Ephesu 3:8 - Lacid Common Language Bible

⁸ Ngoo gi Mangso byu yi dangain" bang: mo nge thang su: tho' moo lang" je" ngi su nghoid- Nghoid loug we' Mangsoo gi Khristu da" athang agoin soidgain da" khyoo: ngei bu: lu dang: gi, ri nghi: zain' byumyu" yi jhang khyoo: ci: yhe: wa akhang" ngo ri byid: bye.

Ephesu 3:8 ပူးပေါင်းရင်းမြစ်များ

1 KHOKHAM MHOOMYID: 17:16

Hau: thang: khokham David gi Aseing da" shidkhoin" zoem" khyoo: vang yhe: wigi zhung jo, lho: akyu" mho' zigi «Aseing Mangsoo we"- ngoo ri yo' nga" yhoemkhung: ri nang koid bye: da" gu: gi ngoo yo' amoin: yi" nghoid da:.

COUNG" NGHEI 31:19

Nang ri gyoug voem phau" myang: nyid mo, shid re" nang shoug: too" byid: da" ge lho, khyoo: joem gi khayhi' mau" pho" khyoo: nghoid nyid lha". Nang gi khayhi' gi su: nghoid ziri we' nang ri nghe: khoug: mo, ri lhoug zung" goin coung: byid: da" khyoo: ri we' yugkhang" moo" se' nyid bye:.

LUKA 14:22

Amyang" ri dei zoo: yi doem ju" lo lho: Aseing: nhang: kaid ziyo' dakhyoo" bain koid: bye. Nghoidloug we' joyoo akoem: jo, shi" ga: tid.

YOHAN 1:16

Nyang: gi Jeju" yo" byeung" su: nghoid zi yo" dakhyoo" ti"- Jeju" da loem: thang: moo daloem: nyhang" ri shamain" byid: nyid.

ACTS 5:41

Lagyoo: yi gi Yesu da" myeing yoomo sho' thu' khyoo: thoung" shau" zigi kham' zoo: moin: da" khyoo: nghoid ga: - Mangsoo gi nyangnu" ri soin: yu byid: bye: yoomo nyangnu" gi ngei pyo: ziyo' Yuda tarha" yab, do mo thu lo" boem bye.

ACTS 9:15

Aseing: gi Anania ri doem tid zigi yhe: loo" we' tungboug yi ri we' khokham" ri we' Israela byu yi ri we' nga" myeing ri cang tid fu" Yen" zoore- ngoori coung" nghei byid: wa shid mo ngoo khyen: yu too" su: nghoid.

Roma 11:33

Apyaid' ato: Mangso: da jeju" gi gye gye jo nhung: lha". Mangso: da" nyan phajhi" yo' se' yeig phajhi" gi gye no jo, nhung: nya: dang: phyed' dang: phyed' da" khyoo: ri hang" yo" phoid' kyoo" wa lha". Nya: moozoo" ri hang" se' gyoo: byid: wa lha".

Roma 12:10

Nanu" dayug yo' dayug gi mang: seing: nhung" seing: ri yhang: ti" jheddab kang: tei" go" nyid ge'. Dayug wigi dayug ri coung" byid wa so' phyed' nyid ge'.

Roma 2:4

Houg: za: we' anghoid shi" - nang gi Aseing jheddab nheig khyeug nyid da khyoo: - nheigloem: sheing: byid nyid khyoo: yo' kham' zeing: byid nyid da" khyoo: ri aphoug" akhyoid' koid' bye. Mangsoo: gi nang ri ngheig loem: thid' loo wa shid' re" - khyoo: shid' byid: nyid yoomo - Mangsoo: jheddab nheig khyeug da" khyoo: ri nang deing" deing si bye.

1Korinthians 1:30

Mangsoo gi ngoonu" ri- Khristu yo' dadeing: daloem: za: bue" loo nhang: bye: yoomo Mangsoo gi Khristu ri ngoonu" da" phajhi" lasi, laleig bue" loo nhang: bye. nyang: khyo" wigi: Mangso da" shid khoin" moo- deing byeung" bang: yo" bue" loo bye- Mangso da" gyeungshang: byumyu" yo" bue" lo boem bye: ziyo'- ngoonu" gi lhoid pyoin kaid zi we' shau" boem bye.

1Korinthians 15:9

Khasu" wim gari- lagyoo: yi moo: nge thang su: ngoo nghoid. Mangso da" phung: ri shen" yhen bye: yoomo- lagyoo: ein: wa zi lang amoin: loo.

1Korinthians 2:9

Nghoid loug jhoem: mungdang: moo- hang" we' amyang yu" ashoug" gyo: yu" da" khyoo: bue" loo wa zi nghoid ga: wigi- Hang" amyid, ju" da" khyoo: ri- Mangsoo gi nyang: ri jheddab bang: shid re"- nyheung too" bye ga: lhid" to".

GALATI 1:16

Hau: thang: ri tung bau, byumyu" yi ri nya: zo: da" ngei bu: lu dang: kho" kyoo" wa shid re" nya: zo: ngoori toin" shid' da" uri ngoo gi hang" da" phajhi" byid: khyoo: ri we' amho, yu yu".

