE 4:3

Aseing Yesu da" no, thang mungdang: ri yo" kho" kyoo" wa shid re" amyeing" akhang" akhyoo" ayo, ge zi Mangsoo gi nyhang" ri byid: baja" ngoonu" shid re" we' akyu" dabo mho' nyid ge'- Khasu" wim gari Khristu da" no, thang mungdang: ri kho" kyoo" yoomo akhid" ngoo gi thung moo loung" jo.

2 THESALONI 2:13

Aseung: da" jheddab mang nhung" yi we"- nanu" yoomo ngoonu" gi Mangso da" jeju" ri khanham we' yo" coung" nghei nyid baja"- Khasu" wim gari mangsoo: gi ngoonu ri gyeungshang: da" byu yi bue" loo nhang: da" venyi yoem: so' khyo" we'-deing main" khyoo: ri loem" jeung da" nanu" laloem lakhoug: we' xang: shed" mo, khyoid yu shau" bang: khyo" wigi nanu' ri khyen: yu bye.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

2 TIMOTHI 1:9

Mangsoo gi nyhang" koid bye: ge, da" moozoo" aja: ja: yoomo anghoid loo: za: nyang: myid nyeung soin' to" khyoo: yo' jeju" khyo" ngoonu" ri khyoid yu lho: nya: da" byumyu" bue" loo wa shid re" khe: yu to" zi nghoid bye. Nyang: gi moug: aphain" myid' aphain" shi" mo nyang:- Khristu Yesu khyo" wigi hau: jeju" ngoonu" ri byid: too" bye.

2 TIMOTHI 4:17

Nghoid loug we' Aseing: gi ngoo yo' dage" nyid nyid yoomo ngoori yoem: lung: byid: nyid wigi ngoo gi tungbau byumyu" yi dangain" bang: shaug" gyoo: sho' hau" ngei bu: lu dang: gi ri joeb joeb, byeung" byeung" yo" tid kyoo" baja"- said' pyam wa ga: dang: phyed' too" bye: jang" mo khyoid yu ziri ngoo shau" kham: yu bye.

TITU 1:2

Hau: loem khau: khyoo: gi apyaid ato: kangso ri myid byu da" khyoo: moo ayang: qei" to" zi nghoid. Ase mhoug ase fain" da" mangsoo gi goonham gooco, mo nyang: apyaid ato: kangso' gi ngoonu" ri byid: wa shid re" dang: soo" khoin" byid: too" bye.

1PETERU 1:20

He: da" mougmyid ajo, shi" mo Mangsoo gi nyang: ri khyen: yu to" lho: he: mougmyid' lo" thang da" bidnyid moo nanu" da" akyu" shid re" nyang: ri myang nhang: bye.

Pang Shug 13:8

Said' pyam' shau" bye: yang nu" da" kangso' mougsoug" pug moo moug: aphain" myid aphain" shi" mo nyang- myeing bo jo, bang: mo gootu- mougmyid moo nyid da" xang: su: byu yi dangain" bang: gi hau: akhyeung" gougnyhoug zeing ri coem noku boem wa zi nghoid.

Pang Shug 14:6

Hau: thang: rimoug: myid mungdain loem: khang" moo" moo nyid da" myeing" acang: joeb, bang:- byumyu" acang: joeb da" bang: ri tid fu" kyoo" wa shid re" apyaid' atoo: mo ngei bu: lu dang: gi ri ci: lho: moug: laid' moo dang: lheung: nyid da" moug: lagyoo: gootu: ri ngoo myang.

Pang Shug 17:8

Hau: akhyeung" da" gougnyhoug gi shid' phyang" dei nyid yu" bye- nghoid loug we' akhid" gi adei nyid loo- nghoid loug we' nyang: gi no, athang da" duang: khuang" mo thu' re" lho: wigi phyo' shoin, pyam' jang" khyoo: yhe: loo" wa zi nghoid. Moug: phain" myid' aphain" shi" mo Nya: kang: so' moug soug" pug moo -myeing abo lhid" kaid' to" da" moug: myid byu yi gi hau: akhyeung" da" gougnyhoug zeing ri shau" myang lang" mau" hang" to" boem wa nghoid. Nyang: gigoo" nham, dei nyid yu" gye- akhid" gi adei nyid loo- nghoid loug we' doem dei loo shi" wa zi nghoid.

Pang Shug 4:11

Ngoonu" da" Aseing: yo' Mangso- Nang gi jo, moo jo, ri phain" so: to" lho: wigi hau: gu: dangain" ri nang nyang: myid vho: khyo" dajo, jo, nhang: ziyo' kangso' dei nyid boem nhang: yoomo Nang gi phung" yoeb, myonhoo: yo" lho: phoug" tab ngi shab, byid: da" myonhoo: yoo" moin: nyid o"- ga: coung" nghei nyid boem ago".