Ephesu 2:8 - Lacid Common Language Bible

^8-9 Khasu" wim gari loem" jeung" khyoo: yoomo nanu" gi Mangso da" jeju" khyo" za: khyoid khyi: yu zi shau" khyoo: nghoid. Hau: zigi nanu" yoem: kaid' yoomo yo" yu da" akyu" anghoid - hang" we' phau: khuang jang: ajo, baja"- Mangso da" jeju" jhung: shug za: danghoid.

Ephesu 2:8 ပူးပေါင်းရင်းမြစ်များ

MATHE 16:17

Yesu gi «Yona da" nya: zoo: Simon we"- nang ngilho' bye. He: khyoo: gi Xangsu: byu dayug yug nang ri toin" shid' zi anghoid. Mougkhung: mo nga" phoo Mangsoo toin shid yoomo za: nang dayo" se' ga: tid.

MATHE 20:9

Houg: lang" vhu" shi: su: gi myenthang: wim: nayi: ri vang zei: mo, gi ngei phyu: dakyab kyab yo" yu boem bye.

MARKU 16:16

Loem" jeung" lho:- Babtisma kham: su: hang" nghoid loug we' khyoid yu zi shau" goo" wa nghoid loug aloem" ajeung" su: gi hang" we' tarha" dang: phyed zi shug goo" wa.

LUKA 7:50

Nghoidloug we' Yesu gi hau: myiyi: ri «Re" da" loem" jeing" khyoo: gi nang ri khyoid yu bye. Nheugloem: pyoo" pyoo: za: daloo" re'» ga: tid kaid.

YOHAN 3:36

Hou zoo: shang: ri loem" jeing" su: hang" nghoid loug we' apyaid ato: kangso' yoo" wa zi nghoid. Nghoidloug we' nya: zoo: da" dang: ri atam" gyoo: su: gi kangso' ayo" yu Mangso da" yoobo dam byid: zigi hau: youg tho' moo dajo, jo, nyid wa zi nghoid.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

YOHAN 5:24

Deing" deing nanu" ri ngoo tid ba"- Nga" da" dang: ri shau" gyo: lho: ngoori nhang: kaid su: ri loem" jeing" su: gi Apyaid' ato: kangso' yo. Nyang: gi tarha" dang: phyed' zi athoung" shau" loo za: shid: jo, jang" mo- Kangso' dei nyid da" shoid khyoo: yo" rue' led loo" su: nghoid bye.

YOHAN 6:35

Yesu gi ngoo gi Kangso' zooyho' nghoid. Nga" jhang ri" su: gi Khanham we' zooyoid zi shau" loo wa anghoid. Ngoori loem" jeing" su: we' khanham we' gyid shed' zi shau" loo: wa anghoid ga: wigi tid.

YOHAN 6:37

Phoo Mangsoo ngoori ab byid: to" da" byu dangain" gi Nga" jang" moo ju" loo wa. Nga" jang" moo ju" loo mo, ri ngoo she: lhei" pyam wa zi anghoid.

YOHAN 6:40

Khasu" wim gari nya: zoo: ri Noku loem: jeing" loo mo, dangain" gi Apyaid' ato: kangso' ri yo" yu wa shid' re" Nga" phoo gi vho: nyid. Ngoo we' houg: bang: ri lo" thang bidnyid moo shid: jang mo doem dei to'' loo nhang: wa zi nghoid.

YOHAN 6:44

Ngoori nhang: kaid da" phoo Mangso wigi amhoid" shu" lo rigi hang" we' nga" jang" moo ayo" loo. Nga" jhang ju" loo su: ri ngoo gi lo" thang da" bidnyid moo shid: jang" mo doem dei to'' loo nhang: wa.

YOHAN 6:65

Houg: su" nghoid yoomo Yesu gi Nga" jang" moo ayo" juri"- ein: ngoo nanu" ri tid lid: loo bye ga: tid.