GALATI 2:8

Khasu" wim gari Mangso da" yoem: moo" so' zeing khyo" Petru ri Yuda byumyu" yi shid re" lagyo: aya moo tang: too" byid: ziyo' dakhyoo" ti"- ngoori we' tung bau byumyu" yi shid' re" lagyo: aya moo tang: too" byid: bye.

Ephesu 2:7

Nyang: hidsu" koid da" khyoo: gi Khristu Yesu moo ngoonu" ri toin" shid da" nya: jhed khyeing: kang: khyeing: khyo" wigi nya: da" jeju" gi gooki" lid' gyi: sheung: jo, da" khyoo: ri myang se' loo wa shid re" toin" shid nyid.

Ephesu 3:1

He: da" khyoo: yoomo nanu" ngi zain byumyu" yi shid re" Khristu Yesu da" thung: byu ngoo Polu gi Mangso jang" moo akyu" mho' nyid.

Ephesu 3:16

Nanu" da" akhoug: mo byu ein: da" nheigloem: ung: khoug: yoem: bo loo goo" baja"- Mangsoo gi nya: myo: tham: da" myonhoo: phung yoeb, mo nya: venyi: nanu" ri yoem: so' byid: nyid baja"- ngoo gi Mangsoo moo akyu" mho' nyid.

Ephesu 3:19

Nghoid bye"- nya: da" jheddab nheigloem: rigi khanham we' bain si wa zi anghoid- Nghoid loug we' nanu" gi nya: da" jheddab nheigloem: ri se' lo wigi nanu" moo we' dabo jo, baja" ein: akyu" mho' nyid.

Ephesu 3:2

Nanu" da" ge, lho khyo: shid re" Mangsoo gi nya: jeju" yo' ngoori- he: da" moo" ab, byid: bye: da" khyoo: ri gyeing" nyang: nanu" shau" gyo: yu" boem bye.

PHILIPI 2:3

Phau: khuang nghoid boin: da" nheigloem:- nya: akyu" ri za: shoo: nau da" nheigloem: yo' ci" we' akoid nyid goo"- subi" gi nga" tho' re" je gi mo, nghoid ein:- khanham we' myid yu zoore"- sube" vhoo: moo khyo, nyhoem: zoem" khau: nyid ge'.

PHILIPI 4:19

Hougsu" nghoid yoomo Mangsoo koem gi myonhoo: phung" yoeb, yo' phajhi" soid gain' athang agoin yo" jo, nyid ziyo' dakhyoo" ti"- nanu" ri Khristu khoug: moo nanu" da" ca" moo ca" ri jhoeb, pyeing" byid: wa nghoid.

KOLOSE 1:27

Mangsoo nyheung soin' to" khyoo: gi byumyu" bain' sho' bang: shid re" nyang: yo" jo, da" myo: tham: phung" yoeb myonhoo: bo da" yhoem" shoung: to" da" phajhi" ri nya: da" byu yi jhang moo-pang shug byid: da" khyoo: nghoid- hougsu" yhoem" to" da" phajhi" gi nyangnu" da" nheigloem: ung: khoug: moo vang jo, bye: ein: da" khyoo: nghoid- hau: da" dangkang: gi nanu" Mangsoo yo' dage" hau: phung" yoeb, ri coem kham: yu da" khyoo: nghoid.

1 TIMOTHI 1:13

Ngoo koem' gi lid loo bye: da" ayo, moo Aseing: ri age khyo" yooboo foin:- juang" yi pyi: sho: shen" yhen ziyo' rue" lid lo yu" su: nghoid, nghoid loug we' Mangsoo gi ngoori nheig khyeug nyid shi"- Khasu" wim ga: ri ngoo moo loem" jeung da" myid, aboo shi" yoomo ngoo cikoid nyid ziri" ngoo nyang: asi.

1 TIMOTHI 1:15

Yooboo dab, mo, ri khyoid yu wa shid re" Yesu Khristu gi mougmyid' khyoo: ju" ri bye"- ga: da" dang: khoin" gi khyag nyang: kham: yu ge ziyo' loem, ge" da" dang: khoin" nyang: nghoid bye. Hau: yooboo dab, bang: moo ngoo gi gyi: thang da" yooboo dab, su: nghoid nyid.

1 TIMOTHI 2:7

Hougsu" nghoid yoomo Aseing: gi ngori lagyoo: dayug khyo" we' tung: bau byu yi da" jhoug" byid: sara: dayug khyo" we' hau: loem" jeung" da" khyoo: yo' deingmain" da" mungdang: ri kho" kyoo" wa shid re" nhang: kaid' zi shau" bye. Ngoo mhau' tid zi anghoid- deingmain" da" dang: ri tid nyid.

2 TIMOTHI 1:11

Hau: da" ngei bu: lu dang: ri tid fu" loo' wa shid re" mangsoo gi ngoori lagyoo; dayug khyo" we' jhau" mhoo, byid: da" sara: khyo" we' nyheung soin' too" bye.

Pang Shug 3:18

Houg: su" nghoid yoomo nang gi yo" loo de, loo wa shid re" sheing: gyeing" ri nga" jang" mo qei yu wa shid mo ngoo phajhi" byid - hau: tho' mo gootu: asho, ashid: da" shoo" cen: doem: moo goo wa shid re" yo' Nanyang: void wa shid re" phyu: gyeung" da" byimi ri nghoid loug we' nga" jang" mo qei yu we'.