Ephesu 3:4 - Lacid Common Language Bible

⁴ Nanu" gi houg: ngoo lhid" kaid' da" khyoo: ri nghab yu" boem nghoid rigi Khristu yo' sen: da" no, thang khyoo: ri ngoo khasu" se' gyo: da" khyoo: ri nanu" we' se' gyo: boem wa nghoid.

Ephesu 3:4 ပူးပေါင်းရင်းမြစ်များ

MATHE 13:11

Yesu gi «Nanu" gi mougkhoung: mungdain: da" no, thang khyoo: ri se' gyo: da" akhang" yo" ago". Goo" ji koem gi hau: akhang" ri ayoo" nghoid ago".

LUKA 8:10

Nyang: doem tid zigi Nanu" gi Mangsoo vhoeb khang" da" khyoo: mo no, thang da" khyoo: joem ri se' abye: go"- gootu: bang: gi yu" nyid lho: amyang- shau" gyo: lho: ase' gyoo: yoomo dangtu' khyo" kho" kyoo" ca" nyid.

Roma 11:25

Mang: nhung" yi we" - nanu" gi nyang: nya: da" gungdu: ri gye se' nheig bo ein: amyid wa shid' re" ngoo gi Mangsoo: zau" yhoem" to" da" no thang da" khyoo: yi ri nanu" ri tid khoo" nau. Hau: zau" yhoem" to" da no thang da" khyoo: gi Hidsu" nghoid. Yuda byumyu" yi gi khanham we' u" loem' thain: nyid wa zi anghoid. Khyoid' yu khyoo: ri shau" wa da: nghizain' byumyu" yi bainsho' Mangso: byu yi bue" lo da" yo ju" sho' za nghoid.

Roma 16:25

Mangsoo: da" phung" yoeb myho, nhoo: ri ngoo nu" coung" nghei" boem shang ngoo khyo" kyo" tid Khristu Yesu da" lu dang: gi khyo" we' shid' phyang" pyaid mo, zau" to" da" no thang deungmain" tarha" khyoo: ri toin" shid' khyo" we' Mangsoo: gi ngoonu" da" loem jeing" khyoo: ri o" geing: teing nhang.

1Korinthians 13:2

Ngoo gi lapi: se' pe: ziyo'- no, da" dang: kang dangain" ziri- se' myab, thang da" phajhi" aja" ja: yo' joeb, byeung" lho: wigi- boem, ri yo" doin: shu" pyam sho' da"- loem" jeung" emyid, boo nghoid loug we'- jheddab da" nheigloem: abo rigi: ngoo ci" we' anghoid.

1Korinthians 4:1

Ngoonu" gi Mangso no, thang da" yhoem" nghoeb, to" deingmain" khyoo: ri- yu" nyheing wa shid re" khyen: to" da"- Khristu dei zoo: yi nghoid ga: nanu" myid yu, eung: nyid da.

2~KORINTHU 11:6

Ngoo gi kho" kyo": khyoo: moo akung su: to' nghoid loug we' gyeung: nyang: ngoose' kung khyoo: moo gi hougsu" anghoid ngoonu" gi ayo, loem: khang" moo" moo bue" lo, da" akhyoo" azoo" dangain" jang" moo he: khyoo: dangain" nanu" ri bang bang si' nang boem bye.

Ephesu 1:9

Mangsoo gi nyang: myid soin: to" khyoo: ri koid lho: Khristu khyoo" wigi joeb, byeung" loo nhang: wa shid re" myid phyed' too" bye: da" nyang: yhoem" too" zau" to" da" soin' nyheung to" khyoo: ngoonu" ri si' nhang: bye.

Ephesu 3:3

Mangsoo gi nya: da" no, thang khyo" nyheung soin' to" khyoo: ri toin" shid' lho: wigi hau: khyoo: ngoori si' nhang: bye- leung" khyo" lhid" kaid' bye.