ACTS 14:27

Nya: eig: yug gi Antioki voogung khyoo: ju" yhe: loo" lang" phung byu yi ri khe: zheung" yu wigi nya: eig yug khyo" Mangsoo gi khate" da" moo" ri zei: loo bye: da" khyoo: dangain" ri we' Mangsoo gi tungbau byumyu" yi Yesu ri loem" jeung" lo boem wa shid' mo khyoo: khasu" phang byid: lo da" khyoo: dangain" ri we' - nyangnu" ri tid kyo" ago".

ACTS 15:11

Ngoonu" we' nyangnu" yo' dakhyoo" ti" loem" jeing" yoomo Aseing Yesu da" jeju" khyo" wigi khyoid yu khyoo: ri shau" yu boem bye- ga: tid.

ACTS 16:14

Houg: bang: da" phung: mo Thuathra voogung mo pain" mi, phaga: koid da" Ludi ga: da" myiyi: we' dayug bo. Nyang: gi Mangsoo ri coung" pid' noku da" myiyi: dayug nghoid wigi Polu kho" kyo" nyid da" mungdang: ri nheigloem: zhug zhug za: tam" gyo: yu wa shid re" aseing: gi nya: nheigloem: khoem" duang: ri phang byed.

ACTS 16:31

Nya: eig yug gi Aseing Yesu ri loem" jeing" we' - houg: lang" nang yo' re" da" yheom: khau: byu yi khyoid yu zi shau" wa nghoid- ga: phoug tu.

Roma 10:14

Nghoidloug we' houg: bang: gi - u" vang loem" jeung" khyoo: abo rigi - Khasu" wigi - Aseing: jhang akyu" yhe; se' mho' wa lha". Mungdang: tarha" ashug" gyo: rigi - khasu" wim u" vang se' loem jeing" wa Mungdang: tarha" kho" kyoo" su: anyid ri khayo se' shaug" gyoo: wa

Roma 10:17

Houg yoomo byu yi gi Mungdang: shaug" gyoo: yoomo u" vang loem" jeung" lo boem. Byu dayug gi Khristu da" khyoo: kho" kyoo" yoomo byu yi gi mungdang: ri yo" shau" gyo: boem.

Roma 4:16

Hougsu" nghoid yoomo Abraham: da nyamyid nyazoo: yi dangain" mo gi - Mangso: da" dang: soo" khoin" aphoug" asang: loo: kham: zo: da" akhang" jo da" khyoo: sagsi yo" kham: - loem" jeung" da" tho' moo ayang: qei" lho: dang: soo" khoin" too" byid bye. Hau: dang: soo" khoin" gi Moshe da" tarha" ri cang mo shid' re" za nghoid. Abraham: yhang: ti" Mangsoo: ri loem" jeung" mo shid' re" we' nghoid. Khasu" wim ga: ri Abraham: gi ngoonu" dangain" mo da" venyi: phoojhung: nghoid.

Roma 4:5

Nghoidloug we' xangsu: byu yi gi nyang: nyang cang da" ge khyoo: ri aloem loo za: Mangsoo: ri za: loem" jeung" nghoid rigi Mangsoo gi nya: da" loem" jeung" khyoo: ri yu" lho: wigi nyang: ri yooboo ayo" ga: dang: phyed' soin: teing to' wa he: khyo" wigi Mangsoo: gi xangsu" byu ri lhoem: kham: yu nyid.

Roma 9:16

Houg: yoomo Mangsoo da khyen: yu khyoo: gi byu yi vho: da" khyo" anghoid. Byu xangsu: yi yoem yo" kaid' jang" khyo" we' anghoid. Mangso: nheig khyeug jang" mo za: danghoid.

GALATI 3:14

Yesu hid: su" koid da" khyoo: gi Abraham kham: yu da" Mangsoo dangsoo" yo" sen: da" mainkaid jeju" ri tungbau byu yi we' Yesu Khristu khoug: khyo" yo" kham: yu wa ziyo' ngoonu" nghoid loug hau: loem" jeung" khyoo: khyo" Mangso da" dang: soo" byid: to" Venyi ri shau" kham: yu wa zi nghoid.

GALATI 3:22

Nghoid loug we' mougmyid gyab goin" gi hau: youg: noo yoobo wigi nghoeb, boem" pyam' bye, ga: wigi jhoem: mougsoug" moo tid nyid hougsu" nghoid yoomo Yesu Khristu ri loem" jeung khyo" wigi byid: wa ga: da" dang: soo" jeju" agyid asoo: ri loem" jeing" bang: ri byid: nyid.

Ephesu 1:19

Khamyho, agoin ayu: nghoid nyid da" khyoo: ri we' Aseing: ri loem" jeing" bang: ngoonu" moo nya: yoem: so' gi khayhi' gyi: sheung: jo, ziri we' nanu" shau" myang se' lo boem baja"- nanu" da" nheigloem: ung: khoug:- soozoo: lheung: lo wigi nya: da" bidbang ri myang loo: baja"- ngoonu" moo moo" zei: nyid da" he: da" yoem: so' gi

Ephesu 2:10

Ngoonu" gi Mangsoo nyang: myid vho ziyo' dakhyoo" ti"- phain" so: to" zi shau" mo, nghoid nyid wigi Khristu Yesu yo' ngoonu" deung: shoin" to" khyoo: yoomo nyang: gi ngoonu" ri ge da" moozoo" joem shid re" phain" so: too" bye- hau: ge, da" moozoo" joem ri ngoonu" zei: soo, wa shid re" soin' nyheung too" byid: bye.

Ephesu 2:5

Ngoonu" da" atam" gyoo: loo: shoid vhang: lo" da" khyoo: yoomo venyi moo shid: leung jo, uri Khristu yo' dage" ngoonu" ri doem dei loo nhang: bye hau: khyoo: gi Mangsoo da" jeju" yo' ngoonu" gi khyoid yu zi shau" da" khyoo: nghoid.

PHILIPI 1:29

Khasu" wim ga: ri nanu" gi Khristu ri loem" jeung" khyo" za: we' anghoid shi"- nya: shid' re" shen" yhen jam jau kham khyo" we' Aseing: da" moo" ri voin vu, akhang" jeju" gam, byid: zi shau" abye: go.

KOLOSE 2:12

Nanu" gi Babtisma kham: yu da" bidnyid ri nyang: yo' dage" myhoeb, pyam' zi shau" wigi Khristu ri shid: jang" mo doem dei to' loo nhang: Mangso da"-yoem: moo" ri loem" jeung da" laloem, lakhoug: yoomo Khristu yo' dage" dei to'' loo nhang: zi shau" boem bye.

2 THESALONI 1:9

Nyang: nu" ri gi Aseing: da" shid' khoin" mo gang: loo" nhang: lho: nya: yoem: moo" bo da" myonhoo: phung" yoeb, yo' byed, gang: lo" ein: da" pyaid moo too" moo lhu: phyo' lhu: shoin pyam' da" shid: gyoin, ri shau" boem wa zi nghoid.

HEBRE 6:4

Khasu" wim gari hau" loem" jeung" da" khyoo: mo dalheing: doem, phoug tau" loo" bye: bang: gi nheigloem: dalheing: doem thed' loo wa shid re" khasu" se' ge, bui" loo wa. Nyangnu" gi Mangso da" bidbang moo dalheing: nyid yu" bye: mo, nghoid wigi Moug: khung: mo jeju" jhung: shug ri da lheing: bain ca yu" bye: ziyo' hau: gyeungshang: da" Venyi ri dalheing: coem, kham: yu yu" bye: bang: nghoid nyid boem.

1PETERU 1:5

Hau: agyid asoo: gi nanu" shid' re" nghoid- nanu" gi loem, khau loem" jeung" yoomo Mangso yoem: so' yo' lo" thang bidnyid moo yo" toin' shed' wa jen" bye: da" khyoid yu khyoo: yoo" sho' zung" lhug zi shau" mo, nghoid ago".