Ephesu 3:9

xo' lho: wigi Mangso da: no, thang myid soin' to" khyoo: khasu" bue" thu' loo wa da" khyoo: xangsu: byu dangain" bang: ri myang se' loo nhang: wa shid re" we' Mangsoo gi hau" amyeing" akhang" ngoori byid: bye- jo, moo jo, ri phain" so: to" da" nya: da" no, thang khyoo: ri lid loo" bye: da" pyaid dangain" jang" moo yhoem" to" gyo" loo bye.

Ephesu 5:32

He: khyoo: gi jhoem: mungdang: moo tid shed to" da" deingmain" khyoo: dakhaid nghoid wigi Khristu yo' phung: da" khyoo: ri yeung lho: tid zi nghoid ein: ngoo se' gyoo: bye.

Ephesu 6:19

Ngoo tid wa zi jen" uri mangsoo ngoori mungdang: byid: baja"- hau: ngei bu: lu dang: da" no, thang dangkang: ri agyug avoem, loo:- seing" yang" yang" yo" tid kyoo" sho' nga" shid re" we' akyu" bo mho' ge'.

KOLOSE 1:26

Nyang: gi hau: no, thang lho:-zau" yhoem" to" da" mungdang: ri mougmyid xangsu: byu yi asi loo: sho' goonham, gooco' mo dapyaid' yo' dapyaid' moo ju" sho' zau" yhoem" too" nghoid loug we' akhid" gi nya: da" byumyu" yi ri ci: shug kaid' abye:.

KOLOSE 2:2

Hougsu" ngoo yoem: kaid' voin yu, da" khyoo: gi nyangnu" dangain" tho' moo myo, yang" da" nheigloem: yo' joeb, byeung" wigi dayug yo' dayoung da" jheddab da" emyid moo-tei" xo' go" lo" ziyo' nyangnu" gi deingmain" da" lasi, phajhi" mo myo: tham: da" nheig shid: nheig deig khyoo: ri nyangnu" yo" yu wa shid re" nghoid- hougsu" wi nyangnu" gi-he: khyo" wigi Mangso zau" yheom" to" da" no, thang phajhi" ri se' gyo: lo boem wa nghoid hau: phajhi" gi Khritstu nyang: nghoid bye.

KOLOSE 4:3

Aseing Yesu da" no, thang mungdang: ri yo" kho" kyoo" wa shid re" amyeing" akhang" akhyoo" ayo, ge zi Mangsoo gi nyhang" ri byid: baja" ngoonu" shid re" we' akyu" dabo mho' nyid ge'- Khasu" wim gari Khristu da" no, thang mungdang: ri kho" kyoo" yoomo akhid" ngoo gi thung moo loung" jo.

1 TIMOTHI 3:16

Yha" noku thung" mo loem" jeung" da" no, thang khyoo: gi kha: yhi' gyi: lam: jo, ziri hang" we' ngeug gyang: joyoo abo zigi vhoo: moo lhid" to" ziyo' dakhyoo" ti" nghoid nyid. xang: su byu da" gung du: khyo" thu' yab, loo bye: ziyo' deing su: nghoid da" khyoo:- hau: gyeungshang: da" venyi gi toin" shid nyid Mouglagyoo: yi we' nyang: ri shau: myang boem bye- nya: khyoo: gi byumyu" bain sho' mo, ri kho" kyo" tid fu" boem abye: go. Moug: myid byu dangain" gi nyang: ri loem" jeung" boem abye: go- houg: su" nyang: ri moug: khung: tho' khyoo: shu" to' yu zi shau" abye:.

1 TIMOTHI 3:9

Hougsu" toin" shid too" bye: da" loem: jeung" khyo: da" deingmain" khyoo: ri gyeungshang: da" nheigloem: yo' lhoem: kham: yu yu lho: loem" jeung" loem, khau: nyid mo, nghoid ca" boem.